فصليتي ولكن الظروف.....

البارت الثالث عشر

آسيلُِ

رحت للصالة اخذت علاكتي وصعدت فوك فتحت التلفزيون وكعدت اباوع مسلسل هـندي صافنه ومندمجه لابعد حد اكل بالموطة  اللي اطرافها مايعه بس داخلها لا بيها جامده اندك الباب....تفضل

دخل سيرٍوان باوعلي مندمجه اجه ڪعد بصفي وڪآم ياكل وياي اجتي لقطة البطل يفتح الساري مال البطلة وصار اعلان اشو سيروان عاط عيطه ڪمزتني.....نعلعلااااا هـاي ليييييييش

طرشها لاذاني ومن الخرعه وكعت بالكاع صحت بيه.....وثول شبييييك

ضحك عليه وكال....مو هذولة الكواوي طلعوا اعلان

شمرت الجبس عليه وكمت.....من نعلعلا غيرتك شبيك لازم تريد تشوف باشا سيروان

باوعلي ورفع حاجبه بابتسامة....اي لعد ليش شنو صغير؟!

.....انجب شو صاير مستهتر !

باوعلي وضحك باستهزاء......آهااااا فد لا خجلانة اسو خانوم

.....اكل تبن وكوم اطلع يله

باوعلي ببراءة وكال.....وين اولي ماعندي مكان انام بي يله خل اروح للفندق احسن لي

انقهرت هيج غثيته صحت.....لايول اشاقه شبيك تعال

اجه وكعد ربط الموبايل عالتلفزيون وشغل فلم رعب كعدنا نباوع طلعت لقطة البنية تمشي بالبيت وتشوف تخيلات فجاة اجه واح حاط عدسات مال رعب وجسمه مزلغ الجلد ويمشي بالمكلوبي راسه ع كتفه كمزها للبنية باوعت لسيروان كمز لحضني...عابتلك وين اكو شي يخوف

طفه التلفزيون وضربني بكتفي وكال.....امداج رح اظل اتحلم وانتي ماخفتي

......ههه يولي شو اشوفه سخيييييف

كام من يمي وكال.....هو انتي عندج احساس؟

كمت وكلتله.....خليتلك الاحاسيس الك ابو المشاعر
روح نام بالغرفة واني اريد اشتغل من انعس اكومك تنام عالقنفة

كال بابتسامة......مووو اكووول انتي متنطين شغلة تخصج

ابتسمت ميعرف اني ابيع العندي والماعندي اذا احب شخصعمري كله يروحله فدوة بلحظة وحدة وبدون تفكير
كعدت وفعلا كتبت ورقة استقالتي بحثت عالغوغل شينكتب بيها وكتبتها نعست وخليتهن عالميز  رحت طلعت بطانيه ومخده من الكنتور ونمت بالكاع

كعدني ثاني يوم الصبح سيروان.....صباح الخير

سيروان.....صباح النور ليش مكعدتيني انام بمكانج

كلتله واني افرك بعيوني.....نومة الكاع احلى والله

كال......ديلا كومي بدلي داتروحين للشغل تاخرت يلا مع السلامة

.....الله وياك عمري

شلت الفراش ورجعته رحت للغرفة لكيتخ مصفط الجرباية طلعت ملابس ورحت سبحت بدلت ولبست حجاب نزلت اخذ السويج من صفوان بقه يمه لكيته هستوه يريد يطلع صحت.....صفووااان