جيهان بنعاس: طب يلا تصبح علي خير انا داخله انام
معتز: وانتي من اهله ياختي
ذهبت جيهان الي الغرفه لتنام وهي تضحك علي معتز وكان معتز سعيد لفرحه حبيبته فمها كان سيظل حبه وعشقه لها يزيد
.........
ادم وهو يرن علي نيره
ادم: راحت عليها نومه ولا ايه
نيره وهي ترد علي الهاتف بنعاس
نيره: الو
ادم بسخريه ومزاح: صحي النوم يا حلوه يلا عشان تروحي المدرسه
نيره: مش عايزه اروح المدرسه
ادم بجديه: نيرااا اخلصي اتأخرنا علي الشغل
نيره وهي قد فاقت مفزوعه
نيره: ادم انت تحت
ادم: ايوا بقالي ساعه واقف مستنيكي
نيره وهي تجري في انحاء الغرفه بسرعه
نيره: طب اقفل اناهلبس بسرعه ونزله يلا سلام
ولم تترك نيره فرصه لأدم ليرد
ادم وهو ينظر للهاتف
ادم: قفلتي في وشي! طب يانيره لما اشوفك بس
ابتسم ادم هنا وقال: لما اشوفك هنسي كل حاجه الا ايامي معاكي ياملاكي
في منزل نيره
نيره: ياماماااااااااا... يامااااااااااا
صباح: ايه ايه بتزعقي كدا ليه
نيره: يا ماما مصحتنيش ليه اتأخرت
صباح: صحيتك الساعه7 وانتي قولتي مش هروح
نيره: ياماما بتخدي علي كلام واحده نايمه
صباح بنرفزه: انا غلطانه اني بصحيكي اصلا... بت اقولك اظبطي الزفت المنبه
نيره: مهو الزفت المنبه بصحي اطفيه وانام
صباح: يعني ولا نافع معاكي كدا ولا كدا
نيره نهي تفتح باب الشقه: خلاص يا بوحه هنتكلم لما ارجع عشان مطردتشي
صباح بضيق: تاني بوحه
نيره بضحك: تاني وتالت ورابع كمان يابوحه
خلعت صباح شبشبها (سلاح الام في كل بيت طبعا)
صباح وهي ترمي الشبشب:امشي يا نيره الكلب
جرت نيره واغلقت الباب وقالت من وراء الباب
نيره بضحك: مجااتش
بعد وصول نيره لسياره ادم
نيره: سماعليكوووووو
ادم بضحك علي مجنونته: وعليكوسلام ياسطا عامل ايه
نيره وهي تتصنع الضيق: ياسطا حد يقول لبنت ياسطا
ادم بضحك: اعملك ايه انتي اللي دخله كدا زي متكوني داخله علي قهوه
نيره وهي تتصنع الجد: لو مش عجبك هاخد تاكسي
نزل ادم من السياره وفتح لها الباب الذي بجوارها
ادم: اتفضلي
نيره بصدمه: ايه ده!
ادم: اتفضلي انزلي
نيره: لا ابوس ايدك انا متأخره يلا وصلني بسرعه
ادم وهو يقلدها : لو مش عجبك هاخد تاكسي
نيره بضحك علي منظره: ياسيدي بهزر معاك ايه مينفعشي اهزر
وقامت بتصنع الحزن: وبعدين ترضي كدا ان المدير يزعق ويقولي اطلعي برااا يا استاذه معنديش شغل لواحده متأخره وانا اقعد اعيط بئا وقوله اخر مره مش هتتكر ده انا يتيمه وبجري علي اخواتي لالالالا مش هيحصل يلا ياباشا وصلني
ادم وهو ينظر لها ولم يستطيع ان يمنع ضحكته
ادم: هههههههههههههه لا حلو طلعتي عندك موهبه التأليف والتمثيل اهو اكتبي روايات بئا ومثلي
نيره: حاضر لو مطردتشي انهارده هعملك اي حاجه بس يلا وصلنااااي
ادم بإيماء: ماشي ياست هانم هوصلك بس بشرط
نيره: ايه؟
ادم: هتتغدي معايا انهارده انا عزمك
نيره: لا مش هينفع انا مقولتش لماما
ادم: انا هقول لطنط وانتي ملكيش دعوه بس انتي موافقه؟
نيره: لا طبعا مش موافقه
ادم بغرور: طب اتفضلي خدي تاكسي
نيره بغيظ: ايه ياعم انت صدقت ولا ايه طبعا موافقه انا بهزر معاك
ادم: امممم ماشي يلا
وركب ادم السياره
نيره بصوت منخفض: طول عمرك بتستغل فرصه احتياجي ليك كدهو
ادم:بتقولي حاجه ي نيره
نيره: لا مبقوليش حاجه بدعيييلك
ادم: ااااه بحسب
نيزه بسخريه:لا متحسبشي
ادم في نفسه: يارب صبرها وتقدر تفهم اني خايف عليها
...
