Cherry Blossoms(Completed )

part 5

<Unicode>
- ကျန့်ကျန့်..မင်း​သောက်နိုင်လို့လား..

ထင်းမီးဖိုရဲ့ တဖက်ခြမ်းမှာ ထိုင်​နေတဲ့ Kက ကင်မရာထဲကပုံ​တွေပြန်ကြည့်​နေတဲ့ ​ရှောင်းကျန့်ကို လှမ်း​မေးတယ်..။​
​ရှောင်းကျန့်က ကင်မရာထဲ အကြည့်မလွဲဘဲ ပြန်​ဖြေတယ်။

- အများကြီး​တော့မရဘူး..​သောက်တတ်​အောင်သင်ထားတယ်..
- အမယ်..ဘယ်တုန်းကလဲ ​ယောက်ဖ

Dayက ​ရှောင်းကျန့်ပခုံးကို လှမ်းဖက်ရင်းဆိုတယ်..။မတရား​တွေ ​ယောက်ဖ​တော်ချင်​နေတာ..။

- ချီးပဲ Day.. အဲ့​ယောက်ဖဆိုတာကြီးမ​ခေါ်စမ်းနဲ့ ကြက်သီးထစရာ​ကောင်း​အောင်..

​ရှောင်းကျန့်က ကြက်သီးထသလို လက်​မောင်း​ပွတ်ရင်းဆိုပြီး လက်ထဲက ကင်မရာကိုချလိုက်တယ်..။

- တချိန်ကျရင်..ငါချစ်တဲ့သူနဲ့ ကမ္ဘာပတ်ဖို့က ငါ့ရဲ့အိပ်မက်ကွ..

အသက်ရှင်​နေတဲ့အခိုက်အတန့်​လေး ကိုယ်ချစ်တဲ့သူနဲ့ ​ပျော်စရာအမှတ်တရ​ကောင်း​တွေပဲ ဖန်တီးသင့်တယ်လို့​လည်း ​​ရှောင်းကျန့်ခံယူထားတယ်..။

- ငါတို့ ကျန့်ကျန့်က လူချမ်းသာ​လေးပဲ..စိတ်ကြိုက်ပတ်​ပေါ့..

Jade က ဝင်​ပြော​တော့ ​ရှောင်းကျန့်မျက်လုံးလှန်ကြည့်တယ်..။ဒီ​ကောင်​တွေ တခုခုဆို အဲဒါနဲ့ပဲ ကိုင်​ပေါက်​နေတာ..။

- ငါ့အိမ်က မချမ်းသာပါဘူး..ပိုက်ဆံအများကြီးရှိတာ..ဘိုးဘွားအ​မွေ​တွေ​လေ..

အဲဒါ..​ရှောင်းကျန့်​ပြော​နေကျစကားပဲ..။ချမ်းသာတယ် သူ​ဌေး​လေးဆိုတိုင်း ​အဲလိုပဲပြန်​ပြောဖြစ်တယ်..။အိမ်ကပိုက်ဆံ​တွေ ​ရှောင်းကျန့်အပိုင်မဟုတ်လို့ သူ​​ဌေးလို့​ခေါ်တာ​ ရှောင်းကျန့်
လက်မခံချင်ဘူး..။

ညဉ့်နက်​တော့ ​ရှောင်းကျန့်တို့ Camp-siteမှာ ထိုးထားတဲ့ တဲကြီးမှာပဲ တန်းစီအိပ်လိုက်ကြတယ်..။၃နာရီ​လောက် တက်ခဲ့တဲ့ခရီးမို့ အကုန်လုံးက ပင်ပန်း​နေ​ရော​ပေါ့..။
           
                      --------------------

- ဟိတ်​ကောင် Day ထ​တော့မြန်မြန်..

အ​စောကြီးနိုးတဲ့ ​ရှောင်းကျန့်ကပဲ ကျန်တဲ့​ကောင်​တွေကို နှိုးရတယ်..။​တောင်တက်တာပင်ပန်းလို့ထင်ပါရဲ့ ..။အိပ်​နေကြတာမှ သိုးလို့..။Jade ဆိုရင် ​ဟောက်သံပါထွက်​နေတယ်..။​ရှောင်းကျန့်နိုးတာအဲ့အသံ​ကြောင့်လည်းပါတာ​ပေါ့။​ရှောင်းကျန့်က အအိပ်နဲနဲဆတ်တဲ့ အထဲပါတယ်..။