اسيل
احيانا ننقهر من اشخاص غاليين على كَلوبنا يأذونا باسباب بس ماينطونا عذر ومرات حتى بدون اسباب نبجي ونزعل ونتضايق بس من نشوف خيالهم نسكت ومنريد نكَوللهم خاف يتضايقون ويعوفونا بس لو جنت من صدك تحب التمسله عذر بعدين يلا نسأل ترا الفركَه ولوعة المحبوب كلش ولاسهلة❌💔
ابتعدت وباوعت بعيونه ياربي دليني على طريق اكَدر اعيش بي اذا مو بسعادة على الاقل براحة بال همست......صفوان!!
صفوان......هممم
نزلت دموعي وباوعتله خايفه من جوابة اذا يكون فعلاً صحيح همست.......انت صدوك عاقد على غيري
بهتت ملامحه وبلع ريكَه غمض عيونه قوي انتبهت سرت رجفة بشفافه وهمس....اي
فتح عيونه وباوع بعيوني كال......مااكلج انجبرت ماكو رجال ينجبر على شي لكن هذا الحل الوحيد اللي عاينته كَدامي من امها توسلت
باوعتله باستغراب.....توسلت؟!!!
هز راسه ولزم ايدي سحبني على كيفه وطلعنا بالحديقة اشرلي اكعد عالمرجوحه وكعد بصفي سحبني لحضنه ورجع راسه مغمض رافع للسما.......طلبت لامان البنتها على فراش الموت وتتوسل احميها من عمامها تهموها تهمة شرف على اساس تطلع بنصاص الليالي و.....
ماخليته يكمل وسألته......منيه؟
صفوان......ايلاف بنت عمة رنا
انصدمت ويمكن من الصدمة تخبلت ضحكت بقهر باوعلي مصدوم من ردة فعلي باوعتله.......صفوان انته حفرت كَبري بايدك وكَعتي بنفس البؤرة اللي من انخطبنا طلعت نفسي منها
صفوان.....شقصدج اسيل ؟
ككت وكفت باوعتله بنظرة مكسورة.....العمة اللي انت تعترف بيها دمرتني صفوان دمرتني كتلت امي وهيه بالمستشفى اخذت صفوان وانطته لناس مسيحين ببغداد خلتني اتعارك ويه بابا قبل لايموت واشك بيه واخر شي هههه تعرف شنو اخر شي
تنهدت رفعت راسي للسما غمضت عيوني ودموعي اعلنت استسلامها......حرمتني من بابا هددته بيه كالتله على سيروان وشلون كتلت ماما ايلاف جانت تدري صفوان جانت تدري
وكعت بالكاع اشهك بالبجي ركض عليه ويهز بكتوفي.....اسيل شعرفج يمته هالكلام
فتحت عيوني وباوعتله.......قبل 7سنوات
حضني وهوه يحاول يهدأني بس اني زدت مانقصت كلامه جرحنيييي حييييل جرحني ياريته متزوج وحده من بنات عمي ولامتزوج ايلاف ياريتني متت قبل لااسمع اسمها وقبل مااتسجل بأسم صفوان
ماحسيت نفسي غير واني اتثاوب من النعاس غفيت بحضنه واني كاعده
أنت تقرأ
فصليتي ولكن الظروف.....
Romansaالمشهد .....غيث الله يخليك اخوية مو مجرم مستحيل يكتل ابوك غيييييييث مااحس اله صفكني راجدي اذني كامت تصوفر اخر شي اجو ولد عمه اخذوا امير بالكوه هو وغيث من ليث بس قبل لاياخذوه ضربوا ضربة الحايط انفطر براسه ل ليث نوب جرني حيل ودفعني بالغرفة وقفل الباب...
