فصليتي ولكن الظروف.....

البارت الثالث

(كلام اسيل رح يكون نص بغدادي ونص بصراوي لانو خالتها من جهة بغدادية وابوها بصراوي لذلك يكون هيج مكسر)
اسيل

عيوني غركانه بالدموع اريد اتكلم بس ماكدر احس حبالي الصوتية مكطعة حنجرتي تأذيني حيل باوعتلها بدموع على أمل تكدر تسمعني

شمس بابتسامه.....ليش بنوتي زعلانه شنو معقولة متعرفين امج حبيبتي

هزيتلها براسي لا اشرتلها على حنجرتي دموعها نزلن بساع كالت.....اسفه حبيبتي بس عن قريب رح اخذ ابوج لان والله بعدي عنه مامريحني بقبري

عطت بصوت عالي ماعرف شلون طلع صوتي بالكوه.......لاااااااا مامااااا الله يخليج لتاخذي والله امووووت الله يخليج ابوس ايدج عليج الله ماماااااا

نزيت من الحلم واحس روحي مختنكه مااكدر اتنفس كمت من الفراش ركض رحت لبابا فتحت الباب صارت خالة بوجهي دفعتها ومشيت حسيت بألم برجلي بس ماجان يهمني بكد خوفي على بابا

فتحت باب غرفته شفت صفوان؟؟ هاي شجابه بابا جان كاعد عالجرباية مبين مابي شي اووف الحمدلله انتبهوا عليه ابتسمت وسديت الباب خاله كالتلي....شبيج مثل المخبله تركضين

ابتسمتلها وحجيت بصوت مبحوح...ها مو اجيت على بابا

رجعت حسيت بألم اقوى هالمرة برجلي باوعت عليها مجروحه يجوز من اكو شي مكسور بغرفتي بس مامنتبهه مال شنو حسيت بايدين تلتف على خصري ورجلي رفعت راسي كرار شالني ونزلني بالصالة بسرعة صاح على تماضر جابت المعقم وكطن

عقملي جروح رجلي وضل يدردم عليه لان مجروحه فديته شكد احبه رفعت راسي شفت صفوان هاي شوكت نزل رفع حاجبه وطلع شلون بيه شلون اراضي كمل وشد رجلي باللفاف وكمت على كيفي بس وجع موتني رجعت كعدت ع القنفه

كرار بانزعاج.....شوكت تعقلين عاينيلي ظلي هنا لتكومين بس تردين شي كليلهم

هزيتله راسي بأي وراح لغرفته اشرت لتماضر تجي يمي....ها اسوله

كلتلها.....حبيبي تماضر انا اريد موبايلج بس نص ساعة والسماعات

ابتسمت راحت جابت الموبايل والسماعات اجتني انطتنياهن وراحت تسوي ريوك عاينت خلفية موبايلها تجنن صورتها دخلت رمز الفيس اجن الاشعارات رنانه من نرجس ومصطفى بسرعة راسلت مصطفى.....وينك من البارحة اتصل ولاكان انا مو الف مرة اكول خلي موبايلك عندك؟؟؟

رحت على رسايل نرجس قريتهن ضليت فاتحه حلكي هاي شنو خطيه شوضعه عباس بسرعة كتبتلها....نرجس دزيلي رقمج فورااااا

ماكو ربع ساعة ودزتلي رسالة بيها رقمها دخلتها على موبايل تماضر واتصلت مترد.......خرررب وكتججج هسسسسسه

دزيتلها رسالة....بنت الااواااادم جاي اخابر ردددديي رقم بنت عمي هاذ

صدوك خابرتها وردت حجيت بعصبية......شووووكت هالحجي نرجس وليش متكولولي هااا