واكفة كدام المراية و سارحة بخيالي رجعت لأيام طفولتي لبيتنة القديم و حديقته المليانة زرع و ورد
لماما و بابا كاعدين بزاوية الحديقة يشربون جاي و يضحكون علينة اني و أخوية حمودي
لازمة الطوبة و اركض و هو يركض وراية يريد يخاذهة
و صوت الضحكه و الفرحة مالي المكان
هي ايام قليلة جنت فرحانة بيهة و مرتاحة وية عائلي قبل ميجي ذاك اليوم المشؤوم الي دمر كلشي اخذ مني امي و ابوية و فرقني عن أخوية حول حياتي لجحيم..
فزيت من أحلامي على صوت مرت خالي
سعاد.. يلة عيني مسعدة لشوكت نضل ننتظر... نايمة للظهر الخانم... يلة كومي نضفي و سوي غدة... لو هي بس نوم و مرعة و قلة صنعة....
اووو يومية نفس الرزايل ادري متمل و ماكو تحديث لازم نسويلهة ابديت للسانهة
لميت شعري و طلعت
جنة... صباح الخير خالة
سعاد... امشي صبيلي جاي و روحي لشغلج يلة
جنة... صار خالة هسة رايحة
عابت لشكلج حتة صباح نور معرفتي تكوليهة نززول
طلعت وراية هبه بنت خالي
هبه... صباحوو
سعاد... هلة يمة ياهلا بهالصباح شو كعادة من وكت حبيبتي
هسة صارت من و كت مو قبل شوية تكلي نايمة للظهر والله يا الله
يلة شسويلهة تعودت على اسلوبهة
جبتلهة الجاي و دا اطلع جان توكفني هبه
هبه... اوكفي جنة اليوم تطلع النتايج تعالي نشوفهة بعدين روحي شتغلي
سعاد.. شتسوي بيهة يمة اكيد مصخمة وجههة هي هاي هم شكول دراسة
كلش انهضمت هسة لو اهلي موجودين مو جان كعدو يشوفون النتيجة وياية و متحمسين لمستقبل بنتهم
كوة لزمت الدمعة كلتلهة انتي شوفيهة عود من تطلع كوليلي
سعاد... دروحي شوفي شغلج يلة اليوم خالج يرجع من وكت اريد الغدة جاهز قبل مايجي... هاا و جهزي اكل يبيض الوجه اليوم خلودي يرجع
يووو رح يرجع هذا الحقنة مو جنت مرتاحة منة ديدرس بغير محافظة شرجعه
عفتهم و رحت للمطبخ حطيت الاكل على النار و رحت نضفت البيت و كل شوية افوت من يمهم اريد اعرف نتيجتي كلش متوترة
بس كلش هدوء شكلهة بعدهة منازلة
كملت كلشي و رحت كعدت يمهم شوية و اجة خالي سلم و اجة كعد يمي
حسن... شلونج بوية
جنة... بخير الحمد لله
حسن... دومج ان شاء الله.... ها هباوي طلعت النتيجه لو بعد
هبه... لا والله بابا بعدهة
حسن... خير ان شاءالله... يلة ان شاء الله نفرح بيج انتي و جنة بالمعدل الزين الي يرفع الراس
فدوة الكلبة خالي اصلا بس هو مصبرني على هالعيشة كلش حباب وياية يعاملني حالي حال بنتة بس مرتة اوووف منهة عقدة ولا تنجرع بس شنو كدامة تصير ملاااك
و هبه تجيهة حالات ساعة تصير حبابة و ساعة تكوم تخبث
اما خالد اوووف منة ماخذ دور سي السيد يتأمر و يصيح و اذا ضاج من شغلة رأساً ايدة و الضرب ماعندة تفاهم مرة ضربني بالحزام خلة جسمي يون لان غسلت هدومى و ناسية فلوسة بالبنطلون فتبللن و من كبرت صارت نضراتة مقرفة هو صح ممسوي شي بس نضراته كلش مقرفة فكمت احاول ما اتواجد بنفس المكان اني ويا
أنت تقرأ
جنة الشيخ عمر 💕
Romanceتجيني اوقات اكول ليش اني هنا شنو عايشة بالحياة بس حتة اتعذب من كثر الهم نفقد الأمل بس حاشا ربي ينسة عبدة سبحانه الي كال ان بعد العسر يسرا مهما طال التعب لابد يجي اليوم الي نرتاح بي قصة عراقية لبنية تعذبت من طفولتهة و عانت هواية ياترى رح يجي الي اليو...
