قيود عربية

بارت13

يتلاقى الاشخاص وتتقاطع طرقهم .. فيتأثرون ببعضهم .. وتبقى البصمات في قلوبهم ،
بسمة .. او نظرة ، او كلمة معينة ، او طريقة تفكير وتصرف .. هذا ما يبقى .. اشياء حين نتذكرها .. تتسلل الابتسامة الينا دون سيطرة منا .

واحيانًا .. لحظة ندم ، لحظة انكسار ، عبارةً جارحة ، او صرخةً تنكر كل ايام الود السابقة ، تجعلنا نتوقف لوهلة ونقول ، ما الذي جمعنا بهم ذات يوم بالضبط ؟

يعلمنا الله بمن نلتقي بهم ونتخذهم اصحابًا لنا .. احيانًا يرينا الشر في هذا العالم لنحذر ولنروض قلوبنا كي لا تثق بالجميع ، ثم يجعلنا نلتقي بخير خلقه فنعرف ان الخير لا يفنى ، وان حسن الظن ليس غباءً وانما طريقةً جيدة لنرى الخير في من حولنا .

____________

شفت عمار العريس اجا يركض وباين عليه الخوف سألته شبيك بس تعداني ومجاوبني دخل للبيت عصرني قلبي بس لا مريم صار الها شي رحت ورى بقى يدور على جناسيهم اخذهم وطلع بسرعه طلعت ورى تعبني قلقني وتعبني التفكير

شفته دخل بطريق المستشفى مريم شصاير الها ستوها طلعت منا ام فرح وبتها وين لعد نزلت اركض مثل المخبل وكفت يم المصعد ما انفتح صعدت درج وكل بايتين اعبرهم بعبره وصلت ورى عمار ولان اشوف مريم تبجي وتصيح اريد اهلي

بعد ما اجمع لعد اذا مريم مابيها شي شبي عمار رحت يمه عاط بيه سكتت عنه مو مال اسوي مشاكل اروح اسأل الممرضين احد هنا يفهمني شي لان هذول مراح افهم منهم شي رحت على ممرض شرحتله الوضع وكال قبل ساعه اجتنا اربع اشخاص متعرضين لحادث وجان كلش مأثر عليهم وهذا زوج بتهم وبتهم فرح علي ... ماتو والرجال زوج المرة الجبيرة متعرض لضربه بالرأس مسببة اله نزيف بالدماغ واحتمال يموت حالته ميؤوس منها
وكال المرة ما اعرف عنها شي لان من مساع الدكاترة يمها ما طلعو

ستوني كعدت وسمعت صوت صريخ مريم وعمار صياحه وصل لعندي رحت الهم سمعت الممرض كاله البقية بحياتكم ما كدرنه ننقذ حياة المريض لزم عمار الدكتور من السدريه وضربه ويكله اريد اخوي انتم كتلتو مجان بي شي

عاف الدكتور وراح يركض لاخو يمشي ويتعثر رحت يمه اسمعه يكله خوية اليوم اخوك عريس كوم كوم يلا لا تشاقة وياي هجي شقا يحرك قلبي خويه شو كوم خلي اصيح مريم انت مو تحب ام فرح كوم خويه اذا مو لخاطري لخاطرها ما كافي علي موت اياد

منو الي اريد اهلي ولكم اريد سندي ولكم ليش رحتو ما اخذتوني

طلعت ما تحملت ابقى اكثر الصدمه كلش جبيرة هووااي امور اريد اجوبه من ام مفرح تجاوبني عليهم موتهم يلي صار صاعقة علينه كسرت مريم بعرسها

بيعهم للبيت حالت ام فرح هي يلي تحلي كلشي طلع الدكتور من غرفة العمليات وكال سويت الها عمليه وسحبنه الحديد يلي مخترق جسمها ومكسر هوااي عظام بجسمها بس وضعها جدا خطر راح نخليها خلال اربع وعشرين ساعه تحت المراقبة ونشوف حالتهة والشفاء من الله ربي يصبركم على مصابكم وعظم الله اجركم

