فصليتي ولكن الظروف.....

البارت العاشر

ماردت تحبني *يوم
ردتك تساندني *دوم
ردتك باحضاني تكسرني عسى للابد *ندوم
ليش هوه اليحب من يمته كلبه الك *مايدوم
من غمضت عيوني وبلشت احسب *النجوم
عرفتك ماتصير الي *بيوم

٠٠٠٠٠٠٠٠٠٠٠٠٠٠٠٠٠٠٠٠٠٠٠
شمس

صعب تحب شخص وتعرف هوه اللي كسرك بهالدنيا٠٠٠٠صعب وانت تعرف حرمك من احلى شي بحياتك٠٠٠٠٠صعب وانت تعرف هوه باليوم اللي رح يلكى اللي يحبهم انت اول شخص رح يتركك☹

كعدت الصبح خطيه بروءة كاعد تقرأ قرءان ميلت وجهي داشوفها زين كاعد تبجي وتقرأ دموعي نزلت لاارادي اشتاقيت الايام زمان اشتاقيت انام بصالة اني وليث وبراء واحمد واحد طول واحد عرض

مانهتم اذا كعدونا لو لا اول واحد يكعد يكوم يخبث عالثاني ويجيب جدر وقبغ ودولكه مي ويطش على الكل ويكعد يضرب القبغ بالجدر ويسوي ازعاج للكل ويصير هجوم عليه من كل النواحي ويدغدغ

رجعت من ذاكرتي وكمت لميت الفراش وخليته بالزاوية بصف الدولاب كملت براء
كلتلها....تقبل الله

مسحت دموعها وكالت....منا ومنكم

خليت الشال على راسي ورحت طلعتلي ملابس باوعت عالساعة ب4:00 ههه وجنه منكعد اله ب9:00 والله زمن دوار رحت للحمام غسلت احس روحي حيل وصخه نشفت ولبست ملابسي وطلعت

طلعت براء بوجهي ملابسه شال رفعت حاجبي وكلتلها.....شو ملابسه شال

ابتسمت بمرح وكالت....لاتلبس الشال امام اعدائك ف لو جلبت لهم املاك الدنيا باسرها سيبقون اعدائك

ضحكت وكلتلها....خوش تفكير اوكفي نروح ننظف سوا بس انشف شعري

دخلنا للغرفة وهيه مشطلتي شعري ونشفته بالخاولي(منشفه)وضفرته وكمت لبست شال وطلعنا صارت ب4:45 نظفنا البيت وسوينا ريوك كملنا ب6:00 كلها نزلت فرشنا السفرة وصبينالهم وغيث يباوع عليه وامير يباوع على براء اووووه هذوله شبيهم

صبينا اني وياها بالمطبخ كعدنا ناكل وكالت.....اكولج خالاتهم وعماتهم ورجولتهن شوكت يرحون

ضحكت وكلتلها....من اني اجيب

هزت راسها ودنكت كامت تخوط بالجاي
كلتلها....براء بيج شي

هزت راسها بمعنى لا
اعرف بيها متحجي عن حزنها كتومه بالليل بلكت اكدر اقنعها تكول شبيها شلنا الصينية مااكلنا شي يمكن بس الجاي وهم ماشربنا منه شويونه

غسلنا المواعين ورحنا شفناهم كاعد يكومون هستوهم شلنا الاكل كله ولمينا السفرة همين غسلنا المواعين  احنه نغسل وولاء تجيب😐خبلتني

عطت بيها....كاااااافي كولي حيوانات هلكااانه مو متناااا بس تجيبين وتخلين ظهري انكسررر

كالت بعصبية وشرار....اخت كتاااال ابووووي اي حيوااانة

براء متحملت وهدت بوجها.....مااا كتلللل احد ماااا كتل شبيييكم اهىء اهىء