قيود عربية

بارت 12

يتلاقى الاشخاص وتتقاطع طرقهم .. فيتأثرون ببعضهم .. وتبقى البصمات في قلوبهم ،
بسمة .. او نظرة ، او كلمة معينة ، او طريقة تفكير وتصرف .. هذا ما يبقى .. اشياء حين نتذكرها .. تتسلل الابتسامة الينا دون سيطرة منا .

واحيانًا .. لحظة ندم ، لحظة انكسار ، عبارةً جارحة ، او صرخةً تنكر كل ايام الود السابقة ، تجعلنا نتوقف لوهلة ونقول ، ما الذي جمعنا  بهم ذات يوم بالضبط ؟

يعلمنا الله بمن نلتقي بهم ونتخذهم اصحابًا لنا .. احيانًا يرينا الشر في هذا العالم لنحذر ولنروض قلوبنا كي لا تثق بالجميع ، ثم يجعلنا نلتقي بخير خلقه فنعرف ان الخير لا يفنى ، وان حسن الظن ليس غباءً وانما طريقةً جيدة لنرى الخير في من حولنا .

غيوم الظلم والقهر السوداء ستمر وستطير بعيداً مع رياح العدل والسلام .. ولكل جبارٍ عقاب ، ولكل قاتلٍ جحيم يذيقه عذاباً يفوق عذاب ضحاياه ، سيغمرنا دفئ شمس الحق ، وستزهر البسمات مرةً اخرى .. فالله يرانا وسينصفنا .✨💚

____________

رحت فتحت ملابسي يلي  شردت بيهم من بيت عمي بعمر 12  دورت على الاوراق يلي اخذتهم من غرفه عمي باليوم الشردتت بي ويلي نسيتها وما عرفت اوراق شنو كلبت الملحق كلاب وما لكيتهم صار شكد عايش هنا ما فديوم شفت احد دخل هنا منو الها ايد يدور باغراضي وليش اخذ الاوراق معقولة تكون مهمه زين اني شلون اعرفه كعدت بالكاع مهدود حيلي خلص عقلي كلش تعب بيش افكر بالولد وفاجعته لو بسالفته الاوراق قررت انام واشرد من هالتفكير راسي موتتني بشكل اللهم اني وكلت امري لك فأرح قلبي يا الله مالي غيرك

تركت كل همومي على المخده نمت قرابه الخمس ساعات  كعدت واني احس براسي يوجعني حيل كمت غسلت وجهي  وشربت حباية بندول  وسويتلي جاي وبعد ربع ساعة حسيت براحه من وجع راسي

اجتني الساعه  5 العصر فرح كالت عباس جيب الفستان علمود باجر العرس بالليل تأخذني  حتى نروح نجيبه 

اتجهت للباب تريد تطلع ورجعت وكالت هااا نسيت باجر  قرايب عمو يجون على الغدا فانريد تهتم بأمور الطبخ وو كلشي نريده بترتيب  هذا اقل شي ممكن تسوي النه باخر يوم الك ويانه

يلا عود لا تنسى  وخلت وطلعت حسيت بكسره شكبرها  حسستني بالمنيه واني خادم ذكرتني بشي ما اريد اذكره وااااخ يا مريم ربي يسعدج ويهنيج ويكتبلج كل خير كلت ما دام هي فرحانه اني افرح لفرحها وقسمتها مو وياي وحلفت بيومها ما اتزوج غيرها واسوي كلشي لخاطر  كل شي  شفته حلو من هالعائله رغم اشياء تصير تجرحني بس اتحمل واكول 
ميخالف اتحمل

