قيود عربية

بارت 7

عباس : دخلت  للبيت وشفت مريم  مندمجه ويا اخو زوج امها  كتلتني الغيرة  اجتني ام فرح كالت ها عباس خاله محتاج شي  جاوبتها اي خاله رايدج بموضوع مهم واتمنى ما ترديني   دخلنا للصالة وكالت اي ابني تفضل شنو محتاج  كتلها اريد اطلب بنتج على سنة الله ورسولة شفت وجهة بهت بس بقت ساكته واني التزمت السكوت منتظر جوابها يلي مجنت متوقعة ولا خليت عقلي يتخيلة بيوم  جاوبت وهي دكول وعيونه تبين توترها  ما اكدر انطيك بنتي شلون اقبلها احنه ننطيك فلوس عيشة بنتي الناس شدكول  ولا تنسى زوجي بوظيفه عاليه فلازم يكون زوجها بوظيفة نفتخر بيها واني اشكرك لولاك ما جانت عايشة بنتي بس ما اكدر انطيها وخصوصة بعد ما اقتنعت وحبت اخو زوجي وهسه اروح اتعشى وبلا امر عليك تروح تجيب ملابس فرح من صديقتها جنى بنت ابو حسن يلي بداية الفرع كللها فرح ودتني وهي تفتهم  وخلتني وراحت كمت ولملمت اخر ذراة من كرامتي الى متى ابقى انظلم الى متى ابقى نكرة ليش يا ربي ليش كل هذا يصير وياي ويا ما وصلت للباب الصاله شفت مريم وحبيبهل يلي هو اخو زوج امها هنا انهارت قواي اطلقت دموعي مجرى وجعها تعبر عن اول حرمان عشته عن اول حب عن بداية حلم ميت اي اني حرام احلم اني لعنه هي راح تعيش بكليتين وتصير ام واني بكليى وحدة وافقد الشعور هذا  طلعت بسرعة من البيت كمت افتر بالشارع احس نار بصدري راح اموت ابجي وامشي اي اني زلمه ابجي على وجع عشته ويا عمي انحرمت من اهلي شفت قتل اخواني اشتغلت بوقت لازم ادرس انحرمت من حقوقي ك انسان واخر شي من حبي وكوني انسان عراقي الي حقوق كافي ظلم يا ناس كافي راح يطك كلبي كعدت بالشارع العام وابجي  صرت بكل صوتي ياااااااا ررررب برد قلبي  كمت مسحت ادموعي ورحت لبيت عمي كلت خلي يكتلني اموت احسلي رحت بسرعه بسيارة اجرتها وصلني وانطيته اجرته واشكرت منه جان انصدم بالبيت كله اسود عبالك محترك فتحت الباب شفت نفس المكان يلي عمي ذب اخواني والله هنا ماتو اخواني  يااا ناس ماتو اهلي اني يتيم ما عندي احد رحت ادخلت للبيت كله اسود عرفته محترك  رحت لكل مكان بي هنا انضربت هنا بجيت هنا جنت اكل هنا جنت البد من عمي اخاف منه حتى اذكر مرة كعدت من النوم على صوته وبدأ يكتلني واني ما مسوي شي لحد مسويتها على نفسي  وكل يلي جان بلساني عمو ولا يوم غلطت ولا حقدت عليه  ثاني يوم من ضربني جان مرتفع ضغطها رحت سويتله عصير ليمون وعصرته شسوي للقلبي ما اعرف ازعل ولا احقد هذا طبعي  رحت لباب الخارجي وكمت انحب مثل النسوان جنت فاقد كلش راحو هلي يا ناس راحو عزوتي لا خيمة ضلت لا  سند باقي ولا بزر  المن عايش اني ليش بس اني اتحمل هجي شي صارت وقت متأخر شفت جيران بيت عمي رحتله كتله عمي وينهم الله عليك شبي البيت  شفته مسح على راسي اااااخ يا هالمسحه تشكك كلبي دمرني  كالي وصوته مبحوح من العبرة   قبل اسبوع صار تماس وكلهم ماتو عمك وعائلته وللاسف من اجت الطفائية صارو رماد كلشي ما بقى منهم سوينه الهم قبر بدون جسد البقيه بحياتك وليدي شد حيلك الدنيا هاي ما تريد الضعيف  ربنا يكول عسى ان تكرهوا شيء وهو خير لكم وليدي كلشي بي خير سواء كان شر او خير  خلي ثقتك بالله قويه ادعيلهم بالرحمه ادري تعذبت  بس الله ورسوله يوصينه برحمه من في الارض حتى الله يرحمنه خليك نقي  وقوي روح وليدي وهاي 25  تفيدك  واي شي تحتاجه بخدمتك اني  اتشكرت منه واصر عليه اخذ الفلوس ورحت لبيت ومعرف