معتز: ان شاء الله ياحبيبتي ان شاء الله
جيهان : هتيجي معايا بكره هروح للدكتوره
معتز : ماشي ياحبيبتي ان شاء الله هاجي معاكي
جيهان : لو مش فاضي ممكن اروح لوحدي عادي
معتز بحب : انا لو ورايا شغل الدنيا كله هسيبه عشان خطرك وعشان خاطر البيبي
جيهان وهي تنظر لعيونه :بحبك
معتز :وانا بعشق
وذهب معتز وجيهان الي عالمهم الخاص بكل مشاعرهم المليئه بالحب بل العشق
.......
في الصباح
معتز وهو يدخل مكتب ادم
معتز: عملت ايه في القضيه بتاع على عرفت تمسك اي دليل
ادم: لسه بس...
معتز بغضب : ااادم القضيه ده مهمه جدا وانا مش هستناها تضيع لو مش هتشتغل عليها قولي وانا هديها لحد تاني وسيبك من موضوع نيره وركز شويه في شغلك انت فاااهم
ادم بغضب : القضيه ده بتاعتي وانا اللي هحلها يامعتز وبالنسبه لموضوع نيره فأنا عارف كويس افرق بين شغلي وحياتي الشخصيه متقلقشي ياحضره الظابط
معتز بندم علي ماقاله لادم: ادم القضيه ده مهمه جدا وانت عارف كدا الراجل ده عامل بلاوي وكل يوم والتاني يعمل مصيبه شكل لازم نمسكه في اقرب وقت
ادم: عارف... عارف يامعتز متقلقشي
معتز : تمام.. عايز حاجه
ادم: لا بسرحبيت اعرفك اني خطبت اول امبارح وانهارده ماما هتروح تشوف العروسه
معتز بعدم فهم: خطبت! وامك هتشوف العروسه مش العروسه نيره اصلا وامك عرفاها
ادم: لا العروسه مش نيره
معتز بصدمه: نعم! مش نيره اومال مين
ادم: داليا هي صحبه نيره برضه
معتز بإستغراب: وانت ونيره عادي كدا
ادم: نيره متعرفشي بس اهو سمعت نصحتك وبشوف حالي
معتز : والله منا عارف افرح ولا ازعل
ادم: المهم ان شاء الله ماما هتشوفها انهارده وهنحدد معاد هنعمل خطوبه في قاعه كدا عشان ماما زعلت اني خطبت ومقولتلهاش غير امبارح
معتز بضحك: لا طبعا طنط غلطانه انها تزعل عادي يعني لما ابنها يروح يخطب واحده هي متعرفشي
ادم: معتز مش نقصك انت كمان
معتز بضحك: طب كمل شغلك ياحضره الظابط يلا.... سلام
ادم: سلام
ادم بعد خروج معتز: والله عبيط داخل مش طايق نفسه وخرج وهو بيضحك
وبعد مرور يوم واحد...
نيره وهي ترد علي الهاتف: دودو ازيك
داليا : هاي يا نيره ازيك وحشتيني اوي
نيره: وانتي جدا يادودو ايه يابنتي مبتسقليش ليه
داليا بضحك : معلشي يا نيرو كنت مشغوله حبتين
نيره بضحك: حب جديد ده ولا ايه
داليا: اه بالظبط كده
نيره بثقه: طلعت بعرف اخمن اهو
داليا: اه ياستي شوفتي بئا المهم دلوقتي انا اتصلت بيكي اعزمك علي خطوبتنا
نيره بضحك: مين اللي امه داعيه عليه بئا
داليا بتردد: اممم خليها مفاجأه المهم الخطوبه كمان يومين يانيرو مستنياكي هبعتلك عنوان القاعه في رساله يانيرو
نيره: ماشي يا دودو ان شاء الله هاجي
داليا :اوك هقفل دلوقتي بئا سلام
نيره: سلام
....
داليا وهي تتصل بشخص ما
داليا: الو ايوا اتصلت بيها
المتصل:....
داليا: ايوا قولتلها تيجي يوم الخطوبه
المتصل:....
داليا: متقلقشي مقلتلهاش مين العريس
المتصل:....
داليا: تمام ماشي سلام
داليا بعد اغلاق الهاتف : انا اسفه يانيره بس لازم اعمل كده
.....
