ادم:مش هينفع في التلفون هقبلك في كافيه***** كمان نص ساعه
داليا بقلق: خير حصل حاجه
ادم: هو يخص نيره
داليا بخوف: نيره مالها حصلها حاجه
ادم: متقلقيش هي كويسه بس هقولك كل حاجه لما نتقابل
داليا: ماشي سلام
ادم: سلام.
وبعد نصف ساعه وصلت داليا لتجد آدم يجلس بأنتظارها
داليا: خير يا آدم انت قلقتني اوي
ادم: أن شاء الله خير متقلقيش تشربي ايه الاول
داليا: ميرسي مش عايزه
ادم بهدوء: انا عارف انك بتحبي نيره زي اختك وبتحبيني زي اخوكي برضه وعارفه أن انا بحب نيره بس على الزفت ده هو السبب طبعا في اللي نيره فيه هو عرف اني رجعت اقابل نيره تاني وهددها ونيره خافت تاني
داليا : وبعدين
ادم: انا عندي خطه وان شاء الله هتنجحك المره ده
داليا: خطه ايه
ادم: بصي انا وانتي هنتخطب وانتي هتتصلي على نيره وتقوللها أن خطوبتك يوم**** في قاعه**** ومتقولهاش مين العريس وانا هجيب ماما تشوفك ونقول أن انا اعرفك لأنك صاحبه نيره وقابلتك قريب واتكلمنا وحبيتك وخلاص فلما نيره تيجي القاعه هتتفاجأ اه وربنا يستر وقتها بس ده هيسهلي امسك على بسهوله
داليا : ازاي؟
ادم: كل حاجه في وقتها المهم انتي موافقه
داليا : بس نيره ممكن حالتها تسوء لما تعرف
ادم: لازم نعمل كدا عشان نيره
داليا بخوف على صحبتها: هفكر وارد عليك
ادم: مفيش وقت للتفكير قوليلي رأيك دلوقتي
داليا وهي في حيره: بس يا آدم انا خايفه على نيره اوي وانا مليش حد غيرها
ادم: عارف والله هي اه ممكن تتعب فتره بس هترتاح في الاخر بدل ماتبقى خايفه طول الوقت
داليا بعد تفكير: تمام انا موافقه طالما ده في مصلحه لنيره
آدم بأبتسامه: ربنا يديمك اخت ليا انا ونيره يا داليا
داليا بأبتسامه: يارب يا آدم... انا هروح انا بئا
ادم: ثواني هوصلك
داليا: مفيش داعي البيت قريب روح انت شوف هتعمل ايه
ادم: تمام هروح انا بئا اقول لماما ونتفق على معاد نجي عشان ماما تشوفك
داليا: اوك
العوده للواقع....
داليا في نفسها: سامحيني يا نيره ده لمصلحتك
وبعد قليل وصل معتز للقاعه مع جيهان
معتز وهو يذهب لادم: اعاااااريس مبروووووك
آدم بابتسامه: ازيك يا معتز عامل ايه
معتز: ايه ياعم شكلك زي ماتكون مغصوب على الخطوبه ده ولا ايه
ادم: ها.. لا انا بس مستني حد
معتز: مستني مين
ادم: ملكشي دعوه ويلا غور
معتز: بئا كدا
جيهان وهي تضحك على حوارهم
جيهان: احم مردتشي اقطع كلامكو اللي زي العسل ده بس مبروك يا آدم ونظرت لداليا: مبروك يا عروسه
آدم : الله يبارك فيكي يا جيهان
داليا بأبتسامه: الله يبارك فيكي
جيهان: معتز يلا نروح نقعد
معتز: ماشي يا حبيبتي
معتز وهو ينظر لادم: هغور اهو يا عريس هروح اقعد مع مراتي حبيبتي
آدم : ماشي ياسيدي روح
وبعد مرور نصف ساعه
نيره: اخيرا وصلت دا زمان البت داليا زعلانه مني اني مجتشي بدري بس اعمل ايه بئا الطريق وحش اوي
ودخلت نيره القاعه و...
