ادم بحزن وغضب: لا هي بتحبني انا شوفت نظره ليا انا اللي مربيها وعارف بس هي اكيد حد غصبها علي كده
معنز: هيكون مين يعني اللي غصبها يابني فوق وشوف حالك
ادم: هي حالي يامعتز صدقني لو انا متجوزتهاش مش هتجوز خالص
معتز: الكلام معاك مبيجبشي نتيجه يا ادم بس عايز نصحتي انساها يا ادم انساها
ادم: انا اتأخرت ولازم امشي عندنا شغل الصبح
معتز وقد ادرك انه يرغب في هروبه من الحديث: ماشي يا ادم سلام
رجع ادم مهموم وهو يتذكر ايامه مع حبيبته التي كبرت علي يده ويتذكر عشقه لها اللذي يزيد يوما بعد يوم يتذكرها وهي سعيده يتذكرها وهي حزينه يتذكرها وهي مجنونه يتذكرها وهي تتحدث معه يتذكرها وهي تمدحه يتذكرها وهي تنتظره من النافذه عندما يتأخر يتذكرها وهو يذهب بها الي الملاهي يتذكرها وهي ترجوه لشراء شئ تريده بشده يتذكرها وهي قلقه عندما تأخر واغلق هاتفه يتذكرها عند حزنها عندما اجبرها والدها لكي تقبل بخطوبه على
Flash back
نيره ببكاء: عشان خطري يا بابا انا مش بحبه
الاب: نيره انا عارف مصلحتك ومصلحتك مع علي
نيره: يابابا انا مش صغيره عشان اعرف مصلحتي فين
الاب بغضب: نيره ده اخر كلام وهتوفقي غصب عنك
ذهبت نيره الي غرفتها تبكي وتتصل علي ادم
نيره ببكاء: ايوا يا ادم بابا جيبلي عريس وغصب عليا اني اوافق
ادم بغضب: ازاي يعني ايه اللي انتي بتقوليه ده
نيره ببكاء: ده اللي حصل اعمل ايه يا ادم
ذهب ادم الي والد نيره وتحدث معه
ادم بغضب: ازاي حضرتك توافق ان نيره تتخطب
ابو نيره بغضب: اسمع يابني انت من طريق وبنتي من طريق انت فاهم
ادم: بس انا بحبها وعايز اتجوزها
ابو نيره: وانا مش موافق ونيره خلاص اتخطبت لعلي يا ادم
ادم بغضب: انا مش هسيب نيره سمعني مش هسيب نيره
ورجع ادم الي البيت وهو غاضب وينوي للذي يدعى علي بشئ ينهيه تماما
ادم وهو يتحدث في الهاتف: هاتلي معلومات عن الاسم اللي هبعتهولك ده وهبعتلك صورته كمان
وبعد يومين
ادم وهو يتصل علي الشخص اللذي ولاه البحث عن علي واحضار معلوماته
ادم بغضب: رد بئا رد
دخل عليه ضابط اخر
الظابط بحزن: لو حضرتك بتدور علي الظابط احمد فهو مات امبارح
ادم بصدمه: ايه! مات ازاي
الظابط بحزن: مات مقتول انا عرفت الخبر من مراته
ادم بغضب: اكيد عرف حاجه والزفت علي ده هو اللي قتله
في مكان اخر عند....