ابجي عليمن اهلي يلي اتمنى اشوفهم حتى لو حلم لو اخواني يلي انحرمت منهم لو عمي  لو حبي لو دراستي وطفولتي يلي ما عشت حالي حال اي طفل حال اي شاب  الحمد الله على كل حال رحت توضيت وجبت القران وبقيت اصلي الهم واقرأ قران لعمي واهلي وكل الموتى طلبت من الله يريح قلبي  وصارت الساعه ب7 الصبح واني عيني ما شافت النوم اول ما طلعت شفت فرح مغندبة  عبرتها كلت هسه بس اكلها شبيج تصير سالفه اسكت احسلي نضفت الحديقه وهي راحت لدوامها وشفت مريم طلعت غمضت عيوني ويا ما فتحت عيني شفت عمار حاضنها  اااااه عباس استغفر ربك مو قسمتك انت التصلي التخاف اللله الدنيا ادور علينه لا تفكر بعرض الناس حتى محد يفكر بعرضك تعوذت الشيطان وكملت شغلي ورحت بالملحق اباوع تلفزيون جنت اشوف مسلسل تحت موس حلاق  كلش احبه وينسيني همي  ههههههه يمكن هو المصبرني  بعد اسبوع طلبت مني ام فرح اجيبلهم كيكه ام 3 طوابق كالت علمود خطوبه مريومة الله ينطيك البنيه من مقامك يا خاله تعرف بعد هي قسمة وها فدوة يلي يسألك كلهم اني من الشركه اجروني حتى اساعدهم بالخطوبه   بوقتها عرفت من صدك مو قسمتي رحت اجيب الكيكه واني مبتسم بس دموعي تجري والله فرحت الها لان هم يحبون بعض وهي رايدته بس ما ادري ليش بجيت جبت الاشياء يلي طلبوها مني ورتبت الحديقه واستقبلت الضيوف وصار نسوان وجهال وصوت ركص واصل لوين  رحت بلملحق وخليت القرأن على كلبي ربي اني لوما فرح ما تعلمت اقرأ اسمي ولما هاي العائله ما عشت هيج عيشه ربي انت اعلم بحالي ربي يخفف الالم عن كلبي ما اريد اغضبك ربي ارشدني نمت وشفت بالحلم مرة كلش حلوة اجتني وكالت يا وجه الخير كبران حبيبي شلونك اني امك بس بالحلم ما جان وجها مبين  رحت الها شبكتها بالكوة احس جسمي كوة يتحرك واحس بكلبي يحترك واسمع صوت الحرك واصيح وابجي يمه قلبي قلبي جاي يحترك ولج يمه قلبي يمه ربي يسمع منج كليله يساعدني يمه عفيه  مسحت على صدري وراحت بس بعدني اسمع صوت الحريق بس اني شافيت من الالم  فزيت من الحلم مرعوب يا رب اجعله خير طلعت اتمشى بالشارع شفت ولد يجدي صغير كسر خاطري  جان بجيبي خمسه الف كتله تعال حبيبي شسمك اسمي علي عمو انطيني ربع اريد اكل صار يومين امي جوعانه الناس تنطيني ربع اشتري بي بسكت ومن اوصل اني مخلصه لان ابقى كاعد يمها وما اطلع لان مريضه بيها مرض حلاوة مدري شسمه وللله يا عمو ادعيلك طول عمري بالراحه  طفل بريء كل يلي بكلبه على لسانه يريد يعيش يا اهل الرحم اطفالنه صارت بشارع داخل العوائل الطفل يتعنف وين اهل الرحمه الله يطلب منه انو نرحم من بالارض حتى يرحمنه يدفع البلاء عنه بوسته وانطيته خمسه الف ورحت لابو الفات اعرفه خوش ولد كتله حمود انطيني اربع لفات وكثرلي بيهم كلشي صدك سواهم وكتله مو تاكلهم وحدك خلي لامك وياك ودير بالك لا احد ياخذهم منك صدك خله وراح وكتله حمود اني حجيبلك افلوس الفات واجيك ومشكور حبيبي ويا مجاي اسولف ويا شفت الولد يمي كال اكلك عمو ما عندك بجامة قمصله باردة الدنيا ويومية اروح بهاي ملابسي والدنيا باردة الصبح  صدك قهرني نزعت سترتي وانطيتها الها وكتله باجر تانيني هنا نفس هذا الوقت   ضحكت على تصرفات هالطفل يطلب بعفوية وجان عمرة بعمر الخمس سنوات طفل بعده بدايه الحياة بعده ما شاف شي رجعت للبيت واتريكت وديت للفلوس لحمود وسويت كل شغلي  وصار وقت الغدا اجت ام فرح كالت خاله عباس اجيتك بطلب واتمنى تتفهمني .....

يتبع