وصل ادم ونيره الي المطعم
نيره بخوف: هو احنا هندخل المطعم ده
ادم بستغراب: اه ده مطعم كويس
نيره وهي تبلع ريقه: طب.. طب مفيش مطعم تاني
ادم بشك: ليه.. هو انتي جيتي هنا قبل كدا
نيره: اه.. لا.. لا مجتش
ادم بفهم انها اتت هنا من قبل واكيد مع على: انا حاجز هنا تعالي متخفيش
نبره بخوف: طيب بس مش هنعقد كتير
ادم: ماشي
دخلت نيره وجلست وهي تتذكر ذالك اليوم المشؤم
Flash back
علي بتصنع الحب : اخيرا وفقتي نخرج سوا ياحبيبتي
نيره بضيق: انا وافقت نيجي نقعد هنا عشان انت عزمتني علي الاكل ونمشي مش عشان تقولي حبيبتي
علي بغضب بداخله ويظهر امامها الابتسامه: انا عارف انك مش بتحبيني بس بالوقت هتحبيني انا متأكد
نيره بسخريه: اه طبعا منا عارفه
علي: لو مش عايزاني قوليلي
نيره برد تلقائي وغضب: ايوا مش عايزاك وبكرهك بس بابا بيثق فيك وشايف انك انت اللي تقدر تتحمل المسؤليه مع انه مش باين
علي بغضب شديد بداخله يحاول السيطره عليه: ومقولتيش لباباكي ليه
نيره: بقولك غصبني عليك.. وبعدين انت يعني مش عارف
علي: لا مش عارف
نيره بسخريه: لا والله مش عارف! هو ممكن اسألك سؤال
علي: اتفضلي
نيره: انت عارف اني مش بحبك صح وبحب واحد تاني
علي بتردد: اه عارف بس...
نيره بمقاطعه: مفيش بس ازاي راجل يقدر يستحمل واحده هو عارف انها مش بتحبه وكمان بتحب واحد تاني لا ومتمسك بيها اوي ومتقولش بتحبني لاني متأكده انك مش بتحبني ممكن تقولي انت عايز ايه بالظبط عايز بابا يرفعك مكانه في الشغل مثلا ومرتبك يعلي لانك جوز بنته ولا عايز ايه افهم
على وقد فقد السيطره علي غضبه: كفايه لحد هنا يا زفته انتي ايه عيل قدامك انا تقعدي تهزئي فيه
نيره: مش ده الحقيقه
علي: لا مش الحقيقه
نيره بغضب: طب قولي الحقيقه
علي بنفاذ صبر: انتي عايزه ايه من الاخر
نيره: تروح وتقول لبابا ان مفيش نصيب وانك رفضني
علي بعد تفكير سريع: ماشي.. بس بشرط
نيره: شرط ايه؟
علي: اديني شهر بس عشان نبقي قعدنا فتره كفايه اكننا بنفهم بعض فيه عشان لما اقوله مفيش نصيب يصدق
نيره بعد تفكير فأدركت انه علي حق: ماشي موافقه
.....
ادم: نيره.. نيره... نيراااااه
نيره : ها بتقول حاجه
ادم: ايه يابنتي بنادي من ساعتها سرحتي في ايه
نيره: لا مفيش حاجه
ادم بمزاح وهو يغمز لها: حب جديد ده ولا ايه
نيره بتصنع الجد: ايه ده عرفت منين
ادم بغضب : نعم ياروح امك
نيره : اووبس انت مكنتش تعرف وانا اللي بحسبك تعرف
ادم بغضب شديد: اعرف ايه يا زفته انتي مين ده
نيره: ايه دودو اتضيقت كدا ليه مش انت بتحبني وبتتمنالي الخير ده واحد زميلي معايا في الشغل وقمر بئا يا ادم عيون خضرا وشعر اصفر شبه التركيين اوي وانت بئا عارف انا نقطه ضعفي مز تركي
ادم وهو يقف بغضب : مين دا بئا عشان اروح اقتله في بيته دلوقتي
نيره بضحك: لا بصراحه شكلك مسخره ههههه مش قادره اقعد ياعم بس كدا اهدي كدا مفيش يا سيدي حد عندنا قمر اساسا استهدي بالله كدا واقعد انا بهزر معاك
ادم بجديه: دا هزار بايخ علي فكره
نيره: منت اللي نرفزتني الاول وانا ردتهالك
ادم : نرفزتك ليه
نبره: عشان قولتلي في حب جديد ولا ايه
ادم بخبث: دا معناه انك سرحانه في حبك القديم بئا
