نيره وقد ادرك للتو ماذا تقول
نيره: انا لازم امشي دلوقتي
ادم وهو يمسك بيديها
ادم بحده: هو صح مهددك بأيه يانيره قولي
نيره ببكاء وصراخ: مش هو يا ادم مش هو سيبني في حالي بئا سيبني
اتت صباح وشيماء علي صوت نيره
صباح بخوف: نيره مالك ايه اللي حصل
شيماء: ايه اللي حصل ياادم
ادم وهو ينظر لنيره نظرات حزن وقلق وغضب ولا يتحدث
نيره: ماما انا هامشي انا
صباح :طب قوللنا ايه اللي حصل
نيره ببكاء: ماما يلا انا همشي
صباح بستغراب لابنتها وقلق
صباح: ماشي يلا يابنتي
شيماء: صباح استني بس..
صباح بمقاطعه: لازم نروح دلوقتي ياشيماء لازم انا قايلالك قبل كده عشان ده ميحصلشي
شيماء بحزن: انا اسفه ياصباح بس..
صباح: خلاص ياشيماء خليني الحقها هي نزلت
شيماء بإيماء: ماشي ياصباح
وبعد ذهاب صباح ونيره
شيماء بغضب لادم: ايه اللي انت عملته ده
اد بغضب:انا معملتش حاجه انا بس سألت هي ليه اتغيرت
شيماء بغضب: يرتني قولتلك قبل مانيره تيجي بس انا صدقتك لما قولت انك مش هتفتح في القديم بس انت كدبت يا ادم كنت لازم افهم انك هتعمل كده مهو برضه مش هتعزمها من غير سبب ده حتي انت مشوفتهاش من زمان
ادم بعدم فهم: ياريتك كنتي قولتلي ايه انا مش فاهم حاجه
شيماء بحزن: نيره من فتره داخلت في حاله اكتئاب ومش بتتكلم مع حد ولما صباح لقت الوضع بيسوء ودتها عند دكتور نفساني وعشان تتحسن شويه صباح اقنعتها انها تشتغل وفعلا اشتغلت بس برضه لسه مبتتكلمشي مع حد اوي ومن الشغل للبيت ومن البيت للشغل وصباح كانت قالتلي انها لما تتعرض لاي ضغط تفضل تعيط وتصوت ومبتبقاش عارفه هي بتعمل ايه او بتقول ايه وقالتلي اقنعي ادم انه ميفتحشي في الماضي عشان نيره وانا بالفعل كلمتك وصدقتك لما قولتلي انك مش هتكلمها بس انت بسببك حاله نيره ساءت اكتر
ادم بصدمه وخوف علي حبيبته وتساؤلات تمر على باله
هل ستتركني هل حبيبتي ستذهب هل من تملكت قلبي ستكرهني لا هذا مستحيل انها لي... لي فقط هذا مستحيل
ادم لشيماء بدموع: ليه مقولتليش بسببي ممكن تسبني ممكن تكرهني
شيماء : لان صباح قالتلي متقوليش لادم قالتلي بس قوليله ان ميفتحشي في الماضي
ادم ولم تستحمله قدماه وجلس علي الارض بدموع
ادم: لا نيره مش هتروح مني مش هتكرهني نيره بتحبني
شيماء بغضب: بعد اللي عملته اكيد هتكرهك يا ادم
ادم وقد قام مسرعا
شيماء: رايح فين
ادم: هروح لنيره
شيماء وهي تحاول ان تمنعه
شيماء: لو رحت هتبوظ الدنيا اكتر
ادم: الاول مكنتش اعرف الموضوع ده وده غلطتك انتي دلوقتي انا عارف هعمل ايه
شيماء بغضب: يوووه مش هتروح في حته يا ادم
ادم بهدوء حتي لايغضب والدته اكتر من ذلك
ادم: امي عشان خاطري سيبيني اروحلها انتي عارفه اني بحبها ارجوكي
شيماء فهي مدركه ان ابنها يعشق تلك الفتاه
شيماء بإيماء: ماشي يا ادم بس عشان خطري..
ادم بمقاطعه: ماما انتي عارفه اني مش هقدر ااذي نيره ده روحي
شيماء بابتسامه : عارفه يا ابني ربنا يجعلها من نصيبك
ادم: يااارب... يلا سلام عشان اروح اطمن عليها
شيماء: سلام ياحبيبي
وذهب ادم وهو يفكر في حبيبته
ادم في نفسه: ليه حصلك كل ده يانيره مين اللي مهددك يا روحي انه هيأذيكي او يأذيني ليه مش راضيه تسمعي كلامي وتقوليلي لازم اعرف مين اللي بعدك عني ومهددك ليه بس متأكد انه على الاقي دليل بس وساعتها مش هرحمه...... ااااااه يا من عشقتكي يامن تملكتي قلبي الي متي ستهربين الي متي ستعذبيني كل هذا العذاب الي اين ستأخذيني بتلك العيون الزرقاء التي اعشقها ارجوكي ارجعي لي ارجوكي.. وهبطت دموع من ادم دموع اشتياق دموع عشق...
