قيود عربية

بارت18

عتاب قيس بن الملوح لقلبه :

‏أليس وعدتني يا قلب انيّ
‏إذا ما تبتُ عن ليلى تتوبُ
‏فها أنا تائبٌ عن حبِ ليلى
‏فما لك كلما ذُكِرّت تذوبُ!

_______

عباس بعد ما طلعت من البيت وامنت على ام فرح اطلعت اركض واني حاير التفت شسوي توترت عباااااس يلا اتحرك

كمت اصرخ على نفسي حتى كمت اركض لشارع مثل المخبل سودني هالحب

اي اي بجيت ليش كل ما اشوفها بخير ترجع تحزن لييييش اتوجهت  لشارع لمكان يلي راح يوديني الها

بعد ما اعرف شتصرف طاريها يخربط احوالي ربي ليش بليتني بحبها والله ما عاصيك لا بنظرة ولا بشي حرااام

اجرت تكسي واني بالي وكلبي يمها طلعني من صفنتي وتوتري السايق وهو يسألني

اكلك خويه شبيك حالتك مو طبيعيه ابتسم ودار وجهة لسيارة كال من شفت نعالك التك وتك وقميصك المخربط وشي نازل وشي صاعد

كلت مخبل هذا ما شفت روحك من طلعت من  البيت والتفت الي مبتسم بس كال دا اشوف خوف بعيونك

فأكيد عندك شي خلاك تطلع هالشكل

عباس" انتبهت النفسي من هو يسولف وياي اني متت بدمي شسويتي بيه يبت قلبي ما ضل عقل بعد جنت من اسمع يكولون اكو ناس تسودنت من الحب

اكول ماكو هيج شي يمكن عنده حاله نفسيه واقنع عقلي بس بعد ما شربت من نفس الكاس شوفني ربي الحب الحقيقي

وذكت لوعته هو حلو من تشوف محبوبك ومر ويقتل مثل السم من يغيب  اتأكدت انو اني مو بس احبها مغرم بشي اسمه مريم

راح تضمني بقائمه المجانين ربي طلبتك احميها اخذ من عمري وانطيها

عفت الرجال مجاوبته او بالاخص بيا عين اجاوبه من وصلنه قريب العمارة 

كتله اخوي اوكف اوكف بسرعه احس روحي مفرفحه
شكد ما اشرح الحاله يلي وصلت الها قليل

اسحبت عشرة بدون ما اسأله شكد يطلب دفع ايدي بهدوء وكال روح خويه روح الله يريح كلبك

وخله وطلع التفت للعمارة العمارة البيها دوائي ودائي رحت امشي بخطوات بطيئه رجليه احسهم كوه يعينوني

اردد اجيتج يبعد الروح لا تبجين دموعج تسودني نار على قلبي

وصلت لدرج اليفصلني بيني وبينها كمت اركض بس حتى اطمن عليها وتجيني افكار انو منتحرة او قاتليها اموت وراها

وصلت لباب كمت اجر برجليه جر دكيت الباب مرة مرتين وحجيت بصوت مليان خوف وتوتر مرريم مرريم اتجمعت عيوني واني اتخيلها مكتوله

لا يا ربي لااااااااااا مريم اني عباس فتحي الباب مريم انجنيت وكمت اصرخ بدون وعي واتخبلت من ما فتحت الباب

كسرت الباب واجت عيني على الكارتون كعدت بالكاع لااااا لاااا  كمت ادك على راسي مريم ليش احجي بصوت مبحوح جسمي كله يرجف

فتحت الكارتون وانصدم بعمار غمضت عيوني بقوة منظر يصعب على الكافر لا اله الا الله حسبي الله ونعم الوكيل

لعد مريم وين ؟ كلت الها تقفل الباب وفعلا لكيته مقفول  لعد ويننها مررررررريم كمت ادور بالمكان لحد ما رحت للغرفه وشفتها واكعه بالكاع ركضت الها صحت مريم مريم جاوبيني ماكو جواب لازم اخذها للمستشفى ما اتحمل تروح عني غطيتها

لان جان ملبسها قصير شحيت نظري عنها ورحت ادور شي طويل الها لبستها بدون ما اباوع

خابرت على حمود بسرعه وبعد مدة ربع ساعه من دوامه الاعصاب بسبب حمود مجان يرد

تلفت اعصابي منا عمار المنظره يعطع الكلب ومنا مريم المعرف شبيها بس المطمني اكو نفس

اتصل بيه وكتله تجيني لكذا مكان وبعد نص ساعه اجاني بسيارة تكسي جان هو يسوقها

شلتها وكتله يتصل بالشرطه اخذناها ورحنه للمستشفى جان يمشي ويحاول يوصل بسرعه بس بسبب الازدحامات

جاي نتأخر تعبت الى درجه تفوق التعبير يأست حطيت راسي على مقدمه السيارة وبديت ابجي واكول لعباس عباس راح تروح مني امشي بسرعه

حامل عباس ما تتحمل احس قلبي ناااار كمت اضرب واني اشوف الازدحام بده يزيد

يا حظك يا عبااااس ربي طلبتك الدنيا راح تصير ليل وهي ما واصله للمستشفى اموت لو صار بيها شي

ربي طلبتك لا تردني  خلى حمود ايده على كتفي ويهدأ بيه واحسه متفاجئ من حالتي

وصلنه للمستشفى ونزل حمود قبلي واني نزلت بسرعه شلتها واتأكدت منها مستورة وحطيتها على السيده بعد ما جابها حمود من نزل

اخذوها يمشون بسرعه واني امشي وياهم وعيني ما انشالت عنهم بدي اشيلها واوصلها لدكتور بثانيه

دخلوها لغرفه الطوارئ واجا الدكتور وبعد نصف ساعه طلع الدكتور وهو وجهة ما يطمن

التفت لحمود حتى احاول اكذب الفكرة يلي بعقلي ......

يتبع

_______

هلو يا حلوين شلونكم شخباركم

اعطوني رأيكم بالبارت ولا تنسون النجمه ويلي ما حافظها بالمكتبه يحفظها حتى توصله الاشعارات