قيود عربية

بارت6

اسمي عباس علي عشت حياة كلش مؤلمه ذكت كل انواااع الحرمان عشت بدون انو تعيش بين ام او اب  اهلي ماتو واني طفل بالاربعين  اخذني عمي يمه بس حتى يحول ورث ابوي باسمه عيشني عيشه محد  يتمنى يعيشها عدم شخصيتي ويكوم يكعد يضربني كتل اخواني كدام عيوني اطفال باعمار خمس سنوات ذبهم بالبالوعه جنت صغير من شفته عبالي هم يشمرني مثلهم سكتت وبقيت ابجي جو الدرج
رؤى : شفته سكت وعيونه دمعن
الحجي عباس: صرت عمر 10 سنوات واني اخاف من خيالي طلعه ما اطلع ويومية ينعاد عليه شريط قتل عمي لاخواني منذر واحمد وابجي بسكوت اخاف يكتلني جان ضابط باحد السجون بغداد جان يعذبني عبالك سجين ارهابي انوااع الالم جرعته منه معجزة طلعت منه حتى اذكر مرة ردتت اشرد بعمر12 اول مرة افكر بيها كلت اروح للكاظم هناك ارتاح ومناك واطلع للنجف لميت صور اهلي واخواني وملابسي وجنسيتي بكتها من القاصه مالت عمي وشفت ورقه عبالي مالت الورث كلت ما اخلي يتهني بي جان ابوي غني بشكل وعمي حالته على كدى حسب ما سولفت حبوبتي  كتله الطمع واني طلعت من سجن العم المجرم لحد الان اذكر يوم يلي تحررت بي اليوم يلي عشت بي اليوم يلي عرفت انو الشارع احسن من الجرم يلي جان معيشني ايا  طلعت لشارع اركض جانت باردة واني ما عندي ملابس دفي جنت لابس ملابس صيفيه ومشككه ابو التكسي وكفته وصعدت ويا وصلني للكاظم كعدت بجيت وشكيت اله همي وجان بجيبي خمسمية دينار ومحتار وين اولي اخاف يلزمني ويموتني واذا بقيت افتر بالشوارع وين انام شنو اكل جنت امشي بالامام توني كلت بجاهك يا مولاي ... بعدني ما مكمل جان دكلي بنية كلش حلوة يجي عمرها ب26 اكثر  كالت اختي اتخربطت خويه ما تساعدني اوديها للبيت بقيت ساكت انوب كلت خطيه يلا هي اليوم اني مخلصها بالشارع خلي اكسب اجر بيهم وشلت البنيه تجي بعمري امبين كلش مريضه وجها اصفر   وديتهم للبيت وخطيه الام جلبت بيه ادخل صدك دخلت وضيفوني وغسلت واشربت ماي وكالت المرة الجبيرة خاله وين بيتكم ليش طالع لوحدك بهجي وقت دمعت عيوني وخفت اكلها اني شارد من عمي ويندل مكاني كتلها يتيم اني وبالامام اكل من يلي ينطو الي كالت ياااا يومه سودة عليه يومه وليدي اني محتاجه حارس ومدام انت فقير وابن حلال انطيك راتب كل شهر وتحرس البيت وهم رجال وسند النه لان مثل متشوف بس نسوان هذن بناتي وابوهم مات قبل سنه ومحد عندي  كيفت كلش وشكرت منها جان اكو ملحق صغير بالحديقه شرحتلي شسوي وهاي وخطيه جابتلي ماي وفراش  وراحت مرت سنه لدخولي لبيتهم ويشهد الله ما شفت منهم اله كل خير ناس مثل طيبتهم مستحيل تشوف بس خطيه ما عدهم احد وبتهم عايشه على كليه وحدة ولازم زراعه وهم ما عدهم ذيح المكانيه  فباقيه البنيه تتعذب تكسر خاطري فيوم من الايام ريم كلش تخربطت شلتها وديتها لمستشفى كال فورا عمليا راح توكف كليتها شفت امها راح تموت بجي وخوف على بتها اخذت الدكتور على صفحه وكتله دكتور يصير انطيها وحدة من كلياتي  وصدك بعد تحااااليل هواي طلع اكو تطابق وبلشو بالعمليه وبسبب حالتها الصحيه طولت العمليه اني قريب ساعه ونص وطلعت بس ريم بقت 4 ساعات ونص طلعت وكال الدكتور لامها الحمدالله على سلامتها
مشت الايام وراحت تعلقت بريم صارت روحي بيها قررت امها تزوج وخلال فترة قصير ازوجت وتمت خطوبه فرح اخت ريم من ابن زوج امها وريم حاولت اطلبها بس استحي شيكولون كاعد بيتنه وعينه على عرضنه ويصرف عليها من فلوسنه  المهم قررت اليوم احاجي ام فرح ويحلها حلال وجنت فرحان واني اتخيلهم يوافقون بالليل قرابه الساعه 8 توهم خلصو عشه اني ما اكلت هم ياكلون وحدهم واني بالملحق  دخلت لحمام سبحت وعدلت واني ابتسم  دكيت الباب واني اشوف اخو زوج امهم  عدهم من العصر وجاي يسولف ويا مريم ومريم مندمجه ويا كتلها خاله ام فرح رايدج بموضوع واني عيني على فرح اشوفها شلون تضحك واشتعل نار  كتلها خاله اني رايد ريم على سنه الله ورسوله .....

يتبع