نيره بحرج: احم انا جعانه شوف كدا هتطلب ايه
ادم بضحك وثقه: انتي هتلاقي زي فين اصلا ظابط وكل البنات بتتمني بصه مني بس
نيره بغضب: نعم ياخويا بنات مين ده عشان اروح اجيبهم من شعرهم
ادم وهو يضع ساق فوق ساق بثقه : يووووه بنات كتير جدا لو قعدت اعدهم مش هنخلص
نيره بغضب: ادم انا مبهزرشي انت بتتكلم بجد
ادم وهو ينظر لها بحب: لا مش بجد وحتي لو بجد انا مبقاش شايف قدامي غيرك حتي وانتي مش معايا ببقي سرحان فيكي وفي كل تفاصيلك وفي كل موقف حصل معانا من اول يوم شوفتك فيه يا من تملكتي قلبي انتي بس يا نيره اللي قدرتي تدخلي قلبي وتتملكيه وتتحكمي فيه كمان لدرجه ان مفيش مكان لاي حد يدخله ويشركك فيه يا ملاكي انا عمري ماتخيلت اني ممكن احب حد كدا واضعف قدامه كدا انتي احلا حاجه حصلتلي في حياتي يا روحي
نيره وهي تنظر له بحب ودموع: متبعتشي عني يا ادم ارجوك
ادم وهو يطمنها: متخفيش انا عمري ماهسيبك
نيره بحرج من نظرته تلك: احم يلا ناكل
ادم بإبتسامه: يلا
وبعد وقت
نيره وهي تنظر لهاتفها يرن: ده ماما
ادم: ردي عليها ممكن تكون عايزه حاجه
نيره وهي ترد: ايوا يا ماما....ايوا شويه وجايه.... حاضر متخفيش ادم هيوصلني... سلام
ادم: خير طنط عايزه حاجه
نيره: لا بتطمن عليا... يلا نروح عشان اتأخرت
ادم: ماشي يلا
ومر يومين بسعاده علي ابطالنا ولكن هل للقدر رأي اخر؟؟؟
ادم بقلق: ايوا ياطنط برن علي نيره مش بترد انا تحت البيت
صباح: مش عارفه والله يابني مالها دخلت اصحيها قالتلي مرهقه وهريح انهارده
ادم بقلق: لو تعبانه ياطنط هوديها للدكتور
صباح: لا يابني هي مرهقه من الشغل بس
ادم بشك: ماشي ياطنط انا برضه هحاول اتصل عليها تاني
صباح : ماشي يابني
ادم بعد غلق الهاتف: انا قلقان عليكي يانيره شكلك مخبيه عليا حاجه
ذهب ادم الي عمله....
ادم بعصبيه: ردي بئا
معتز وهو يدخل لأدم: مالك يابني مش طايق نفسك ليه
ادم: عديت علي نيره زي كل مره بس هي منزلتش اتصلت عليها مردتشي طلبت مامتها قاتلي مرهقه ومش هتروح
معتز بعدم فهم: طب فين المشكله
نظر ادم له بغضب: معتز مش عايز غباء لو هي مرهقه فعلا كانت ردت عليا وقالتلي بس طالما مردتشي كدا يبقي في حاجه
معتز بفهم: اه صح بس مش يمكن مردتشي عشان نايمه مثلا
ادم برفض: لا لا معتقدتشي
معتز: طب هتعمل ايه
ادم: مش عارف
معتز: طب متجرب تطلبها من رقم تاني ولو ردت يبقي في حاجه
ادم: صح بدأت تفكر اهو هات تلفونك بئا
معتز: معيش رصيد
ادم: اطلع بره يا معتز اطلع بره
معتز بضحك: خلاص خلاص بهزر معاك معايا خده اهو وابعتهولي لما تخلص انا رايح اشوف شغلي سلام
ادم: ماشي يلا امشي من هنا
معتز بضحك: ماشي ياعم الحبيب دا منظر ظابط دا
ادم وهو يمسك دفتر بيده ويلقيه اتجاه معتز : امشي يلا من امشي
معتز: اااه خلاص خلاص همشي
امسك ادم الهاتف ليتصل علي نيره
نيره بصوت بكاء: الو
ادم:......
نيره: الو مين معايا
ادم بغضب: طب منتي بتردي اهو علي التلفون اومال مبترديش عليا ليه
نيره بصدمه: ااا...ادم..اصل انا كن... كنت تعبانه شويه وكنت نايمه ولسه صاحيه
ادم بغضب: نيرااااا مبترديش ليه
نيره وهي تحاول ان تتماسك: قولتلك كنت نايمه