وصل ادم عند منزل نيره
ادم وهو يرن جرس باب حبيبته
صباح وهي تفتح له
صباح بستغراب: ادم
ادم بحزن ويحاول حبس دموعه
ادم: انا عرفت كل حاجه ياطنط ماما قالتلي بس صدقيني انا مكنتش اقصد انا بس كنت عايز اعرف ليه هي اتغيرت كده بس صدقيني انا مكنتش قاصد اجرحها او اخليها توصل للحاله ده
صباح بتفهم: مصدقاك يا بني
ادم: طب.. طب هي كويسه دلوقتي
صباح: اه حاولت اهديها لحد ما نامت من العياط
ادم بوجع فهو لا يريدها ان تتعذب كل هذا
ادم: طب ممكن ادخلها
صباح: بس يا ادم..
ادم بمقاطعه: متقلقيش صدقيني مش هعملها حاجه عايز اشوفها بس
صباح : ماشي تعال هي في قوضتها
ادم وهو يدخل بهدوء حتي لا تستيقظ ملاكه
دخل ادم وجلس بجوار ملاكه ولكن لم يستطيع حبس دموعه
ادم بدموع : ليه يا حبيبتي بتعذبي نفسك كده بقالك 8 سنين معذبه نفسك وبتعذبيني معاكي ليه بتعاندي ليه مش عايزه تعترفي بحبك ليا لو هو اللي جابرك علي ده قوليلي وصدقيني هحميكي موتي الف مره ارحم من اني اشوفك بتتعذبي قدامي انا افديكي بروحي بس اتكلمي معايا ارجعي زي الاول ملاكي العاشقه..
وسقطت دمعه من ادم علي جبينها
وخرج ادم بعد قليل من الوقت
صباح: عايزه اتكلم شويه معاك يا ادم
ادم: اتفضلي ياطنط
صباح بتعب: انا سمعت حوارك انت ونيره وانتو في البلكونه انا وشيماء وحسه ان على هو اللي ورا ده كله هو اللي ورا موت جوزي وهو اللي ورا حزن نيره وهو اللي جابر نيره انها تبعد عنك... لان بعد ما سابها وهي حالتها زي ما انت شايف وكمان..
(سكتت صباح بحزن وضيق)
ادم: كملي ياطنط
صباح بحزن: بص يابني هو انا هقولك كل شكوكي بس مش عارفه هي صحيحه ولا لا
ادم: كملي ياطنط انا سامعك
صباح بألم: بعد موت المرحوم ولما روحنا بنيره المستشفى وكانت عايزه تعرف مين اللي قاتل ابوها وروحت وبرضه كانت عايزه تعرف مين قتل ابوها ومصممه صح
ادم بتركيز: ايوه صح وبعدها بيوم بكلمها لقتها بتقول انها مش عايزه تعرف مين اللي قتل ابوها وساعتها قالتلي لو حولت تعرف مين اللي قتل بابا متحولش تكلمني تاني
صباح بإيماء: ايوه قبل ما انت تكلمها سمعتها بتكلم على وبتعيط وبتقوله انت حيوان ازاي تعمل كدا وكانت منفعله وبعدها لقتها سكتت وفجأه قالتله بصوت عالي لا بالله عليك لا خلاص مش هكلمه تاني وقفلت معاه وقعدت تعيط وانت شويه وكلمتها وقالتلك انها مش عايزه تعرف مين اللي قتل ابوها
ادم بغضب وتوعد لعلى: يبقي عشان كده بتتهرب مني وكانت رفضه اني اكلمها ولما اشوفها بتتوتر وتخاف معني كده ان علي هو اللي ورا كل ده
صباح بسرعه: ده شكوك يا ادم احنا معناش اي دليل لحد الان
ادم بغضب: لو مقتلتش الزفت ده مكنشي انا ادم
صباح بقلق: عشان خطري يابني انا قولتلك عشان تفكر بعقل مش عشان تودي نفس في مصيبه
ادم: ماشي ياطنط اوعدك ان الكلب ده في اقرب وقت هيبقي في السجن
صباح: ان شاء الله يابني
ادم: بس اهم حاجه متقوليش لنيره حاجه عشان متخفشي
صباح: ماشي يابني مش هقولها
ادم: استأذن انا بئا ياطنط ولو سمحتي ابقي طمنيني علي نيره
صباح بحزن: حاضر يابني ربنا معاك
ذهب ادم الي منزله وكان يفكر ماذا سيفعل
ادم في نفسه: اهم حاجه دلوقتي اخلي نيره تحت عيني انا وترجع تكلمني عشان تنسى الخوف اللي هي فيه ده
وفي الصباح....
