قيود عربية

بارت 28

‏وبي في الليلِ أشواقٌ توالَتْ
‏فاكتمُ بعضها والبعضُ ظاهرْ

‏وأسهرُ معْ نجومِ الليلِ أحكي
‏له حباً لكم  في  القلبِ غائر

‏فليت النجم لا تُخفيهِ شمسٌ
‏ولـيت الليــل لا  يـأتيـه آخـرْ

_____

عباس " عمي من رخصتك  بس البنيه اني  احم متقدم الها وبعد فترة

نسوي العقد نعتذر منكم وجيتكم على راسي

حجيتهه واني اصب عرك وكلشي بيه رجف مجرد ما اتخيلت تزوج غيري

اعرف بعد يلي دار بينه قبل فترة وعرفت رفضها لزواجها مني بس راح

ابقى اتمسك بيها لاخر يوم بعمري دام عرفت تحبني
واني احبها

بالطيب راح تجي بيتي وتصير شمعه عباس الجان يحلم بيها طول عمره

اعتذر الرجال مني وكال انو ما يدري بالموضوع

شوي وترخصو وحمود بس فاتح عيونه لان جذبت
هاا عباس ..

عباس "
هو اني لا متقدم ولا شي

مجرد قبل فترة حاجيتهه وكتلها مريم تزوجيني

كالت  بقت تبجي وكعدت بالكاع تنحب كالت والله مو بيدي

اني نحس منو اتقرب اله اذي اولهم ابوي عمو وعائلته اختي

زوجي امي يلي شبه ميته واخيرااا انت عباس ما اريد اجرحك

ما اريد اشوفك متأذي اموت والله اموت بعد ما عندي طاقه

اي احبك واكتشفت هالشي قبل فترة  ما ادري ليش وشلون

بس يلي اعرفه انو انت تستاهل بنيه احسن مني

عباس " كلش كلش ما متوقع مريم تحبني نزلت لمستواها وتنزل دموعي شوفتها

ضعفي كدامها شوفتها حب السنين  يلي ما حجيته الها

جنت ما اريد احبهه وتحبني ردتت اجمل هالحب  ابنو اتزوجها بشرع الله

بس وتسير رياح حبي بما كتب الله ولا اعتراض على امرأ

كتلها شنو جنتي متوقعه من واحد ما يشوف غيرج

واحد يموت الف موته من يسمع اسمج شنو عبالج بعد هالكلام اعوفج

لا وحق ربج ابقى احبج وابقى متمسك بيج طول عمري

اذا اليوم رفضتي بمرة الثانيه انتي بيتي انتي الحظ السعيد الي

وانت الحياة بنسبه الي 

كبرت والشيب ترس شعري والقهر مله قلبي وبان على وجهي

لوين تردين نوصل كافي خلي نرتاح بالباقي من عمرنه

مريم "عباس فدوة افهمني اني تعبت من نفسي