يوسف: لا مشفتهاش ولا قبلها ولا بعدها هو اليوم ده بس
ادم: وحبتها امتى بئا أن شاء الله
يوسف: مش عارف زي ما تقول كدا حب من اول نظره
ادم: وعايز مني ايه
يوسف: عايز رقمها ورقم ام نيره
ادم بمزاح: امممم تدفع كام
يوسف: يابني متبقاش غلس كدا
ادم بضحك: خلاص هبعتلك الرقمين دلوقتي
يوسف: تسلم يازوووق يلا غور بئا مش عايزين منك حاجه
ادم: انا لسه مبعتش الرقمين وممكن ارجع في كلامي
يوسف: ها اه صح... بهزر يا عم انت بتاخد الكلام جد كدا ليه
ادم: ماشي ياعم سماح المره ديه بس
يوسف: حبيبي... يلا سلام
ادم:سلام
أغلق آدم مع يوسف وأرسل له الرقمين
نيره: بتكلم مين يا زوجي العزيز
ادم بضحك: بكلم يوسف يازوجتي العزيزه
نيره بضحك: ماذا يريد يازوجي العزيز
ادم: لا انا هكلم عادي عشان بحس اني دخلت جوه قصص وانا بتكلم كدا
نيره بضحك: فاااشل انت فاااشل.. اتكلم
ادم:كدا طب مااااشي انا بئا كان عندي ليكي خبر حلو ومش هقولهولك
نيره بترجي: لا عشان خاطري قولي يا حبيبي عشان خطريييييي
ادم: ياعيوني حبيبك.. ده انتي تطلبي اي حاجه وحبيبك يجبهالك
نيره: طب قولي يلا بليييز
ادم : طيب... يوسف ياستي كان عايز رقم داليا ومامتك عشان يتقدم لداليا أصله حبها من اول نظره
داليا بفرحه: بجد! لوووووووووووووولي هقوم اكلم البت داليا بئا
ادم وهو يمسك بيديها: انتي رايحه فين ياهبله انتي خليكي هنا
نيره: ايه عايزه اكلمها ابركلها
ادم: بقولك لسه واخد رقمها يعني لسه هيكلمها خليكي لحد ماهي تطلبك وتكلمك والعملي نفسك متفجأه ماشي
نيره : اووووف لسه هستنا ماشي
ادم بضحك: انا متجوز عيله صغيره
نيره بسخريه: هيهيهي ضحكتني
....
وجدت داليا رقم غريب يتصل
داليا: مين ده هرد واشوف كدا
داليا بحده: الو مين
يوسف بمزاح: هو القمر بيطلع بنهار ولا بليل؟
داليا بحده: لا بيطلع العصر ياخفيف
يوسف بضحك: طب والله عسل
داليا بصدمه: ايهده... انت... انت يوسف!
يوسف بضحك: اه ياختي يوسف
داليا بأحراج: معلشي انا اسفه بح.. سب حد بيعاكس
يوسف: ولا يهمك ياقمر
داليا: هو انت جبت رقمي منين
يوسف بمزاح: في عصافير بتقولي
داليا بعدم فهم: نعم؟
يوسف: عصافير بتقولي زي مثلا عصفوره اسمها ادم
داليا بفهم: اها آدم قولتي... وطلبت رقمي من آدم ليه
يوسف: طلبت رقمك من آدم عشان اطلبك
داليا: وتطلبني ليه
يوسف: اطلبك واقولك بحبك يا دودو ومش قادر انساكي وبفكر فيكي ليل نهار وحبيت قبل ما اطلبك من طنط ام نيره اخد رأيك الاولها قولتي ايه
داليا:......
يوسف بستغراب: الو انتي روحتي فين
داليا:....
يوسف: انتي يابنتي
داليا بصدمه: انت.. انت عايز تتحوزني!
يوسف: ايوا..... انتي رأيك ايه
داليا: لا ثواني انا اكيد بحلم
يوسف بضحك: يابنتي مبتحلميش والله ها اروح اطلبك؟
داليا:.....
يوسف: السكوت علامه الرضا وانتي كده موافقه على خيره الله انا هطلب طنط اهو واخد منها معاد ونعمل فرح علطول بلاش خطوبه
داليا : لا ازاي فرح علطول
يوسف : عادي زي نيره وادم
داليا: بس احنا معرفشي بعض اوي
يوسف: متحوليش معايا خلاص.. سلام اقولك قولي انتي لطنط أن هاجي انهارده بليل على الساعه 9 ونتفق على معاد الفرح
داليا: بسرعه كدا!
