قيود عربية

بارت 31

إِنَّ المَفَاتِنَ فَيْ عَيْنَيْكِ مُخْمَرَّةٌ
‏مِنْ نَظرَةٍ مِنكِ يَغْدُوْ المَرْءُ سَكرَانَا
‏عَيْنَاكِ مَنْظُوْمَةٌ تَحْوِيْ قَصَائِدَهَا
‏كَيْ تَبْعَثُ السِّحْرَ نَتْلُوْ مِنْهُ دِيوَانَا
‏قُلْ لِلقَوَافِيْ إِذَا مَالَتْ بِأَحْرُفِهَا
‏الشَّوْقُ بَحْرٌ وَفَيْ عَيْنَيْكِ مَرسَانَا

__

رؤى :  طلعت من غرفتي بعد ما نظفت كل البيت واني اتوجه للمطبخ حتى اسوي ريوك

شفت ام فرح ستوها كاعده صبحت عليهه

ام فرح" هلا والله  صباح النور بنيتي الله يفرحج ويوفقج بحق كلمن عنده جاه عندك يارب

رؤى"

بوستهه واني احس براحه بعد ما دعت الي شكد احساس حلو من تساعد  شخص محتاج مساعدة وبدون مقابل

اخذتهه لحمام وغسلت الها وخلصت كعدتهه على الكرسي مال الصلاة

وخليتهه اصلي ورحت اسوي ريوك لان اني هم ما متريكه ما اعرف اكل لوحدي

فتحت الثلاجه وطلعت بيضتين وجبن وزيتون وزيت الزيتون وزعتر

شغلت الطباخ وطلعت الطاوه غسلتهه وخلطت البيض وخليته بالطاوه وخليت عليه فلفل وشوي ملح

يحبون هيج ياكلو تقريبا حفظت شنو يحبون شنو يكرهون شنو عاداتهم

طلعت الجبن وخليته بصحن وخليت عليه زيت زيتون  وخليت زيتون بصحن وبعد ما كمل الجاي اخذت

الصينيه ودخلت لصاله

رؤى" يلا خاله وهذا احلى ريوك لاحلى ام فرح بالدنيا

ام فرح " يبعد عمري فدوة رحت لحلكج يلي ينكط عسل

رؤى" رتبت كلشي على ميز صغير  وخليته يمهه وخليت الصحون

ام فرح " الله شهل الاكل يلي يفتح النفس  خلي نتريك واخابر

عباس يطلعنه ضوجه وهم انتي خطيه اكيد من اجيتي لهنا ضجتي لا طبه لا طلعه ولا سالفه

كله بالبيت هذا  ومنها نعرف شصار بسالفه المديرة حتى اذا وافقت تروحين ويا مريم

تشترين ملابس وكل يلي تحتاجي

رؤى " لا خاله  لا دكولين هيج بالعكس مرتاحه اصلا لو ما انتو  جان حالي حال الظيم

واحتمال جان كتلوني  بس اذا انت حابه ما عندي مشكله براحتك

شنو تريدو اني موافقه

ابتسمت بوجهي  وكملت الريوك وغسلت المواعين وعطرت البيت

ورحت يم ام فرح على التلفزيون جنه انتابع مسلسل قديم بس يضحك 

كلش حبيته اسمه تحت موس الحلاق