قيود عربية

بارت 15

لَو كانَ يَنساهُمُ قَلبي نَسيتُهُمُ
‏لَكِنَّ قَلبي لَهُم وَاللَهِ قَد أَلِفا

‏أَشكو إِلَيكِ الَّذي بي يا مُعَذِبَتي
‏وَما أُقاسي وَما أَسطيعُ أَن أَصِفا

‏يا هَمَّ نَفسي وَيا سَمعي وَيا بَصَري
‏حَتّى مَتى حُبُّكُم بِالقَلبِ قَد كَلِفا

__________

بعد ما حجه وياي عباس علمود الشغل حتى اروح وكالي اجيب اختي واخو يبقون يم مريم وامها اطمأنيت ورحت للبيت حمود  استقبلني ورحت بدلت وغسلت على السريع وانطلقت لمكان الشغل

دخلت للمطعم وجان اشوف المكان هالمرة بتركيز جان راقي كلش ومعروف بشكل بلشت بالتنظيف واني اشتغل بكل طاقه وتقريبا الساعة 10 الصبح دخلو مجموعه شباب للمطعم استقبلتهم واخذت طلباتهم ورحت اعدل ببقاي الطاولات

رحت اخذت الطلب وديته الهم وجان بالصدفة انتبه الهم يصديقهم يسولفلهم عن حبيبته وشلون يضحك عليها وهي مصدكه وهو مصادق خمس بنات وراها وعنده تلفونين ويلعب على بنات العالم  ورحت اكمل شغل بس دعيت ربي يخلص بناتنه من هجي تفكير

ويخلي تفكيرهم بمستقبلهم لان وضع البلد من سيء الى سيء وشباب لا حظ ولا بخت يلعب على هاي

صارت الساعه 2 وكثرت الزبائن وايدي خفيفه واحاول ما اخلي احد يشكي مني  جان وياي ولد اسمه ناصر ولد بعمر 25  طالب جامعي يداوم بالمطعم من العصر يعني من ينتهي دوامه يجي للشغل

صارت ساعه 6 المغرب  بدلت ملابس الشغل ورحت حتى البس ملابسي اجاني المدير وكال عفيه عليك عباس اريدك دوم هيج ما  اريد احد يشكي منك وهاي 50

اتشكرت منه وطلعت رحت قبل للمستشفى رغم تعبي بس لازم اطمن عليهم اول ما رحت لمريم دكيت الباب جانت اخت حمود يمها سلمت عليهم وردت السلام

كالت اني اترخص وان شاء الله باجر اجي اتشكرت منهه وراحت اتقربت من مريم وسالتها شلون مريم ان شاء الله احسن

كامت تبجي وانطتني ملف وتأشر عود اقرأ  فتحت الملف وعرفت امها متخربطه ومحتاجه عمليه

كتلها لا تشيلين هم اني يمكم ارتاحي وهاج هذا اكل اكلي واني هسه اطمن على امج واجيج هزت راسها بالايجاب وابتسمت بوجها وطلعت

واني امشي بالممرات واني منهك من تعب اليوم بس لازم اوكف وياهم مالهم غيري   دخلت على الدكتور وشرحلي وضعها وكال لازم عملية تسوي اتفقنه على الموعد بعد خمس ايام حتى تتقوى للعمليه

طلعت واني محتار بفلوس العمليه كعدت على الكرسي مقابيل غرفه مريم بقيت افكر بيها باع الدنيا محد يعرف يمتى يموت واحنى محدد يحسب باخرتها

كل ما الله يزيدنه بنعمه نزيد حقارة وكره وطغيان محد يفكر باخرته  طلعت من صفنتي على صوت يصيح عباااااس عباااس

التفتت واني اشوف حمود وبيده جنطه كالي عباس امشي وياي عندي امانه اريد انطيك اياها بس ما ترهم هنا كتله تعال اخذتها وره المستشفى وكال

اليوم واني جاي للمستشفى حتى ابقى وياك لان اعرف تعبت اليوم  شفت رجال يدك بالباب نزلت عليه كتله حجي تفضل كال بلا امر عليك وليدي اني اريد اشتري البيت واهلها متفقين وياي اليوم التسليم بس محد طلع تعرف احد يدليني عليهم لان كلش محتاج البيت

كتله عمي ماتو بقو بس الام والبنيه

كال الى رحمة الله انا لله وانا اليه راجعون زين شلون وليدي انطيك لفوس وتنطيهم الهم لان البيت محول بأسمي 

كتله حجي لا تعذرني اخاف يضيعن هاي واني رجال على كدي كال زين تعرف مكانهم كتله بالمستشفى كال هاي هي

اوصلك يم المستشفى وانت انطيهم الهم حتى تضمن يوصلن بسلام

كتله ماشي وصدك صعدنه بالسيارة ورحنه انطلقنه للمستشفى بعد نص ساعه وصلنه للمستشفى

كال انتظرك هنا كتله ماشي نزلت وهاي هنا نهاية المركه وستوت وهاي الامانه

ههههههه ينعل ابليسك ماشي هسه اوديهم لمريم باعتبار امها بعدها مريضه بس هي بحاله احسن

صعدت للمستشفى تحديدا لغرفه مريم دكيت الباب وانتظرت شوي وانوب فتحته كتلها مريم اريد احجي

وياج بموضوع مهم هاي فلوس بيتكم ستوه وصلتني واني وصلت الامانه انتي حرة بتصرفج بيهم   اشرت الي بمعنه قلم ورقه جبت الها ورقه وقلم بقت تكتب وهي تبجي

كالت اخذ منهم لعمليه امي والباقي خلي انخلي حاليا بالبنك امن

ورجعت  راسها لسرير ونامت طلعت ورحت لدكتور دفعت فلوس العمليه والباقيه رحت حولته باسعيتها بالبنك  لان مو امان يبقى مبلغ جبير وياك بمكان عام

رجعت وجان الوقت كلش متأخر نمت على الكرسي وكعدت الصبح ورحت لجامع صليت ورحت على السريع جبت ريوك لمريم  وصيتها على نفسها ورحت اطمنت على ام فرح

وطلعت للشغل كبل وكان يوم عادي   الى ان صار الظهر استراحه صغيرة قبل منرجع نبلش شغل  اتصل بيه حمود كال ابشرك اليوم راح ترتاح اليوم الدنيا ضحكتلك

كتله ياا اللله كول اللهم صلي على محمد وال محمد

كال ما اكول مو مال تلفون لازم بوجهك واشوف تعابير حبيبتي عبسية  هههههه

لحيت ويا بس ما قبل انو يكول خلص وقت الشغل وانطاني المدير اليومي مالتي وبسبب كثرة الزبائن كام يزيد اجر مالتنه

واني برجعتي للمستشفى طلبت من حمود يجي حتى يكلي بالموضوع 

وصلت وبعد ساعة من الانتظار والتفكير اجا حمود سلمت عليه وكتله ولك شليت حالي يلا سولف

حمود .....

_______

يتبع