فصليتي ولكن الظروف.....

البارت الواحد والعشرون

اسيل

جان صوته كوه ينسمع
من سمعت شنو حجه تخربطت كل احوالي ماسيطرت على دموعي من نزلن رجعت ركض يم نرجس شافتني انصدمت وضلت تسأل من القهر عطت بيها......كااااااافي ااااااسسسكتييييي الله يااااخذني ويخلصنييي

باوعتلي مصدومه من نبرتي ورا شوية اجه صفوان شافني راد يحجي نترت......شوووكت نررروووح

هز راسه وكال.....يلا امشي

رحت بعصبية للسيارة واني امسح دموعي ويرجعن ينزلن فتح السيارة ودخلت ركعت الباب حيل صعدت نرجس همستلي.....هذا سيروان يريد يحاجيج

اخذته منها ورديت.....شبيك انت الثاااني

ضحك وكال....شبيج طكن مو؟

......فضهااا واحجييي

سيروان.....ههههه خباااال انطيني نرجس

انطيتهيا عليها.....يريددددج

اخذته وحجت ويا.......ها سيروان
اممممم
ههههه يمكن
والله مااعرف يمكن باجر لو بعده
همممم وكي يلا مع السلامة

باوعت للشباك واهز رجلي حيل ضايجه منه صفوان صاح.....لويش ضايجه اسولتي؟

غمضت عيوني وصكيت على اسناني....سلاااامتك

وصلنا وجان اكو بيت هناك عدنا مشتريه نزلنا ونزلنا الغراض ويانا دخلتهن للغرفة  ونرجس راحت للغرفة الثانية وهوه ضل بالصالة مابيه حيل اسوي اي شي من السمعته ذبيت الشال والعباية شمرت روحي عالجرباية ابجي واتذكر كلماته.......

انه احبها لاسيل لكن ماكان بيدي
عقدت على بنت عمتي حتى احميها من اهلها
يتيمه وامها طلبت مني الامان لبنتها على فراش الموت

غطيت وجهي بالمخده وصرت اصيح بعلو صوتي.......الله يااااااااااخذنيييييي واااااااااااخلص

اجوي على صوتي ونرجس حضنتني وتكول.....اهدي اسيل كااافي

دفعتها واشرت على الباب بانهيار.....طلعوووووا عووووفوووووني

تخبلت وصرت اكسر بكل شي موجود بالغرفة صفوان قيدني......شبلااااااج اسيييييل كاااااااافيج

حجيت بتوسل........رجعني للبيت صفوان الله يخليك

عافني وكال......بس هدي يلا حضري غراضج

طلع وكعدت عالجرباية حاضنه وجهي ابجي بحركَه نرجس حضنتني وتحجي وياي......احجيلي اسيل شبيج لتضلين مخنوكَه هيج يصير بيج شي

ماجاوبتها ضليت نفس كعدتي ضليت اباوعلها شالت الغراض واخذتهن نوب اجت نضفت الكزاز باوعتلي وخلت الشال على راسي لفته شلون ماجان والعباية اخذتها ويه الغراض كمت بدون صوت مسحت دموعي وطلعنا للسيارة خليت راسي عالشباك دموعي تنزل بدون صوت كلش متوقعت هذا الشي من صفوان