لمح آدم نيره وهي تدخل داخل القاعه
آدم بقلق: نيره وصلت يا داليا
داليا وهي تنظر اتجاها بخوف: ربنا يستر
ادم: هقوم ابعد شويه كدا ولو سألتك فين العريس قوللها في الحمام اوك
داليا: اوك ماشي
ترك آدم داليا وذهب بسرعه ليراقب نيره من بعيد
نيره وهي تذهب اتجاه داليا بأبتسامه: مبروووك يا دودو
داليا وهي تحاول تخفي خوفها مما سيحدث
داليا: الله يبارك فيكي يا نيرو
ومن بعيد قد لمحت شيماء نيره وهي تكلم داليا
شيماء بصدمه: نيره!! ايه اللي جبها ده انا مقولتلهاش ولا هي ولا امها اما اروح اعرف عرفت ازاي
وذهبت شيماء اتجاه نيره وقد لمحها ادم
آدم وهو يضرب رأسه بيده: اخ انا نسيت ماما خالص اكيد هتروح تعرف مين عزمها لازم اروح دلوقتي
شيماء بأبتسامه: نيرو ازيك
نيره وهي تنظر لشيماء: طنط شيماء! حضرتك بتعملي ايه هنا
آدم بصوت رجولي قوي من خلفها: لازم تبقى موجوده مش هي أم العريس برضه ولا ايه
نيره وهي تلتفت لآدم بتفاجأه وصدمه: آدم! ايه اللي انت بتقوله ده! انت قصدك أن انت العريس!
داليا بتكبر وهي تضع يديها على كتف آدم: اها هو العريس مش قولتلك مفاجأه ايه رأيك بئا
شيماء : يعني انتي اللي عزمتيها يا داليا!
داليا: اها ياطنط انا
نيره بصدمه ودموع: مستحيل لا مستحيل
ادم بحده: ليه مستحيل مش انتي اللي قولتيلي ابعد عنك اهو بعدت وقولت لنفسي اما اشوف مصلحتي انا بئا وخطبت والفرح قريب ان شاء الله
نيره بدموع: مستحيل ا.. انت عمرك ماتعمل كدا صح انت بتحبني انا وبس صح
ادم: اممم لا ده كان زمان دلوقتي انا بحب داليا مش انتي ايه اللي يجبرني احب واحده نكديه وخايفه من خطيبها اللي فات
نيره بدموع: انا خايفه عليك انت مش على نفسي
ادم: اممم لا معلشي وفري خوفك يابطه لحد تاني
نيره وهي تنظر لداليا: انا عمري ماكنت اتوقع انك ممكن تعملي كده
داليا وهي تحاول التماسك: لا عادي ياحلوه عادي عملتها اهو خلي بالك بئا المره الجايه
آدم وهو ينظر لداليا: دودو حبيبتي عملت اللي قولتها عليه تعزمك ومتقولشي مين العريس عشان لما تيجي اقدر اوجعك وانتي واقفه كدا
شيماء بصدمه : ايه!!!
نيره بصدمه ودموع: وفرحت كدا لما تخطيطك كله مشا صح
آدم : اها جداا
نيره بدموع وضحكه سخريه: عارف انت عرفتني أن انت زي على بالظبط لا برافو عليك لعبتها صح يا.. يا عريس
ونظرت نيره لداليا بنظره عتاب: مبروك ياعروسه
وغادرت نيره المكان وهي منهاره من البكاء
نظرت شيماء لادم بغضب: انت ازاي تعمل كدا يا ادم مش عارف انها مريضه اصلا
ادم: انا عملت الصح يا ماما
شيماء : اه فعلا انت طول عمرك بتعمل الصح بس خلي بالك لو نيره جرالها حاجها هتكون انت السبب
نظر آدم إليها بحده: ماما خلاص كفايه الناس بتبص علينا
شيماء : ماشي يا آدم اما نشوف عنادك ده هيوصلنا لأيه
وتركت شيماء آدم وذهبت لتجلس مكانها
كان يتابع الوضع من بعيد معتز وجيهان بحزن وشخص آخر ولكن بنظره شماته
معتز: ايه اللي آدم عمله ده انا مش مصدق
جيهان بحزن: انا مش عارفه ازاي يعمل كدا.
معتز: انا هروح اشوف أيه اللي هببه ده
جيهان: لا يا معتز استنى بلاش دلوقتي كلمه لما يروح احسن عشان الناس اللي هنا ده.
معتز: عندك حق خلاص خلينا لما يروح
.....
داليا وهي تنظر لادم بقلق: انا خايفه يا آدم يحصلها حاجه.
آدم بخوف هو الاخر: ربنا يستر يا داليا
داليا: يااااارب
...
ركبت نيره السياره وقد انهارت من البكاء بشده واااا
....