يوسف: هو انا لسه هستنا يلا روحي اجهزي بسرعه.. سلام يا قمر
أغلق يوسف الهاتف بفرحه شديده وكانت داليا مصدومه بشده
داليا : هو قال إنه جاي يطلبني؟..... اه ده عايز يتجوزني
قامت داليا من على السرير وكانت تقفز بفرحه
داليا: جاي يتجوزنااااااي... عاااااااااا.... هطلب طنط صباح بسرعه وبعدها البت نيره
طلبت داليا صباح واخرتها عن الخبر وااا
صباح بفرحه: يعني هو قالك انه هيجي انهارده
داليا بفرحه: ايوا ياطنط
صباح: لووووووووووولي مبروك يا دودو الف الف مبروك.. يلا تعالي ياحبيبتي هنا بسرعه عشان تلحقي تجهزي
داليا: اوكي ياطنط... سلام
داليا في نفسها: اتصل على البت نيره بئا
نيره وهي ترد: نقول مبروك صح
داليا: ايه ده انتي عرفتي؟
نيره بتذكر كلام ادم: اوووبس ده آدم لو عرف اني قولتلك اني كنت عارفه هيقتلني
داليا: يعني كنتي عارفه!
نيره: اه كنت عارفه متقولش لآدم اني فتنت بئا... المهم نقول مبروك
داليا بضحك: اه قولي مبروك
نيره: لووووؤووووووووووووووولي مبرووك يا دودو
داليا: الله يبارك فيكي يا مجنونه
نيره: ها هيجيلك امتى
داليا: انهارده بليل على الساعه 9 كدا
نيره: باين عليه مستعجل
داليا: اه زي آدم كدا
نيره: ااه
داليا بحزن: انتي كدا مش هتبقى معايا في يوم زي ده
نيره: معلشي يا دودو غصب عني والله ويوسف لو كان استنا شويه كنت هبئا معاكي
داليا : خلاص مش مشكله تبقى معايا في الفرح
نيره: أن شاء الله.. سلام بئا يادودو عشان خارجه دلوقتي
داليا: اوكي يا نيرو سلام
بعد إغلاق الهاتف
ادم: اعمل اييييه في غباءك يا غبيه
نيره بضحك: أحمد ربنا اني مقولتلهاش اني راجعالها
ادم: مهو ده اللي كان ناقص
نيره بحب: بجد شكرا يا آدم إنك وفقت ارجع احضر مع داليا اليوم ده
ادم بعشق: انتي تؤمري وانا انفذ يا ملاكي
Flash back
نظر آدم لنيره ليجدها شارده
ادم بستفهام: القمر سرحان في ايه؟
نيره: ها
ادم: لا ده انتي مش معايا خالص
نيره: معلشي سرحت شويه
ادم: سرحتي في ايه؟
نيره بتوتر: آدم.. انا عايزه اطلبك منك طلب
ادم: اؤمري ياروح ادم
نيره: انا عايزه ابئا مع داليا انهارده... داليا ملهاش حد غيري وهي كانت نزلت معايا وسعدتني كتير وانا مقدرشي اسبها اليوم ده.. ممكن انزلها
ادم بحب: مفيش مشكله ياحبيبتي ننزل
نيره بفرحه: بجد! انا كنت خايفه تزعل وترفض
ادم بعشق: اولا متخفيش من أي حاجه انا معاكي ثانيا انا عمري مهزعل من البنت اللي يعشقها وحربت سنين عشان اتجوزها وأكمل عمري معاها ثالثا انا مقدرش أرفض طلب ليكي ياملاكي
نيره وهي تحضنه بشده: ربنا يخليك ليا يا آدم
ادم بابتسامه: ويخليكي ليا يا عمري
عوده للواااااقع
في منزل معنز
جيهان بتعب: ااااه مش قادره خلاص تعبت
معتز: هانت هانت كلها كام اسبوع
جيهان: ربنا يعيني والله
معتز : يارب ياحبيبتي
جيهان: آدم ونيره رجعو ولا لسه؟
معنز: آدم كلمني قالي انه نازل عشان يوسف رايح يتقدم لداليا ونيره عايزه تبقى مع نيره في اليوم ده
جيهان: اها قولتي... ربنا يفرحهم
معتز : يارب
....
في المساء
صباح بفرحه: ماشاء الله يا دودو قمر
داليابدموع : ربنا يخليكي ليا طنط مش عارفه اقولك ايه.. حضرتك تعبتي معايا اوي انهارده
صباح: تعب ايه يا دودو ده انتي بنتي
رن جرس الباب ولكن دون مقاطعه مع خبط شديد على الباب
صباح بخضه: خير يارب مين اللي بيهبد كدا
داليا بخضه: مش عارفه
صباح : انا هروح اشوف مين كدا
داليا : انا هاجي معاكي
ذهبت صباح مع داليا اتجاه الباب..
