قيود عربية

بارت 20

‏ماذا أقولُ ودمعُ العينِ ذبّاح
‏وكأسُ قلبي يُريق العشق إن راحوا

‏يا قاضيَ الشوقِ سجّل جُرمَ ما اقترفوا
‏ها أدلفَ الليلُ والأحبابُ ما لاحوا

‏يا قاضيَ الشوقِ لا تسمـعْ شكايتهم
‏إنِّي القتيلُ ودمعُ القلبِ نَضّاحُ

‏لا تُـرهقوا القلبَ فالأوجاع تسكنهُ
‏لا تظلموا الشوقَ جفنُ الشوقِ نوّاحُ

_____

بعد ما سمعت كلام حمود غمضت عيوني واني استغفر ربي هذا امتحان من رب العالمين ولازم نشكره لان الله لو حب عبده ابتلاه

كمت وكتله راح اغسل وجهي واجيك حتى اروح اعشيك خطيه شنو ذنبك من مساع وياي

حمود" اي من الاول ولك كتلني الجوع واني اركض وياك من سالفه سالفه

ولك من عرفتك ما خابرتني بس بالمشاكل فد يووم خابرني وكلي راح اعرس

يا نسيت اكلك بس تدري شلون لاا لا ما اكول

عباس " هذا حمود دائما يخفي وجعه بابتسامه وضحكة ابتسمت على حجيه وكتله

ها ولك بس لا رحت تشوف حبيبتك لو انت منيلك حبيبه امري لله نشوف شنو عندك اذا تسوة السالفه ادفع الفلوس اني واذا ما تسوة انت تدفع

ضحك حمود لااااا يخوي انت هالمرة راح تدفع والسالفه بعدها حارة وطيبه فاحسن الك تعزمني هسه قبل ما ابطل وما اكولك

اخذت حمود وطلعنه لمطعم قريب على المستشفى بعد ما امنت مريم يم مرة يم غرفتها

عشيته وهنا فرحة لخوي وصديقي وسندي بالحياة من كال على موضوع خطوبته

حمود " من خابرتني جنت رايح اني واختي وعمامي يخطبولي مرة بالمنطقه مالتنه

واحنه تونه فاتحين الموضوع دكيت انت من سمعت صوتك عبالي مغتصبيك هههههههههههههه وخربت عليه حتى ما شفتها

دومك مخرب عليه افراحي

عباس" هههههه خرب يومك والله عليك سوالف اي والله وكت صار الاخو يروح يخطب بدون ما يكول لاخو

حمود " ولك انت غير تفهم السالفه يلا دكوم تزعل الظهر جنت كاعد واختي اجت يمي

(في بيت حمود )

جنت كاعد واشوف تلفزيون واشوف اجتني فاطمه اختي كتلها ها ولج خير

فاطمه " خير بوجهك خويه بس ردتت اكعد يمك ما يصير وحدة تكعد يم اخوها

حمود " يمه يمه منج النسوان مال اكعد يم اخوي عوفيها كوليلي شنو رايدة دخلي بالمختصر

فاطمه " الف رحمه على الله دام تعرف جايتك بموضوع راح ادخل بصلب الموضوع باع تعرف اني على باب زواج وما اتوقع علي يطول بعد كم شهر وازوج