قيود عربية

بارت 8

        

صار وقت الغدا وانطك باب  الملحق فتحته وطلعت بوجهي ام فرح كتلها تفضلي خاله كالت خاله عباس جايتك بموضوع واتمنى تتفهمني  تحجي ومتوترة 
خاله عباس  صار عمرك 20 سنه وراح تدخل واحد وعشرين صرت زلمه مو ذاك الطفل بعمر 12 سنة مثل ما تعرف  مريم بعد كم يومين وتزوج وفرح مقررة ما تسوي عرس بس اني وزوجي قررنه نسافر ونستقر خارج العراق عيشناك وكبرناك وصرفنه عليك  بس صار الوقت انو تشوف حياتك تعتمد على نفسك بقيت ساكت ومصدوم بنفس الوقت لان ما محسب لهذا الشي ابد وين اروح وين اولي كامت وصلت للباب وكالت اني بعت البيت وبعد عرس مريم نطلع دبرر نفسك خلت وراحت واني بعدني مصدوم تعبان نفسيا مالي غير ربي بقيت ساكت لفتراة طويلة هدوء وداخلي بركان من المشاعر غضب وتوتر وخوف والتفكير ذبحني  لازم ادبر نفسي يراد شغل ويراد مكان  اعيش بي رحت لصديقي حمود ابو الفات بلكي يعرف احد يساعدني   رحت بخطوات تائهة بخطوات ضياع ادور على بصيص امل  شفت حمود  السلام عليكم  حمود : وعليكم السلام ورحمه الله 

خيرك عباس شبي وجهك احد مضوجك لو مسمعك حجايه ترى اني اخوك مو غريب سولفلي همك يخوي 

حمود والله ضاكت بيه الدنيه اطلع من سالفه اطب بسالفه شاب انترس راسه شيب وين شايف واحد يجيبها حرمان وجع من صار الى هاي الدقيقه خلصت عمري بس تفكير واشيل هم فوك طاقتي سكتت وخنكتني العبرة

عباس اذا على الالم والحرمان اني رجال عمري 29 سنه امي ماتت كدام عيني ولسه واكف على رجلي وامشي واترحم الها وادفع صدقه لهذا الله انطاها ولد  وماتت حتى ابقى اذكرها بالدنيا اجازي تعبها  وهسه ياخوي سولفلي عبيس واعتبرها مكضيه 

الله يرحمها  السالفه هي انو ام فرح راح يسافرون وباعت البيت وباقي يومين لازم ادبر نفسي بيهم من شغل وبيت  والله ما اعرف شسوي اجيتك لان ما عندي احد اجيله غيرك

حبيبي صدك جذب علمود هاي ضايج جا اني وين رحت اخوك وصديقك عايش وتضوج  من شي  اذا على البيت فبيتي مفتوح الك تصير انت ابو البيت واني الضيف واذا تفكر بشغل ياخوي فاكو مطعم قريب منا بنهايه الشارع محتاجين احد ينظف الهم خلي نروح هسه قبل ما احد ياخذ وظيفه عبيس وابتلي بي 

هههههههههههه  ربي يخليك سند واخ عزيز والله يلا امشي  رحنه لابو المطعم وحمود ما قصر كاله فقير وتكسب بي اجر وشكد ما يطلع منك قابل المهم يريد يعيش  صفن ابو المطعم جان لابس قميص ابيض ورباط احمر وبنطرون اسود وجان انيق بشكل  شوي وكال ماشي متفقين وراتبه كل اسبوعين 50  ردتت احجي طفر حمود كال قابل قابل   انصدم ابو المطعم من ردتت فعل حمود كوة لزمت نفسي ما اضحك اتفقنه باجر ابلش شغل من 6 الصبح الى 6 العصر   صح تعب بس احسن من ماكو كان المطعم الصبح يفتح للفاة والكص وهجي شي ومن العصر للمغرب كل المكولات  اطلعت من المطعم وحضنت حمود وبوسته وتشكرته لان لولا ما اعرف شسوي واني جاي اسولف ويا واتشكره شفت الطفل يلي اشتريتله ذاك اليوم كلي عمو شلونك كتله عمو ليش هيج عيونك تعبانه كال لان ابجي على امي صار يومين نايمه ما تقبل تكعد اشربها ماي ما تشرب يمكن زعلانه عليه عمو رحت لنفس مكانه كل مرة بس ما شفته عمو كلها تصاحبني  والله بعد ما اتأخر بس خلي تصاحبني عمو ابوس ايدك  حتى اليوم انطوني الف وما اشتريت بي مثل كل مرة ضميته الها حتى هي تشبع  عباس : عصرني قلبي عليه بس لااا  عمو حبيبي وين بيتكم دليني اخذنه حمود وصلنه جانت الريحه تكتل عرفتها ميته قبل ما ندخل كلش انقهرت علي واني اشوفه  ينتظر ندخل نراضيها حتى تكعد تحاجي ما يدري ماتت  الله يرحمها ما ادري شسوي كتله حمود ابقى يمه اني راح ادخل دخلت وشفت البيت عبالك كهف وفارغ عبالك بيت مهجور شفت الام متمدده بالطرف وصايرة زركه ودم يابس على وجهه يمكن صاير عدها جلطه  غمضت عيوني واني افكر شلون اكله امك ماتت طلعت حتى احاجي حمود يفهمة لان اني انهاريت شفت حمود باوعلي وهزيت راسي بمعنى اي ماتت هو افتهم وحظن الطفل وهو باقي يباوع ما يعرف بقى وحيد كال عمو بعدها زعلانه عود اني دائما اسولف بيك كدامها وتدعيلك وتحبك  ليش ما تحاجيني ولا تتحرك عمو خاف بردانه شفت عيونه دمعن ما تحملت كمت انحب عبالك اني الجنت محتاج ابجي ليش بجيت ما ادري احاني الطفل يركض وحضني ويحجي عمو امي خاف بردانه مو لو جوعانه ما حجت وياك اني ما حاجيتها اليوم زعلان لان ما تحاجيني شسويت انا الها يومين صار انام وما تغطيني ليش عمو شسويت اني   عباس : عمو امك ماتتت اااااه يا عمو ما زعلانه امك ماتت ماتتت   بسرعه الولد اتخربط وصار شفته زركه وصار يرجف ......

يتبع