فتحت صباح الباب لتجد.....
نيره بصوت عالي: عاااااااااا مفجأه
صباح بخضه وتفاجأ: نيره!
داليا بفرحه: نيره!
نيره وهي تحضن داليا: عرووووستي القمر.... وحشتيني
داليا بصدمه: انتي جيتي بجد انا مش مصدقه!
نيره: وانا اقدر اسيبك لوحدك برضه
ادم : مبروك يا داليا ربنا يتمم بخير
داليا: الله يبارك فيك يا ادم
نيره وهي تصفر : اوعا الجمدان... ايه القمر ده يا عروسه
داليا: حلو؟
نيره: جداااا بجد تحفه
داليا: ميرسي
(كانت داليا تلبس فستان من اللون البصلي الرقيق وحجاب نفس اللون وشوز كعب ووضعت مكياج خفيف فهي جميله لا تحتاج إلى المكياج)
بعد ثواني رن جرس الباب مره اخري
صباح: اكيد ده يوسف
نيره: تعالى يادودو احنا ندخل جوه
داليا: اوكي
فتح آدم الباب بعد دخول نيره وداليا الغرفه
يوسف : ايه ده انت بتعمل ايه هنا ياعم انت
ادم: قولت اجي ابارك
يوسف: تسلم يا بني والله
صباح: اتفضل يا يوسف تعال
يوسف: شكرا ياطنط
دخل يوسف مع آدم وصباح للصالون.... كانت داليا تراقب يوسف من طرف الباب بتوتر
نيره بضحك: انتي بتعملي ايه.. اقعدي لحد لما ماما تيجي تندهلك
داليا: لابس بدله تحفه يا بت يا نيره
(كان يوسف يرتدي بدله من اللون الاسود وقميص ابيض وبنطلون اسود وشوز اسود)
نيره: هيييييح فكرتيني بيوم خطوبتي
داليا: اول مره اعرف ان الأسود مع العيون الملونه شيك اوي كدا
نيره بضحك: انتي بتعكسي يوسف من دلوقتي اصبري شويه
داليا: لا منا لما هروح اقعد جمبه مش هعرف ابص في وشه حتى
نيره: اه هتحفظي الجزمه بتاعته من كتر البص فيها
داليا: بالظبط كدا..... ايه ده طنط صباح جايه اهي
نيره: طب يلا عشان هي كدا هتندهلك
وصلت صباح للغرفه
صباح: يلا يادودو خدي صنيه الشربات اللي في المطبخ واطلعي
نيره بمزاح: حسبي تكبي الشربات على البدله السوده
داليا: اسكتي انتي كمان انا مش ناقصه توتر
نيره بضحك : كسوف بنات بئا وكدا
صباح: اللي يسمعك يقول انك متجوزه بقالك عشر سنين
نيره بضحك: يا ماما سيبيني اعيش الدور شويه.. ليه تقطعيني كدا
صباح: متقلقيش هتعشيه يا ختي متسعجليش
داليا : انا خارجه
نيره: وانا كمان هروح اقعد جمب زوجي العزيز قرة عيني
صباح:ماشي يلا انا جايه معاكي
خرجت نيره وصباح ليجلسو مع آدم ويوسف
نيره بمزاح: من اول مره شوفتك يايوسف قولت انك لايق علي البت داليا
ادم بسخريه : هو فستان يابنتي
نيره: ملكشي دعوه انت.. خليك في حالك
يوسف بضحك: اول مره ده اللي هو يوم الحادثه
نيره: اها
ادم: اول مره اشوف واحده عملت حادثه وبتشوف اللي خبطها ده لايق علي صحبتها تجوزهولها ولا لا
نيره: وانت ماااالك يارخم انت
صباح: بس بئا صعدعتوني ده الجواز هبلكو مش عقلكو
ادم: البركه في نيره حبيبتي هبلتني
نيره: عندك مانع ياض؟
ادم: يااض! حد يقول لجوزه ياض!
نيره: مش انا قولت يبقى فيه هاهاها
ادم بسخريه : دمك خفيف ياحبيبتي
نيره: طول عمري
قاطع حديثهم دخول داليا بالشربات وتعالت الزغاريط من نيره وصباح
قدمت داليا الشربات للجميع وأولهم يوسف ثم جلست بجواره بتوتر شديد وخجل
نظر لها يوسف بحب شديد وابتسامه ثم نظر لصباح
