شيماء:ممكن متجبشي سيره اللي فات لنيره بكره
ادم بتفهم: متقلقيش يا ماما انا عارف انا بعمل ايه كويس
شيماء: اتمني عشان انا عارفاك وعارفه تهورك
ادم:ماما مش كنتي قولتي هتسيبيني انام يلا بئا سبيني انام
شيماء بغضب: بئا كده ماشي يا ادم اقول ايه بئا ابن الوز عوام
ادم ببرود: ماامااا
شيماء:طااالعه اهو خلاص
وخرجت شيماء وهي تحدث نفسها بغييظ
في منزل نيره
نيره:ماما متصحنيش بكره بدري انا تعبت اوي انهارده في الشغل
صباح : معلشي ياحبيبتي هو اول يوم كده في الشغل ولما تتعودي هترتاحي
نيره بتعب: ياااارب
صباح: يعني احم اصحيكي امتى كده
نيره بستغراب: لا انا هصحي لما اخد رحتي في النوم
سكت نيره وبعد ثواني
نيره بشك: انتي عايزه تصحيني ليه
صباح: اصل شيماء عزمانا بكره عندهم
نيره: قوللها بعد بكره
صباح : مينفعشي انا وافقت
نيره: ليه ياماما ليه اقولك روحي انتي
صباح: اروح انا ازاي قالتلي انتي ونيره
نيره: ياوقعه سوخه
صباح: بلاش دلع يابت انتي
نيره بتعب: اااه ياني جات الحزينه تفرح ملقتلهاش مطرح هو انا مش مكتوبلي ارتاح ولا في شغل ولا في البيت
صباح بتقليد نيره: هو انا مش مكتوبلي ارتاح.. منتي لو بتنامي بدري وتصحي بدري زي الناس هتقومي مفوقه ومش هتبقي تعبانه كده
نيره بملل: ياماما انا مبعرفشي انام بدري صدقيني
صباح :خلاص خليكي كده بئا تحت عينك بئا اسود وخسيتي
نيره: ماما خلاص هقوم انام عشان انا تعبانه اصلا
صباح: ايوه ياختي سكتيني سكتيني وادخل انام انا واجي اصلي الفجر قلاقيكي لسه صاحيه ولازقه التلفون في عينك
نيره بضحك: ايه ياماما ياحبيبتي ببقي صاحيه عشان اصحيكي للفجر لو راحت عليكي نومه
صباح بسخريه: ايوه ايوه صح
نيره وهي تمثل النوم: طب ماشي ياماما تصبحي علي خير ابقي شدي الباب وراكي عشان انام
صباح: ماشي نامي ده نوم الظالم عباده
نيره: بئا انا ظالمه يا ماما مكنشي العشم برضه يا بوحا
صباح بغضب: بوحا يعني لما تيجي تدلعيني تقوليلي يابوحا ماشي ياختي اتخمدي
نيره بمرح: ده دلعك من هنا ورايح
صباح: بس برضه هتيجي معايا بكره عند شيماء قاعده توهيني في الكلام عشان مفتكرش
نيره بغباء: ايه ده للدراجه ده مفضوحه
صباح وهي تقف ناحيه الباب وتغلق الضوء
صباح: بت انتي نمني بدري نمتي متأخر هصحيكي عشان نروح لشيماء
نيره : ماما بس....
صباح بمقاطعه: مفيش بس يلا اتخمدي
نيره في نفسها بعد خروج صباح :ليه طنط صباح تعزمنا واشمعنا بكره وانا مرحتش عندهم من اول ما نقلو...... معقوله يكون ادم ورا القرار ده بعد ما شفني في القسم
بكت نيره وهي تقول انا بحبه اوي بس خايفه عليه من الزفت علي ده
وغفلت نيره من كثره بكاءها
في اليوووووم التااااااااااالي
دخل معتز مكتب ادم: خير يا ادم قالولي انك عايزني
ادم: معلشي يامعتز هضطر اروح بدري انهارده
معتز بستفسار: ليه يا ادم ووالدتك حاصلها حاجه
ادم: لا بس نيره وشيماء معزومين عندنا انهارده
معتز بغضب: يابني مش قولتلك ميت مره هي مبتحبكشي وشوف مصلحتك
ادم ببرود عكس النزاع والالم في قلبه عندما سمع كلمه ان حبيبته التي امتلكت قلبه لا تحبه بقدر ما يحبها هو
ادم: وانا قولتلك هي مصلحتي وهي حالي يا معتز ومستعد اقولها ميت مره ليك ولأي حد شايف غير كده
معتز وهو يعرف جيدا ان ادم لا يتراجع عن قراره هذا فأنه يعشق هذه الفتاه بشده ولم يتركها
معتز: ماشي يا ادم برحتك بس مترجعشي تندم تاني
ادم: انا عمري مهندم اني معاها
معتز : انت معاها بس هي معرفشي ان كانت معاك ولا لا
ادم بثقه: معايا انا متأكد انها معايا
معتز: اتمنى... هروح اكمل شغلي وانت خلص عشان تمشي بدري
ادم : تمام
وبعد انتهاء عمل ادم رجع الي المنزل....
ادم: انا جيت يا ماما
شيماء : ماشي ياحبيبي ادخل ريح شويه وهما قدامهم ساعه ويوصلو
ادم : ماشي يا ماما هدخل اريح شويه
ادم في نفسه ساعه بالنسبالي سنه يا من تملكتي قلبي
في منزل نيره
صباح: يلا نيره انتي لسه ملبستيش
نيره بتوتر: طب ماما هو م.. ممكن مجيش
صباح بعصبيه: يوووه يانيره مش اتكلمنا امبارح وقولتلك لازم تيجي شيماء مأكده عليا انك تيجي
نيره بخوف وقلق من علي اذا عرف بمقابلتهم
نيره:حاضر يا ماما هدخل البس
صباح: يلا اخلصي بسرعه
وبعد دقائق انتهت نيره وكانت ترتدي فستان جميل طويل بلون البنفسجي وعليه حزام من الوسط من اللون الابيض وعليه حجاب طويل من اللون الابيض يليق علي وجهها الابيض ولون عيونها الزرقاء الجميله كانت تشبه الاميرات بل كانت اميره بالفعل
نيره: انا جهزه يا ماما
صباح: طب يلا
وبعد ساعه
ادم :ماما هما اتأخرو ليه معقوله ميجوش
شيماء: لا ياحبيبي صباح رنت عليا من شويه وقالولي انهم في الطريق
وسمعو جرس الباب
شيماء بابتسامه : شوفت يلا هروح افتح الباب
ادم: لا استني هروح افتحه انا
شيماء بابتسامه: ماشي روح افتح
فتح ادم الباب ليجد صباح
ادم بصدمه: اتفضلي ياطنط اومال فين نيره
صباح: نيره طالعه ورايا هي بس بتركن العربيه ازيك يا ادم
ادم براحه: الحمدلله ياطنط حضرتك عامله ايه
صباح: الحمدلله يابني
شيماء وهي ذاهبه ناحيه صباح: اهلا اهلا ازيك يا صباح
صباح بترحاب: الحمد لله يا شيماء انتي عامله ايه
شيماء: بخير والحمد لله اومال نيره فين
صباح : بتركن العربيه وطالعه
ادم بسرعه: ماما انا بس هروح اشتري حاجه من السوبر ماركت وطالع
شيماء: ماشي ياحبيبي
نزل ادم بسرعه علي السلم ليذهب لكي يرى حبيبته فهو لم ينتظر دقيقه بعد الان