معتز: جيهان حبيبتي انتي فين
جيهان: تعال يا حبيبي انا هنا
معتز وهو يذهب اليها وينظر اليها بحب: حبيبتي القمر عامله ايه
جيهان بعشق: الحمدلله ياحبيبي كويسه
معتز وهو يقبلها: اخدتي الدوا ياحبيبتي ولا طنشتي
جيهان: لا خدته ياحبيبي متشغلشي بالك انت
معتز: ماشي ياحبيبتي... جيهان اعملي حسابك كمان يومين هنروح خطوبه ادم
جيهان: ايه! خطوبه ادم اخييرا
معتز بقلق: اه اخيرا
جيهان: مالك ياحبيبي شكلك قلقان ليه مش هو هيخطب البنت اللي بيحبها وهي كمان بتحبه ليه قلقان
معتز بنفس القلق: لا مش هيخطب نيره
جيهان بستغراب: ايه! مش هيخطب نيره اومال مين
معتز:صحبه نيره
جيهان بصدمه: صحبتها! ازاي... وبعدين هو ساب نيره خلاص.. ونيره عرفت.. انا مش فاهمه حاجه
معتز بقلق: ولا انا ياجيهان والله ولما سألته قالي ده نصيب وخلاص ونيره متعرفشي
جيهان : الموضوع ده في حاجه
معتز: وده اللي قلقني
جيهان: يعني ادم مقلكشي حاجه
معتز: لا مقلشي
جيهان: انا مش فاهمه منين عاش السنين ده كلها ورافض يتجوز عشان بيحب نيره وفجأه كدا خطب
معتز: مش عارف.. مش عارف هو ناوي علي ايه
جيهان: ان شاء الله يكون خير
معتز: ان شاء الله
جيهان: احطلك الاكل ياحبيبي؟
معتز: اوبا شوفتي حلوتك وعيونك نستني
جيهان بضحك : نستك ايه يا عيوني
معتز وينظر لعيونها مباشره: نستني نفسي يا روحي
جيهان بخجل: بس يامعتز بئا
معتز بضحك: خلاص ياطماطم انتي
جيهان: مقولتليش برضه نسيتك ايه
معتز: قومي البسي يلا هناكل برا انهارده
جيهان : حبيبي انا عامله الاكل جوا
معتز: مش مشكله عيني الاكل وبكره نكله
جيهان: ماشي هقوم البس اهو
معتز: ماشي يا مزه
جيهان بضحك: في ظابط يقول مزه
معتز بخبث: اه عادي منا اتعودت عليها بئا بقولها كتير في الشغل
جيهان بغضب: بتقولها ايه ياعنيه وبتقولها لمين بئا ان شاء الله
معتز بخبث: ايه ياجيهان مش انا ظابط وليا صحاب ظباط
جيهان بغضب: اه
معتز بخبث: ماشي وصحابي دول ساعات بروحلهم ومعظمهم بوليس اداب والمساجين ايه بئا بنات بس بنات مزز
جيهان بغضب: بئا كده يامعتز ماشي روح بئا خلي البنات ده تطبخلك وتروق الشقه وتنشر وتغسل
معتز بضحك: بس بس خلاص انتي هتزليني انتي هبله يا جيهان وانا اقدر ابص علي حد غيرك برضه
جيهان بدموع: يعني مرحتش لصحابك دول
معتز وهو يمسح دموعها: وانا برضه ممكن اسيب شغلي واروح اقعد مع صحابي في شغلهم ياحبيبتي
جيهان: بجد يامعتز
معتز: بجد ياروح معتز انا عمري ماقدر ياحبيبتي ابص لغيرك وبعدين لو بصيت يعني هبص للبنات الزباله ده لا طبعا
جيهان بغضب: مفيش حاجه اسمها لو بصيت والله يامعتز لو عرفت انك بصيت لاي بنت لكون سيبالك البيت
معتز: جيهان عشان خاطري متقوليش كدا تاني انا مقدرشي اعيش من غيرك
جيهان بدموع وهي تحتضنه: ولا انا اقدر اعيش من غيرك
معتز: بحبك
جيهان: بعشقك لاخر يوم في عمري
معتز: طب يلا قومي البسي عشان لو قعدتي اكتر من كدا انا ممكن ارتكب جريمه حاااالا
جيهان بضحك: ماشي خلاص هقوم اهو
.........
أتى اليوم الموعود....
انتهى آدم من ارتداء البدله ذات اللون الأزرق الغامق وقد أظهرت كم هو وسيم وقميس ابيض و......
