داليا: طب يلا اغسلي وشك بسرعه وبدأت تحضيرات العروس وصلت شيماء وجيهان إليهم بعد نصف ساعه شيماء بفرحه: لوووووووووولي العروسه فين يا صباح صباح: طب خدي نفسك الأول شيماء: متأخذنيش بئا يا صباح ام العريس بئا وكدا صباح بضحك: ادخلي ياشيماء.. العروسه جوه شيماء :ماشي.. اه نسيت اعرفك جيهان مرات معتز صباح بابتسامه: ازيك يابنتي جيهان بابتسامه: الحمدلله ياطنط صباح: اتفضلي نيره جوه هي وداليا صاحبتها دخلت شيماء وجيهان لتملأجيهان الغرفه بالزغاريط نيره : ازيك ياطنط شيماء : الحمدالله ياعروسه جيهان: ازيك ياعروسه نيره: الحمدالله جيهان: يمكن متعرفيش انا مرات معتز نيره: ايوااا انا اعرفك اسما بس كشكل لا بصراحه جيهان : وانا برضه بس شوفتك يوم الخطوبه اللي كدا وكدا بتاع ادم نيره بضحك: ااه.. داليا اهي العروسه اللي كدا وكدا جيهان بضحك:اه ازيك يا داليا. داليا: الحمد لله شيماء: اومال الميكب ارتس فين لسه موصلتش صباح: لا لسه شيماء زمانهم جايين آدم كان كلمها و.. قاطعهم جرس الباب صباح: جت خلاص ذهبت صباح لتفتح الباب وتجد فتاه في سن 30 هناء بابتسامه: ازيك يافندم انا هناء الميكب ارتس بعتني آدم باشا صباح بابتسامه : ايوا يابنتي اتفضلي العروسه جوه هناء: اسفه على التأخير بس آدم باشا كان قالي اجيب الفستان ده معايا وادهولي امبارح صباح وهي تمسك الفستان : عادي ياحبيبتي.. اتفضلي دخلت هناء وبعدها صباح التي كانت تمسك بالفستان نيره: ايه ده ياماما صباح : ده الفستان كان آدم بعته لهناء عشان تدهولك انهارده شيماء: ومقليش ابن الذين ده نيره بضحك: انا كعروسه مقليش. أمسكت نيره الفستان وتفتح ذالك الغلاف لتتفاجأ نيره بفرحه ودموع: جميل اوي بجد.. صباح: ماشاءالله حلو شيماء: طلع زوقك حلو يا آدم والله داليا: وااو يا ميرو ده هيبقى تحفه عليكي جيهان : جميل جدا يا عروسه أن شاء الله شكله هيبقى حلو عليكي هناء: عايزيم بس نبدأ ياجماعه عشان ورانا شغل كتير شيماء: ماشي يا حبيبتي.. يلا بدأت هناء بوضع المكياج على وجه نيره مع فرحه صباح وشيماء والأغاني التي شغلتها داليا ومساعده جيهان لهم ومر عده ساعات على العروسه هناء وهي تبتعد عن نيره بعد انتهائها هناء بابتسامه: كدا خلصنا نظرت نيره في المرأه لتجد انها أصبحت جميله مثل الملكات صباح بدموع وهي تحتضن نيره: ماشاء الله قمر يا حبيبتي شيماء: ماشاءالله ياميرو زي القمر داليا: انا صحبي قمر ياجدعان جيهان: ماشاء الله ربنا يحميكي ( كانت نيره وضعت مكياج خفيف ولكن زادها جمالا وكانت ترتدي الفستان الأبيض الذي احضره آدم لها فكان جميل للغايه كان ضيق من الأعلى ويتسع من عند خصرها وله زيل طويل من الخلف وعليه طرحه ووضعت عليه تاج بسيط للغايه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
