فصليتي ولكن الظروف.....

البارت الحادي عشر

ليث

كل شي نشوفه بالحياة ونتخيله
يطلع كذبة جبيرة نحب ونتعلق ميهم اذا مصارلك شايفه يوم او عشت وياه عمر المهم كلبك يدك اله بس حيل صعب من تكتشف انو باقل مشكلة اول شخص رح يصير ضدك💔

متخيلت بيوم من الايام ولاء تطعني بظهري هالطعنة لاوالله اجذب اذا اكول بظهري طعنتني بوسط كلبي لمن تخلت عني وصدكتهم والضحية اللي راحت بسبب سوء فهم هي اختي شمس بنيتي اللي ربيتها

من اول ماوعيت على هالدنيا ساندتها واكثر من اخت لا جانت بنتي مو بس شمس كلبي احس محد يكدر يصلحه اصعب شعور هو ان يكون شخص قريب على كلبك مظلوم ومتكدر تساعده مو بس

خسرت اختي بهذاك اليوم لااحس حتى نفسي خسرتها خسرت مستقبلي حياتي تدمرت كلبي انكسر قررت اسافر واترك كل شي ورا ظهري ماعندي شي اضل الخاطره ولااكدر اساعد اختي اخذ جهالي

هذول يتامى بركبتي اخر شي اكدر احافظ عليه من مات صديقي ومرته قررت اتكفل بيهم وهسه صار دور ارجع هالامانه لاهلهم صفوان وزهور احمد يندهله فهد يكول احسه رح يطلع فهد عمرهم 5

خطيه تحسنت بهل٣ ايام فكو التجبير مني ايدي ورجلي ثنينهن ياذني بس مو بكد جرح كلبي رحت لام محمد اللي تهتم بيهم مرة ارملة خطيه عدها ولد واحد عمره سنتين

دكيت الباب طلعتلي.....شلونج خوية

ام محمد(زهرة)....الحمدلله خوية خير انشاءالله صارلك 5ايام مختفي

تنهدت بقهر كلتلها.....والله ياخويه مشاكل كبرتني سنين

زهرة.....والله ياخويه وكل امرك لربك ماكو شي يصعب عليه

كلتلها.....ونعم بالله وينهم صفوان وزهورة

ابتسمت وكالت....جوه تفضل ادخل

دخلت جوه وشفتهم بالكاع زهور نايمه على الفراش بالصالة صفوان وحمودي يلعب بالصالة تقربت عليهم

بوستهم بخدهم وكلتلها.....خوية صار الوكت اللي ازيح هالهم عنج

عيونها غوركت وكالت....ليش خوية مسوية شي غلط والله معتبرتهم جهالي ويعزون عليه مثل محمد

كلتلها.....حشاج من الغلط خوية بس همه امانه بركبتي وصار لازم ارجع هالامانه لاهلها عمامهم واجدادهم

دموعها نزلت واجتي ضلت تبوس بايدي....خوية والله العظيم شتريد اسوي بس لاتبعدني عنهم والله احبهم حتى اذا تريد اجي وياهم بس ماعوفهم فدوه

جريت ايدي كومتها وكلتلها....كومي كومي خوية انشاءالله احجي ويه عمامهم واقنعهم يخلوج يمهم حضري نفسج يالله

مسحت دموعها وكامت تحضر بابنها شوية وطلعت لابسه عباية شالت واحد واني شلت الثاني
وحمودي مجلب بعبايتها طلعنا من البيت خليتهم بالسيارة خلت الجهال ورا وهي خلت صفوان بحضنها وزهور نايمة ورا رجعت قفلت الباب وطفيت الاضوية تاكدت ماكو