امير
صدمة بعمري ماانساها ب ليلة اللي عرفنا ليث هو ماله ذنب جنت شاك بحازم بس فقدت عقلي بهذيج الليلة مااعرف شصارلي و ردة فعل براء خايف منها اصلا بس كلتلها بالمستشفى جمدت بمكانها وجها اصفر ودموعها نزلوا
دخلت للبيت المغرب على امل اشوفها ولو لمحه وحده عادي شفتها بالمطبخ مخليه راسها عالميز وكدامها دفتر صافنة عليه صحتلها......براء
ماردت مديت ايدي لزمت كتفها رفعت راسها ودفعت ايدي حيل استغربت ردة فعلها رادت تطلع لزمتها من ايدها.....براء شبيج !
باوعت بعيوني بحدة.....مالك دخل بيه
عصرت ايدها حيل.....براااااء احجي عدل
صارت اعصاب حجت بحده......بيه ليث بيه حبه اللي ماااااااكدر انساه نضراته بيوم اللي ضربتوا تاكل بكلبي مثل الافة اللي تاكل المحصول مع هذا
نزلن دموعها وكملت......مع هذا اكول ميخالف براء ميخالف اللي راح ابوهم حسيت بحركتكم لان وجع كلبي على محبوبي محد يحس بيه غيري نار جمرة تسعر بيه بيوم اللي سألتني منو اللي تحبي كلتلك انت تذكرني بيه اميررررر وجهك يذكرني بآلامه و وآهاته اووووووف روح امير روح آأذيك بكلامي اكثر اذا ضليت اكثر
خناجر دخلتها بكلبي من اعترفت بحبه كدامي اذتني حيل اكثر حتى من يوم اللي بجت علموده بالمستشفى طلعت بره مااريد اخلي دموعي تنزل كدام بشر ضليت ابجي اجه غيث سألني وكلتله سايسني بالكلام ودخل جوه ضليت ادخن بعدين دخلت
لمحتها كاعده ع الدرج ماحسستها مهتم بيها قررت بعد مااوصل يمها وانهي حبها من كلبي بس اووف الكلام اسهل من الفعل صعدت لغرفتي ضليت سهران لل7صبح كعدت الساعة بال4 ثاني يوم حييل كمت نزلت لكيت بنيه يم براء هستوهن ينزلن من فوك كعدتها ع الكرويته براء
وراحت للارضي ضلت تسجل برقم وايدها ترجف حيل عقدت حواجبي باستغراب نوب انفتح الخط وحجت بدموع مابينت مهتم للموضوع رحت اغسل واصلي القضاء كملت وسمعت الباب انهجمت يكول تريلة ودعمتها طلعت اركض شفت
ليث دخل مثل اعصار تسونامي ادور بنية تركض عليه وحضنته تبجي هوه يهدأ بيها صاح على شمس ع عباية انطتهيا حضنته وتبجي وراها براء يابه كبت عندي الحماوة خررب تبجي بحضنه مثل الطفلة مدري شنو شاورها وهي هم شاورته كلها....والله ابتسمتله بنت ال،،،،،استغفر الله ربي بعدت عنه
صعدت فوك شهل تصرفات عبالك جهال اووف
بدلت ملابسي ونزلت اروح يم صديقي افضلي من هالسينما الحاطيها كبالي امي كالت......يمه وين رايح من البارحة ماماكل واليوم كعدت هالعصرية وطالع ماتجي تاكلك كم لكمة
رديت عليها برفض تام.....لايمه عندي شغل اريد اروح
طلعت لحكتني بره.....امير لحظه
جاوبتها بنتر بدون ماباوعلها......شرايده
جاوبت بحزن.....امير ان،اني اسفة بخصوص البارحة
ماجاوبتها عفتها ورحت يم صديقي رجعت بنص الليل دخلت للاستقبال جاي تنظف بيه ردت اطلع استوقفني كلامها.....اني طالعة ماكو داعي تطلع
طلعت وسدت الباب بس سحلت روحي وياها
ضليت ادخن بيه خلصت باكيت كامل ادور صعدت نمت
أنت تقرأ
فصليتي ولكن الظروف.....
Romanceالمشهد .....غيث الله يخليك اخوية مو مجرم مستحيل يكتل ابوك غيييييييث مااحس اله صفكني راجدي اذني كامت تصوفر اخر شي اجو ولد عمه اخذوا امير بالكوه هو وغيث من ليث بس قبل لاياخذوه ضربوا ضربة الحايط انفطر براسه ل ليث نوب جرني حيل ودفعني بالغرفة وقفل الباب...
