Girlfriends 8: Game Over

Chapter Twelve

Hindi maganda ang pakiramdam ni Bree nang magising siya kinahapunan matapos nilang makauwi. Hindi niya alam kung dahil ba nalamigan siya o nasobrahan sa pagkababad sa tubig. O kung baka sa kaartehan niya at pang-ja-judge kay Levi kaya kinakarma siya ngayon. 

Either way, she just wanted to stay on her bed. Napapikit siya para lamang mapadilat ulit nang may kumatok sa pinto ng kwarto. Funny that she even knew who was behind that door kahit hindi niya nakikita. 

"What?" she asked lazily. 

"Meryenda na? Tara, kain," masigla ang boses ni Levi sa labas. Hindi niya alam kung masaya ba ito sa meryenda o ano. 

"Kumain na kayo. I'll just sleep," aniya bago nagtalukbong ng kumot. Hindi sumagot si Levi pero narinig ulit niya ang pagkatok. "What?"

"Bakit hindi ka kakain?" 

Ang kulit din naman talaga ng isang ito. 

"I'm not feeling well, Levi. Gusto ko lang matulog."

Sa ayos niyang iyon ay bigla na lang bumukas ang pinto nang walang paalam. Hindi inalis ni Bree ang pagkakatalukbong sa kanya ng kumot habang naririnig ang mga yabag ni Levi papalapit. Great, she probably looked like a mess right now! 

"Masama ang pakiramdam mo? Bakit?" bakas sa boses ni Levi ang pag-aalala. Naramdaman niya ang paglundo ng gilid ng kama sa pag-upo nito. 

"Do you really have to ask?" 

Umangat ang kilay ni Bree nang marinig ang mahinang pagtawa ni Levi. Ibinaba niya hanggang sa ilong ang kumot at inirapan ito. 

"What's so funny?" she immediately hesitated, though. Parang lalo yatang sumasama ang pakiramdam niya dahil sa lakas ng tibok ng dibdib nang matanawan ito. 

"Are you on your period or something?" aliw na tanong nito. 

Nag-init ang pisngi niya. "What?" 

"Ang sungit mo. Nagtatanong lang ako kung bakit masama ang pakiramdam mo."

"Go away," napaikot niya ang mata bago muling nagtalukbong ng kumot. Tuwing nakikita niya ang mga mata ni Levi ay bumabalik kay Bree ang mga paglalandi niya sa beach. Is this love sick or something? God, how ridiculous!

"Masama siguro pakiramdam mo dahil nagselos ka no'n. Ikaw kasi, eh. Sabi ng wala naman dapat pagdudahan. Sa'yong-sa'yo na kaya ako. Ipa-tattoo ko pa ang pangalan mo sa ano ko, eh..."

"God, Levi. Shut up! Ang dirty, ha?" she hissed. Kulang na lang ay tadyakan niya ito sa sobrang hiya sa narinig. 

Humalakhak si Levi. "What were you thinking? Sa braso ko. Sa likod ko, sa dibdib. Bakit ka nagagalit?" 

"Umalis ka na nga!" pagtataboy niya rito bago tumagilid ng higa. She felt him moved closer.