صدك صار ساعه ب7 وخلصنه عشه واجت فرح مبدلة  صعدت بسيارة زوج امها واني السايق  انطلقت للمحل جابت البدلة وصعدت رجعتها جانت ام فرح تتنتظر بالباب بس العجيب ام فرح ما تطلع ابد من البيت  عبالي بيها شي نزلت سألتها كالت مابيه شي بس محتاجه فرح تساعدني بأمور العرس  كلت هسه شدخلني خلي ارتاح واصلي احسلي خليتها يم بتها ودخلت للملحق غسلت وتوضيت وصليت واكلت شوي فاكهة ورحت اقرأة قرأن للموتى كلهم  سديت القرأن واني اقبله واخلي على الميز وتمددت بالفراش واني افكر بلي صار وياي ما حسيت بنفسي الا اني نايم  كعدت الصبح فتحت عين شفتها الساعه 6 ذكرت اليوم العرس وكمت على السريع غسلت فرشت اسناني وصليت وسميت بسم الله  وبديت اشتغل هلاك بالله جيب ودي سوي هاي حط هاي هنا

صار الظهر  والطباخ تعب وكعد وطاح الصب كله عليه بديت اصب واودي اني ايدي خفيفه بالشغل ف بسرعه خلصت بس ايدي ورجلي بعد ما احس بيهم  خلصو غدا وهم طاحو المواعين براسي غسلتهم ورجعت كلشي مكانه 3 ساعات وخلصت من غسل المواعين وتنظيف الحديقه صارت الساعه 3 الظهر راحت امها واختها حتى يجيبوها من الصالون

بعد نص ساعه سمعتهم يصيحون الجهال جابوها جابو العروسة ونسمع الهلاهل  كلوووووووووش كلوووووش  جانت مثل الاميرة بفستانها حيل حلوة طالعه شحيت نظري واستغفرت ربي ورحت سبحت وبدلت على السريع حتى اكمل تنظيف

طلعت لكيت الجهال مزعبلين الحديقه لميتها بسرعه واجت الزفه وصارت هوسه ودبكات وموسيقى

دخل العريس حتى ياخذ العروس ياخذ اول فرحه شفتها او حب اعترف كلش انجرحت بوقتها بس ما بينت دعيتلها بالستر والسعادة بس تبقى حبي ومستعد للحظه هاي لو طلبت روحي انطيها الها بدونن تردد

طلع هو وياها وصعد بالسيارة وطلع وراهم السيارة كلها انترست وراحو  وبعدين ام فرح وبتها وخطيبها او نكول زوجها و زوج ام فرح  راحو بسيارة وامبين الفرح عليهم كالتلي ام فرح انظف البيت حتى باجر اسلمه لابو البيت صعدت لغرفه وكل مكان رتبت المطبخ حوالي 4 ساعات اني انظف  صار الليل واني يكول بنكلادش من الصبح اشتغل  اخر شي ارتب غرفة ام فرح واطلع فتحت باب الغرفه

ودخلت رتبت الفرشه وشلت الزعابيل جانو خالين ملابسهم بجنط حتى من يرجعون من العرس يطلعون ومريم من ثالث يوم تروح وياهم يعني تبقى بالعراق 3 ايام علمود قرايب العريس يتباركون الهم وبعدين يرحون ورى اهلها خارج البلد

جانت جنطه ام فرح الجبيرة عليها جنطه صغيرة بس مفتوحه جاي اعدلها وشفت الاوراق سحبتهم اي والله هم قريتهم هذول ملكيه بيت طابو زيت ليش خذتهم ام فرح ليش واني ادور البيت والدنيا ضاقت بيه انجرحت وانخانيت من البيت يلي شنو يكولون انفذ بدون ما اكول ليش لو لا 

بقيت ابجي جان انتبه بنهايه الورقه مكتوب اسم ابوي بقيت انحب لك بويه تعال شوف ابنك شصار بي بوي صرت يتيم ومحد رحمني بويه احس قلبي راح يوكف البنيه الاحبها اليوم نايمه بحضن واحد ثاني

وابنك مكسور بويه  ليش يوميه بمشكلة الى متى ابقى هجي مسحت دموعي وكمت امشي بطء كلشي بيه مات اخذت الاوراق ورجعت لبيت احزاني الملحق يلي شهد على كلشي حلو وعلى حزني على كل ضحكه وكل دمعه  كل ركن بي ذكرى لميت ملابسي وضميت الفراش

وغطيت الاثاث وردتت اطلع جان اشوف عمار العريس اجا يركض ومبين عليه الخوف ........

_____

النجمه حبايبي بداعت الحجي😂

يتبع في البارت القادم