قيود عربية

بارت 4

ويا ما اجيت اطلع وجان انصدم بالشخص يلي عشت ويا طفولتي يلي بسبب همجيه هالكلب راح اعوف كلشي حلو يمكن اصلا بعد ما ارجع بالحالتين اني ميته من ابعد عن اهلي وناسي الاحبهم  شفت اختي وحبيبتي ما كدرت احجي ولا اتحرك بس دموعي تعبر عن الالم وحرمان يلي راح اعيشه بعيد عن اختي رهام وامي طفله يا ناس ومظلومه كل هذا يصر بيها بسبب همجيه اهلها وعمامها المفروض يكونون سند وقوة الها بس شدكول غير يارب الصبر

اجت رهام تحضني وتبوس بيه ودكول والله ما اكدرت ادفعهم عنج كسر ابيدهم شمسوين بيج يأذوج يروحي مو سودة بوجهي بيه ولا بيج

لا يعمري لا دكولي هالشكل اصلا ألم قلبي ازيد من هالم ولا شي هالوجع ولا شي  عمري رهوم ديري بالج على نفسج وعلى امي وردتت اكول على ابوي واخواني وفخري بس حسيت اكو شي يمنعني بس قلبي ما ينطيني ما احبهم اي اني مو مثلهم حقودة اني نقيه وديري بالج على الكل اكتفيت بالكلمة هاي

رهام:حبيبي لا تشغلي بالج اهم شي انتي تكوني بخير روحي لبيت خاله راح تشوفين ايام صعبه حيل وانتي صغيرة بعدج بس قويه يعمري اريدج تصيرين قويه كافي ضعف كافي تفكرين بهذا وذاك فكري بنفسج وشلون اطلعين منا وبس

ان شاء الله يروحي بس خايفه عليكم والله ما اكدر ما افكر بيج وبامي  درت وجهي على امي تبجي وكاعدة بالكاع اجت بوستني وكالت اخذها ادهم بسرعه راح يكتلوها

ادهم :يلا بسرعه تعالي اوصلج لشارع حتى محد يشك بسرعه 

طلعت من الباب الخارجي وكبل نركض اني وادهم ودموعي كانت اقوى من البرد وتصب نار قلبي ما خلت لبرد الشتا يأثر بيه

وصلت للشارع بي ناس شوي لان لليل وقليل يطلعون التفت لادهم وشفته يباع عليه وعيونه مدمعه مسح دموعي وكلي لا تبجين يا روح اخوج  اول مرة احس ادهم يحبني واحد من عمامي ما يكرهني بس مع الاسف وصلنه لمرحله كلش توجع القلب  كتله ادهم راح اموت ويكتلوك وياي لان ساعدتني

ادهم: صح ما حاجي وياج ولا اختلط ويا احد بس مو معناها بلا قلب وبلا رحمه تبقين عرضي واني اسف يبت عمي شكيت بيج بالبدايه بس اتأكدت من دموعج انتي اشرف من الشرف روحي الله يسهل دربج اني راجع اخرهم روحي لبغداد وبعدها مناك لأربيل  بمنطقه ... وتدورين على بيت الحجي محمد
وهاج هاي السجين حامي نفسج ولا تخلين احد يمسج دافعي عن شرفج

وكف ادهم سيارة وفهمه يوصلني لبغداد وانطا فلوس خطيه من عنده  طول ما هو يحاجي السايق اني ابجي بس محاولت ابين لملمت نفسي بالعباية وعدلت حجابي وتوجهت لسيارة حتى انتقل لمكان جديد ما اعرف شنو منتظرني ودعني ادهم بعيونه الخايفه  تحرك السايق ومشينه وعم السكوت بالمكان واني مغطيه وجهي بالعبايه وصلنه سيطرة متت خوف مدري ليش باعو عليه كلوله منو الوياك وين رايح كالهم زوجتي ورايح لبغداد  بعد حجي سمحولنه نطلع بس انصدمت من الحجي من كال زوجتي  ورى شوي وكال عمي اني حجيت وكلت زوجج بس حتى اساعدج لان ابن عمج وصاني بيج ومو زلمه يلي يترك حرمه محتاجته

شكرت الله انو احد يساعدني واكو احد طيب وشهم بالدنيا هاي  استمرت السيارة ساعات تعبت ونعست بس ما نمت صارت بيه خوفه اخاف انام والسايق يسويلي شي واخاف انام ويجون يكتلوني

وبعد اربع ساعات ونص وصلنه لكراج بغداد كراج بي هواااي ناس نزلت وتشكرت من الرجال واني خايفه من المجهول وين اروح وشنو اسوي  رحت كعدت  على الرصيف افكر شسوي انتبهت على السيارات محمله عوائل وشباب وبنات وشرطه وووو اشكال شفت بالساعه ذيج الجو بارد حييل وجروحي بدأت تأذيني شفت سايق اجاني كالي خويه وين رايده كتله لاربيل كال ستوهم طلعو تأخرتي باجر تعاي ويامن جايه كتله عمو اجيت لوحدي اني اهلي ماتو واريد اروح لبيت خالي بلكي يريدوني شفته صفن واشر لصديقه  كاله هاي امبينه تايهة خلي نستفاد منها وضحك وجعني كلبي بسرعه صفن عليه الولد ذاك وكال اكلك هاي امبينه مكتوله مسويه مكسورة وشاردة خلي نأجرها ليلي ونستفاد منها احسن  اجا الثاني يريد يسحبني من ايدي والثاني جاب سيارة دفعت ما اندفع عضيته حيللل بايده وركض عبرت يم  شفت سيارة شرطه اكيد مراح يجي هنا مشيت يم السيارة وشفت شخصين كاعدين بيها واحد نازل يخابر ومنفعل غطيت وجهي بس خليت عيوني طالعه مدري ليش ركزت على يلي بالسيارة كانت ملامح الاول يلي قريب على الباب تجذب بشكل يميزة شكله الجميل وهيبه بمعنى الكلمه والثاني ما بين بس مدري من حسيته التفت ولمحني بعينه متت حسيت بوقتها اني مجرم وهو الضابط يريد ياكلني  شوي وشفت حجي اجاني كالي بنتي صار ساعه اباوع عليج محتاجه شي .....

يتبع