فصليتي ولكن الظروف.....

البارت الرابع عشر

جولييت

احس نفسي هالفترة حيل دايخة ووجهي كركم تعبانة ومالي خلك لاي شخص ياهو يشوفني يكولي شبيج وكلنا مستبعدين الحمل من المستحيل يصير عندي حمل وليث كلما يشوفني هيج يكولي اخذج للطبيب بس اني اكوله عادي افلاونزا بالعظام يومين واصير زينة
مو بس هذا الشي الوحيد المضايقني ابن عمي عصام دائما عينه عليه ويكولي اني ردتج ويذب كل حجاية بكبر صماخه كبور كون حتى كبور

كعدت الصبح مثل كل يوم مابيه حيل معدتي تأذيني اوووف صبحت عليهم......صباح الخير

كلهم ردوا.....صباح النور

ليث......صباح الورد حبيبي

حمزة.....احم احم نحن هنا

ليث......ماتنجب وتولي مني مرتك يمك وتغزل بيها

كلهم ضحكوا كعدت مالي نفس لاي شي خليت راسي على كتف ليث وهو يسويلي لفة.....هاج اكلي

رديت عليه بنعاس....مااريد نعساااانه

امي كالت....توج كعدتي يايمه داكلي والله بطيتي كلوبنا

ابتسمتلها واخذت اللفة منه بس اشتميت ريحة البيض لعبة نفسي وكمت استفرغ خطيه همه جفلوا ليث كال.....كافي عاد بلا عنادج بدلي حتى نروح لدكتورة

ماناقشته لان حيل معدتي تاذيني وجسمي كله رحت لبست شال وعباة طلعت برا بالبستان انتضرته راح يجيب السويج من الغرفة
طبعا بيتنا اول شي باب جبيرة حيل ومن تفوت بستان يطلع تقريبا٦٠٠ متر يجنن داير مداير البيت ونوب عاليمين باب الديوان ديوان ٥٠٠متر وبيتنا الف متر ماشاءالله
ضليت اتمشى شوية بالبستان وبعدين حسيت احد سحبني من ايدي حيل جرني برا البيت ضليت احجي وياه وهو ميرد عتني حيل وشمرني بالسيارة تفاجأت هذا عصام صعد بالسيارة ضليت اصرخ مشينه مسافة طويلة حيل مايرد بعدين وكفنا بمنطقة مابيها احد نزل من السيارة

صرخت بوجهه......وين جااااااايبني عصااااام والله اهليييي يكتلوووك رجعنيي

ضحك باستهزاء.....عبالج ارجعج هيج واني كلما اشوف هالجسم اليخبل اويييلي لو بمكانه ليث عسى ماعقيم احملج ب3ههههه

صرخت باشمئزاز.....ساقط ونذل المفروض عرضك تصوووووني ياااساااااقط انت موووو رجاااال مرة مو رجااااال

ضربني راجدي خله خشمي يصب دم وصرخ بيه بفحيح شيطاني......موووو رجاااال هسه انييي اشوووفج الرجااال شيسوي

سحلني من ايدي فوتني لشقة صغيرة دفعني حيل وصار يفتح بازرار قميصه واني كلش خايفة واتوسل شفت مزهرية يمي ع الميز شلتها وضربته براسه حيل وايديه ترجف وكع ب الكاع غركان بدمه
ركضت كل حيلي واني
خايفة ودموعي ماخذه مسارها على خدودي وصلت يم شط شفت شخص واكف يم سيارته يدخن مشيت واني شمس سطرتني سطر ضليت امشي الطريق صار حيل طويل عيوني غوشت وسودت الدنيا بعد محسيت على شي