صافحني وعزاني واني مصدوم كعدت واني احاول استوعب يلي صار مساعه جانو يمي وهسه كلهم ماتو؟ شلون ويمتى وهوااي اشياء ما استوعبتهم

بعد مرور ساعه واني احاول استوعب الصار بس عيوني تتحول بين المارة كمت واتجهت لعمار عزيته وكومته غسلته ورحت شفت مريم يلي تخربطت

انكلبت المستشفى صياح ولطم اجو اهل عمار وعرفو بلي صار وحقهم شلت الجثث وبريتهم الذمه وديناهم لمغيسل غسلوهم وصلو عليهم وطلعو يدفنونهم اني رجعت للمستشفى صبح الصبح واحنه بعدنه على هالوكفه وذكرت ابو البيت طلعت ملابسهم وملابسي وكلشي يخصهم وديته لبيت حمود وفهمته الموضوع وكتله بس ارجع افهمك كلشي

هسه لازم اوكف وياهم محد بقالهم رجعت للمستشفى وكالو ام فرح كاعدة بس عدها صعوبه بالتنفس وحالته بعدها خطرة رددت اروح اشوف مريم وعمار بس استوقفني صوت الممرض وهو يكول المريضه طالبه تشوفك بس لا طول لان حالته ما تسمح

وهسه ام فرح كعدت وهي طالبه تشوفني بهاي اللحظه نسيت كل يلي ردتت اكوله تقدمت خطوات ترددت ومصاحبة خطوات مصير حسيت بعد ما اطلع من هاي الغرفه وهواي تسأولات راح الكه حل الهم

خليت ايدي على مقبض الباب وايدي تعبر عن ارتباكي بحركتها المرتجفه فتحت عيوني على وسعهم واني اشوف شكل المرأة يلي دخلتني بيتها يلي شما جرحتني تبقى افضالها مغركتني

تقدمت عليها واني اشوفها تباوع عليه وعيونها مدمعه جان جهاز التنفس يمنعها تحجي وراسها ملفلف ورجليها وايديها وكتفها جان شكلها كلش مرعب الله لا يخليكم بهجي موقف ولا تشوفو

تقدمت يمها وكلت بصوت يتخلل حروفه الارتباك الحمدالله على السلامه

كعدت على الكرسي القريب عليها وكملت كلامي كالو تردين تشوفيني

شالت الجهاز وكالت سامحني عباس هاي حوبتك ظلمت يتيم وهذا عقابي بكت حلالك وما فكرت بشاب يتيم ما عنده احد

رجعت الجهاز وشوي وشالته تكمل اول ما استقبلتك بيتي بعد شهر اجا رجال للبيت طلعت سلم ورديت السلام وجان عمك يدور عليك علمود ورق ورث بوقتها كتلها طلع واذا تريد ادخل فتش كتله هالشكل بس حتى يصدك مو يمي انت

ما خليتك تخالط احد اخاف واحد ياخذ الورق ويضحك عليه ما كدرت اخذهم اتعوذت الشيطان اكثر من مرة

وبعد خطوبه مريم فتح وياي زوجي موضوع انو نعيش خارج البلد ... سكتت وشوي وكملت

كال نحتاج بيت لمريم وهذا نبيعه ونشتري بالخارج
اول مرة رفضت بس بعدين اقتنعت رحت دورت عليهم

ولكيتهم بملابسك وانصدمت من ملكك بيتين مو بيت واحد طمعت بيهم اي وقررت اخذهم وياي واستفاد

وهاي اني وكل عائلتي بالمستشفى كتلك لان اريد ارتاح اذا اموت هلا بالموت المهم بريت ذمتي

اكتفيت لسكوت وطلعت من الغرفه ....

__________

حبايبي ليش ماكو تفاعل اني جاي اكتب ونعسانه وتعبانه الله شاهد من الادوام

واكول خطيه وعدتهم

النجمعة

النجمعة

يتبع