قيود عربية

بارت 10

الراحه عكبك ضيم يل مثني عودك
واخ شملذ شلعان گلبي على مودك

.....

جاي اسوي زلاطه وكمت للمطبخ واسمعت صوت طكت المفتاح ركض وديت الزلاطه للمطبخ والسجين بيدي توجهت للباب وشفت الحجي فد هبط يممممه

الحجي : اسم الله بنيتي اني ابوج لا تخافين

رؤى : يمممه يا الحجي يكلي لا تخافين وهو ما يدري الا شوي حاطيني بالفتحه الرابعه بقلبي احجي بعدين جاوبته واني ابعد نظري عنه الله يساعدك حجي ان شاء الله ما اخاف وانت يمي

الحجي: عفيه ببنيتي الله شنو هاي الريحه الطيبه والله طلعتي شاطرة عين الله تحميج يلا لعد اروح اصلي ونذوك طبخج

رؤى"والله خجلتني عمو هذا اقل شي ممكن اقدمه الك تمام لعد اروح اجهز السفرة لبين ما تكمل صلاة اني مكملة كلشي اتوجهت للمطبخ وتركته يغير ملابسة ويغسل بعد ما خلصت صلاة تقريبا بعد نص ساعه صبيت الاكل وبدينه نأكل بس اشوف الحجي بوجهة حجي كل شوي ويباوع عليه ويتنهد ما اتحملت لازم اسأله كتله عمو بيك شي احس عندك حجي احجي وافرك بايدي شفته فرك وجهة وكال بوية والله ما اعرف شنو اكلج بس لازم تعرفين بس بعد الاكل

رؤى"من حجه هيج انعصر قلبي يمه بعد مالي حيل هبطات استحيت الح ويا كملنه اكل وغسلت مواعين بسرعة سويت جاي ورحت يم حجي عباس تلكاني بكلماته الحلوة وهو يبتسم حتى يهدي ملامح وجهي الخايفة من الجواب

الحجي" هلا ببنيتي هلا بالحلوة تعاي بوية منورة البيت عاشت ايدج بوية معدلة

رؤى" ابتسمت اله ورديت الف عافيه اي حجي ما كتلي شبيك ؟ كلتها واني احس كلبي راح يوكف من الانتظار

الحجي" بنتي من طلعت اليوم للشغل بالكراج الساعه 8 هجي شي شفت ولد اثنين يسألون على بنيه بعمر 17 سنه

رؤى" بعد ما مكمل حجيه واني متت بدمي بسرعة وكفت واني مرعوبا كتله عمو اجو راح يكتلوني

الحجي " اهدئي بنتي خلي افهم قصتج ومحلوله ان شاء الله مو كتلج لا تخافين واني يمج الشر قبل ما يجيج اوكف بوجهة ارتاحي بنيتي وهسه اريدج تسولفيلي كل قصتج

رؤى " كمت ارجف ودموعي تنزل عشرة عشرة انعاد كدامي شريط من راد يعتدي عليه ذاك النذل ومن شفت كسرت امي ودموعها انتبهت لحجي يكلي اهدئي كعدت بالكاع وكمت ابجي بالكاع وبديت اسولف كلشي بكلبي من طفولتي الى الساعه هاي واني ابجي بنحيب

الحجي " كوه فهمت الكلام بسبب بجيها كسرت خاطري بس يلي فهمته من كلامها عدها رقم يوصلها لمكان شي اكيد ناس امينين لان لو ما امها تعرفهم يحموها ما ودتها كتلها جيبيلي كلشي انطتج يا امج

رؤى" تعبت من البجي بقيت ساكته السكوت يلي يعبر عن وجعي وهمي طلب مني الحجي اجيبله كلشي امي انطتني ايا كمت واني بأمل انو يكدر يبعدني عن الظلام اهلي سحبت الجنطه من على الميز ورحت للصاله خليتهم بالكاع وكعدت كتله عمو هاي ورقه بيها رقم امي كالت يساعدوج صح راح يكرهوج بس اتحملي يبقى احسن مما يقتلوج وهاي الفلوس امي كالت تفيدج جانت بايعة ذهبها علمود تنطيهم لبوي يكمل بناء المحل مالته وبس ودنكت ابجي اشتاقيت لامي حجي ... قاطعني الحجي وهو بنبرة صوته الحيرة

الحجي " والله يا بوية ما ادري شكلج زين ما سألتي او تعرفين اهل هالرقم حتى اسأل وبلكي نحصل مكانهم شي وترتاحين وتصيرين بمكان امين بس حتى اذا اتصلت شكول هم ما راهمه بس اخاف يرحون يخبرون اهلج ويكضوج ويذبحوج اني مو قصدي اخوفج بس يا بنيتي لازم اخليج كدام الامر الواقع بأثناء ما الحجي يحجي اندك الباب قلبي صار بحضني اريد اكوم ما اكدر كال الحجي لا تخافين بنيتي اني طالع اشوف منو ابقي هنا

رؤى" شفتى فتح الباب ودخلت بنيه يمهه ماي بارد وانصب على قلبي الى متى ابقى بهذا الخوف من المجهول هم راح اعيش عيشه امينه بعد كل هالخوف والظلم شفته شال البنيه الجان بيدها صحن كيك ودخلها لصالة وكعدها بحضنه كالي كعدي بويه هاي ريحان وبقى يبوس كفوفها ويلعب وياها طلع الها الف وكلها يلا عمري روحي لماما لا تبقى ادور عليج وكوليلها يكول الحجي مشكورة
كلتلها عمو حجي شنو عرسيت ما عزميت امي وانا وابوي جا جيب الكيكه لا تأكل منها ليش ما عزمتنه على عرس عمو حجي

رؤى" رغم هبطتي والصار قبل شوي خلتني اضحك هالطفله عبالها اني عروسه هههههه حاجاها الحجي وفهمها اني خطار وهي باسته بخده وراحت تركض وتنورتها السودة البيها نقشات حمر تتمايل ويا الهوى جانت جميله ولطيفه كلش سد الباب الحجي وراها ورجع كعد على القنفه كتله عمو منو هاي البنيه كال بعدج تذكرين سالفه البارحه كتله اي كال هاي بت مريم بنت ام فرح البنيه يلي حبيتها هاي الطفلة المصبرتني على وحدتي تجي يمه العبها وتونسني بسوالفها

رؤى" انصدمت من عرفت هاي الطفله بنت البنيه الحبها بس شلون يم الحجي بيتهم مو كال سافرو .. بعد العرس مال مريم يسافرون ؟ اكول عمو كملي قصتك وشلون مريم يمك عايشه انت مو كلت راح يسافرون بعد زواجها من اخو زوج امها

الحجي " اااااه بعد ما نام الطفل يلي توفت امهة بالمستشفى .........

_______________

شلون تتوقعون راح يوصلون لصاحب الرقم حتى ينقظون رؤى من كل هالمشاكل خلي نشوف مدى حفظكم الاحداث ؟

وايضا توقعاتكم لقصه الحجي وشلون مريم يم بيت الحجي ؟

واعتذر عن الاخطاء الاملائية لان جاي اكتب وما اراجع لان اريد اخلص واروح ادرس 😥
يتبع في البارت القادم