فصليتي ولكن الظروف.....

البارت التاسع عشر

اسيل

نايمه وتعبانه مابيه حيل احرك شي بجسمي اسمع صفوان يكول.....حبيبي كومي اسف وعلي ماجنت رايد زعلج مايهونلي وضعج هاذ

احس صوته تعبان ومخنوك بس مااكدر الدوخه ومعدتي لازكات بيه لزكه العلج

حسيت ايده لازمه بأيدي تمسكت بيها بقوة وفتحت عيوني اول ماشافني ابتسم وصار يحجي بسرعه من الدوخه انخبط عندي الكلام ومصرت اميز حرف

راح صاح الدكتورة ومدري شحجه وياها ضلت توصفله ادوية وعلاجات باوعلي وتقرب كال......كَليبي بيه حيل يكوم نروح للبيت

هزيتله راسي بأي تقرب باس راسي......انه شوي واجي اكمل الخروجيه مالج

فعلاً واني كمت كوه نزلت رجلي بالكاع وسحبت الشال من الكرسي خليته على راسي باهمال واجه صفوان ابتسملي وتقرب صار يعدل بيه بس ميعرف شلون يشده يجيبه منا ويودي منا ذب العكال والشماغ عالسدية ودور وجهي علي وكعد بصفي

مطلع لسانه صفح وعاض على شفايفه وعاقد النونه ويحاول يجيبه مضبوط ماكو اني كوه لازمه ضحكتي اخر شي جابه عدل

سندني وطلعنا برا صعدت بالسيارة ومشه
الطريق كله راسي عالجامه وساكتين اخر شي انتبهت هذا مو طريق البيت سألته.....صفوووان هذا مو طريق البيت وين موديني؟!

صفوان وهو يبتسم......لكربلاء ونجف نزور بلغتهم من اخذتج للمستشفى ماردت اشغل بالهم

ضحكت وكلتله......هسه سيروان يستغل الوضع وياخذ راحته هههه

استغرب كال......ياخذ راحته!!!

ابتسمتله.....لا هيج لتدير بال

الطريق طويل مكاعد يخلص وموبايلي مدري وينه واستحيت اكول لصفوان انطيني موبايلك ضليت الوب انتبهلي هوه كال......بيج شي اسيل؟

.......لا مابيه بس اااااا هيج هيج انسى

صفوان بحيرة.....وضعج ماعاجبني اذا تردين اوكف السيارة

.....لا يمعود شتوكف هو اني اريد يخلص الطريق نوب حتى موبايل مجايبته مدري وين راح

شال موبايله وانطانياه واخيرررا اجه الفرج

فتحته جان مفعل نت عالشريحه اباوع هوه عنده انستغرام سويت اضافة حساب وخليت مالتي اجتني كومة اشعارات كلها طلبات مراسلة ضوجتني رسالة واحد كاتب......اروح فدوة لهل جمال نكدر نتعرف ياحلو

جنت مخليه صورتي عالانستغرام وشكد زاحفين علمودها كتبتله.......روح ابني روح اللي خلقني خالق غيري تراا
باوع على عرضك كبل لتباوعلي

حذفت الطلبات وكعدت اتصفح بيه ماكو شي ضجت وطلعت دخلت على الاستوديو كله صوره وصور اصدقائه وبيهم متصور ويه عمامي والولد
جانت اكو صورة لابس بيها بنطرون اسود وقميص ماروني وساعة سوده ولابس نظارات👇