ادم: ماما انا جاهز جهزتي
نظرت له شيماء بأعجاب: ايه الجمال ده اخيرا شوفتك عريس
آدم : مش بالظبط كدا
شيماء بستغراب: تقصد ايه
ادم: مش لازم يلا عشان العروسه مستنيانا في الكوافير
شيماء بحزن: كان نفسي تكون العروسه ده نيره
آدم : ماما منتي عارفه خلاص دلوقتي العروسه داليا مش نيره
شيماء بحزن: دا نصيب وان شاء الله نيره تلاقي ابن الحلال اللي يحبها ويصونها
آدم وهو غاضب كيف يتصور حبيبته مع شخص اخر
ادم: اه نصييب يلا بئا مش هنقضيها حكاوي
شيماء: ماشي يلا
........
نروووووح لنيرو
نيره: ماما انا ساعه كدا وهنزل
صباح:برضه عايزه تروحي خطوبه داليا
نيره: انتي عارفه يا ماما انها ملهاش حد وانا عشان خاطرك بس مرحتش معاها الكوافير وهروح القاعه بس
صباح: ماشي يا بنتي خلي بالك من نفسك
نيره : ماشي ياماما
صباح وقد أدركت ما ترتديه تلك الجميله : ايه الجمال يا نيرو
نيره وهي تلف بالفستنان: حلو يا ماما
صباح : جدااا عقبال ما اشوفك عروسه
نيره بحزن: ان شاء الله
كانت نيره ترتدي فستان زهري اللون يضيق من عند الصدر ويتسع عند خصرها واترتدت حجاب ابيض يميل للون الزهري الفاتح ولم تضع أي مكياج مما أظهر جمال تلك الجميله صاحبه عيون البحر الأزرق الجميل
....
كانت داليا تجلس تفكر لا تعي مما يحدث هل هي تتصرف بخطأ اما هذا تصرف صحيح!!؟
انتبهت للهاتف الذي يرن بالقرب منها أخذته لترد و..
ادم: ايوا ي داليا احنا جايين اهو
داليا : ماشي يا آدم انا تقريبا خلصت
ادم: ماشي يلا سلام
داليا بسرعه: ادم
ادم: نعم
داليا : تفتكر اللي عملنا ده صح
ادم: ايوا متقلقيش وماما جمبي وبتسلم عليكي
داليا وهي فهمت ان آدم لا يستطيع الكلام لأن والدته بجانبه
داليا : ماشي يا آدم سلام
كانت داليا ترتدي فستان سماوي اللون واسع وحجاب ابيض رقيق ووضعت مكياج خفيف
......
وصل آدم وشيماء إلى داليا وخرجت لهم داليا عندما أخبرها آدم بوصوله
نظر لها آدم بابتسامه لطيفه ونظره مشجعه فهمت معناها داليا ونظرت لها شيماء بأعجاب
شيماء : ماشاءالله ي عروسه قمر
داليا بأحراج: ميرسي ياطنط
شيماء بأبتسامه: قوليلي يا ماما مبحبش طنط ده
داليا: حاضر يا ماما
وجلست داليا وذهبت شيماء لتجلس بجواره وأدم يسوق السياره
شيماء : آدم ليه موفقتش تجيب حد من صحابك يسوق بدالك وعزمت صحابك يزفوك كدا ولا حاجه
ادم: انا عزمت معتز بس عشان ميزعلشي وعشان جيهان حامل واكيد تعبانه قولتله ميجيش الا علي القاعه علطول وانا مش عايز زحمه وعربيات دلوقتي خليهم في الفرح
شيماء : ماشي برحتك
وبعد ساعه تقريبا كان آدم ونيره وصلو للقاعه
نظر آدم للجالسين في القاعه ونظر لشيماء
ادم: ما شا الله ي ماما انتي عازمه الناس كلها ولا ايه
شيماء : مش خطوبتك لازم اعزم الناس كلها
ادم: اممم ماشي يا ماما
جلس آدم وداليا على مقعدين العروسين وسط الاغاني وفرحه معظم الناس وحقد الآخرين......
داليا وهي تنظر لآدم لتجده ينظر على باب القاعه
داليا بهدوء: متقلقيش هتيجي انا متأكده
نظر آدم لداليا: ها
داليا: نيره صحبتي من زمان وانا عارفه انها هتيجي عشان مليش حد غيرها
ادم: أن شاء الله
داليا: الخوف من اللي هيحصل لما تشوفك
آدم : متبينيش اي حاجه يا داليا وافتكري في اللي اتكلمنا فيه
Flash back
ظل آدم يفكر ماذا يفعل في تلك العنيده نيره حتى...
ادم: انتي اللي اخترتي يا نيره
آدم وهو يمسك. هاتفه ويرن على رقم داليا فهو كان يعرف معظم أخبار نيره من داليا
آدم : ازيك يا داليا
داليا: الحمدلله انت عامل ايه
ادم: الحمد لله
داليا: خير