بعد انتهاء الخطوبه
داليا بقلق: آدم انا خايفه تكون نيره حصلها حاجه
ادم: هتصل علي مامتها وأفهمها الوضع كدا
داليا: اوك بلييز طمني
ادم: حاضر
جاء معتز وجيهان وشيماء لادم
معتز بغضب: ايه اللي انت هببته ده
جيهان بهدوء: اهدا بس يا معتز
معتز بغضب: اهدا! اهدا ايه مشفتيش الغبي ده عمل ايه
معتز وهو ينظر لداليا: وانتي ازاي تسمحي لنفسك تعملي كدا
آدم بغضب هو الاخر: معتز انا سبتك تغلط فيا بس تغلط فيها انا مش هسكت كلمه كمان وهتشوف مني وشي التاني انت فاااهم
معتز:مسمعتش ردك يا انسه ازاي تعملي كدا في صحبتك ده حتى...
ولم يستطع معتز إكمال كلامه حتى ضربه آدم في وجهه جعلانفه ينزف من شده الضربه
جيهان بخوف على معتز: معتز! انت كويس ليه كدا يا آدم
شيماء بخوف على معتز وحزن على ابنها: معتز! انت كويس خد مراتك يا ابني وامشو من هنا
معتز بصوت عالي: افتكر اني قولتلك هتندم لو الجواز ده كملت هتندم يا آدم
جيهان بدموع: يلا يا معتز نمشي من هنا بليز
وبالفعل غادر معتز وجيهان
شيماء وهي تنظر لادم بدموع: انا عمري ما توقعت ده كله منك
داليا بدموع: ياطنط هو مظلوم هو بس...
ادم: داليا متتكلميش انتي لو سمحتي... وانتي يا ماما انا عارف انا بعمل ايه كويس انا مش عيل صغير
شيماء بسخريه: ايوا فعلا عارف انت بتعمل ايه
آدم وهو يحاول منع حزنه وغضبه: يلا يا داليا هوصلك يلا يا ماما اركبي العربيه لو سمحتي
....
بعد مرووور ساعتين
صباح بقلق وهي تكلم داليا على الهاتف
صباح: داليا متعرفيش نيره فين مجتشي من ساعتها
داليا بخووف: اييه! مجتشي! مجتشي ازاي
صباح ببكاء: مش عارفه كل لما اتصل عليها موبيلها مقفول
داليا: طب.. طب ياطنط انا هحاول ارن عليها تاني
صباح : ماشي يابنتي وابقى طمنيني ارجوكي
داليا ببكاء: حاضر
أغلقت داليا الهاتف واتصلت بأدم بسرعه وهي تبكي
آدم : ايوا ياداليا
داليا ببكاء: نيره يا آدم مرجعتشي البيت
آدم بفزع: ايييه!
داليا ببكاء: انت متصلتش على مامتها لما قولتيلي هترن عليها؟
ادم: نسيت اتصل لأن موضوع معتز كان مدايقيني.. هي ازاي مرجعتشي يعني
داليا: مامتها اتصلت بيا وقالتلي أن تلفونه مقفول وهي لسه مرجعتشي.
آدم بقلق: طب اقفلي وانا هنزل ادور عليها
داليا ببكاء: ياريتني معملتش كدا لو حصل حاجه لنيره هيبقى بسببي
ادم: أن شاء الله هتبقى كويسه متقولش كدا بس اقفلي بس هروح اشوف هي فين الاول
داليا: عشان خاطري يا آدم دور عليها في كل حتى ارجوووك
ادم بقلق: حاضر حاضر سلاام يلا
وبعد انتهاء المكالمه مع داليا حتى آنت عليه صباح
آدم : ايوا ياطنط
صباح ببكاء: نيره يا آدم مش لاقياها في حته كانت راحت خطوبه صاحبتها ومرجعتشي
آدم بخوف: انا نازل ادور عليها اهو ياطنط متقلقيش انتي بس
صباح ببكاء: مليش حد غيرها يا آدم بالله عليك دورلي عليها
آدم بدموع: حاضر ياطنط انا نازل اهو
بعد انتهاء المكالمه
آدم بدموع: يارب متحرمنيش منها يارب ده الانسانه الوحيده اللي جبتها يارب
آدم وهو يفتح باب الشقه
شيماء: رايح فين
ادم بحزن: هدور على نيره عشان مرجعتشي البيت
شيماء: اييه!!! كل دا بسببك لو نيره حصلها حاجه هيبقى بسببك يا آدم شوفت آخر عناادك
ادم بدموع: ماما ارجو وكي متقولش كدا ان شاء الله تبقى كويسه
ولم ينتظر آدم رد شيماء وذهب....
في مكان ما....
نيره وهي تستعيد وعيها: ااااه.. انا فين
شخص ما بأرتياح: الحمدلله انتي كويسه
نيره وهي تنظر لمصدر الصوت لتجده شاب وسيم ولكن يبدو عليه القلق