علي بسخريه وهو يتحدث علي الهاتف
علي: يعني مات
المتحدث: عيب عليك يا باشا دا انا تربيتك
على : برافو عليك
المتحدث: خدمه تانيه ياباشا
على : اه عايزك برضه تقتلي راجل كبير كده وده اعتقد بنسبالك سهل
المتحدث : ماشي ياباشا ابعتلي كل حاجه عنه بس كله بحسابه
علي: فلوسك هتوصلك بس بعد العمليه ده
الشخص: اعتبره حصل يا باشا
علي بثقه: انا واثق انك قدها
علي بعد انهاء المكالمه بخبث
علي: بئا بدور ورايا برضه بس حظك انك بتلعب معايا انا يا ادم باشا
وبعد مرورمآ يوما وااحد
نيره بقلق: متقلقيش ياماما اكيد بابا بخير هتلقيه مشغول بس
صباح بقلق شديد: اهدي ازاي بس ده حتي تلفونه مقفول
نيره وهي تحاول ان تهدئ والدتها: ممكن تلفونه فصل ولا حاجه
صباح وهي علي وشك البكاء: لا لا يانيره ابوكي مش كويس انا حسه بكده
نيره وهي علي وشك البكاء: بعد الشر عليه يا ماما ليه بتقولي كده هو بس هتلقيه بس التلفون فصل وزمانه جي
صباح وهي لم تنتبه لما تقوله نيره هي فقط تريد ان يرجع لها زوجها والد نيره فقط
صباح: استر يا رب استر يارب
نيره وهي قد تذكرت شئ
نيره: ماما انا هكلم ادم يدور عليه في القسام
صباح: ايوه صح انا مش مركزه ومجاش علي بالي حاجه زي كده
نيره وهي تمسك هاتفها مسرعه
نيره وهي تبكي: رد بئا رد ارجوك
وعلي الطرف الاخر ادم وهو ينظر للرقم نيره اعتقد انها ستعذر لما فعله والدها به
ادم ببرود وغضب: الو
نيره ببكاء: ادم الحقني
ادم بصدمه وخوف: مالك يانيره في ايه
نيره ببكاء: بابا المفروض يرجع من الشغل من 5ساعات ولسه مرجعشي
ادم: طب رنيته عليه
نيره: ايوه رنيت عليه بس تلفونه مقفول
ادم: طب اهدي وانا هدور عليه في القسام كده
نيره وهي تواصل البكاء: بالله عليك يا ادم ابئا طمني
ادم وهو يحاول : طيب طيب بس متعيطيش انتي
نيره : بالله عليك دور علي بابا يا ادم عشان خطري
ادم : حاضر يانيره هبقي اطمنكو كده لما اوصل لحاجه متقلقيش
نيره وقد بدأت تهدأ: م.. ماشي يا ادم سلام
وعلي الطرف الاخر بعد انتهاء المكالمه
ادم: يارب يكون اللي بفكر فيه غلط ربنا يستر
وذهب ادم ليبحث علي والد نيره
ادم: معتز انت لقيته
معتز: لا يا تدم مش لاقيه خالص
ادم بقلق: ولا انا
معتز : انت قلقان ايه شاكك في حاجه
ادم: ممكن علي هو اللي يكون خطفه وقتله عشان دورت عليه
معتز : وايه اللي هيعرفه انك بتدور عليه
ادم: انا هروح لنيره دلوقتي اشوفهم عاملين ايه
معتز: طيب روح انت وانا هدور تاني وفي المستشفيات كمان
ادم: ماشي يامعتز سلام
في منزل نيره....
نيره بقلق: ادم طمني لقيته
صباح بقلق : طمنا يابني وصلت لحاجه
ادم بقلق عليهم يحاول ان يطمنهم وهو ينظر لنيره
ادم: احم... لا بس انا كلفت معتز انه يدور عليه لحد ماجيلك اقصد اجيلكو عشان اطمن عليكو
نيره وهي تبكي: ارجوك يا ادم عشان خطري انا عايزه بابا
ادم بخوف علي نيره: متعيطيش يا نيره اهدي ارجوكي
نيره: انا خايفه يكون..
قاطعها رنين هاتفها
نيره وهي ترد: ايوه مين
المتصل : جثه ابوكي هتلاقيها تحت البيت
نيره بصدمه: اييييه! لا باباااااا
ادم بخوف: نيره مالك
نيره ببكاء شديد وصدمه: بابا يا ادم بابا
وهبطت نيره لاسفل ووراها ادم اللذي انخلع قلبه معها ووالدتها التي تبكي بشده
نيره وهي مصدومه وتبكي بشده
نيره: لااااااا بابا
عندما وصل ادم لنيره كانت نيره اغمي عليها من المشهد اللذي امامها هي ووالدتها
