صارلي أكثر من ساعة على كعدتي اريد الدموع تخلص ماكو كلبي مشتعل... شمعنة اني حياتي هيج... ماكو فرحة تكمل.. عايشة عمري كلة بالتعب شوكت ارتاح
انفتحت الباب رفعت راسي شفتة واكف و نضراتة كلهة تعب و حزن.. هدومة مبهذلة القميص مفتوح للنص...
كمت وكفت و هو سد الباب و تقدم صار كبالي.. حجيت بهمس
جنة... عمر..
قاطعني قبل ماكول شي جرني لحضنة دفن راسي بصدرة.. ايد محاوط خصري و الايد الثانية يمسد على شعري...كمت اشهك بحضنة.. حسيت بأمان و حب و حنية بحضنة من زمان محاسة بهيج احساس
عمر.... اشششش.. كافي دموع متعبتي
جنة... تعبت... والله تعبت.. شوكت ارتاح
عمر... كافي هدي نفسج...تعالي غسلي وجهج
سحبني للحمام باوعت بالمراية صايرة باندا الكحل سايح وية الدموع و عيوني مورمة.. غسللي وجهي بايدة و طلعنة كعدني على السرير
عمر... يلة بدلي هدومج و نامي لتضلين تفكرين
مشة ديطلع
جنة... عمر... اني مو مثل ميكول... والله..
عمر... كافي كلت لتضلين تفكرين بكلامة... واحد عار ماعندة اخلاق اني اعرف شلون اربي.. معليج انتي
جنة... بس..
عمر... بلة بس يلة نامي
عافني و طلع ادري بي ديفكر بكلامة و يجوز شاك بية هم بس ميبين.. اففف يربي شوكت اخلص
من التعب نمت مكعدت للصبح على صوت نور
نور... ولج كومي.. نامت عليج طابوكة.. ولج شلون تعوفيني وتروحين.. اوصل للفندق ماكو احد وياية لا امي ولا اختي وين رحتو
جنة...اسفة والله اسفة.. مو بيدي
نور... شبيج ولج لتخوفيني.. ليش هيج عيونج مورمة.. باجية
جنة... مابية شي.. معليج بية انتي كليلي شنو الاخبار
نور... سكتي و خليهة... ضلينة نلعب شرطي وحرامي طول الليل منين ميجيني انهزم
جنة... ههه وبعدين
نور... القة القبض علية مكدرت أفلت
جنة... ههههه احسن تستاهلين
نور...اضحكي خية خل اشوفج بليلة عرسج... عود هم اجي بالصباحية اضحك عليج
جنة.. دوخري خل اكوم ابدل و انزل اشوف أخوية حبيبي
نور... لتكوين حبيبي اغاااار
جنة... هههه مخبلة انتي والله
نور... ادري ادري
نزلت واني غسلت وجهي و بدلت و نزلت... كاعدين كلهم بالصالة صبحت عليهم و باركت لأحمد و رحت حضرت الريوك وية عمتي و كعدنة نتريك سوة... و كعدنة نسولف لحد الظهر تغدينة و احمد و نور راحو لبيتهم و اني صعدت اقرة لا رح تجي الامتحانات بعد يومين
التهيت بالقراية بعد مشفت عمر هاليومين و حتة بأيام الامتحانات هم منحجي بس يوصلني و يرجعني و يسأل شلونج بالامتحان... رجعت علاقتنة جامدة... مادري يمكن تراجع ميريد يتزوجني بعد.. يمكن مل من المشاكل
خلصت الامتحانات على هالحال اليوم اخر امتحان.. بالطريق دنرجع للبيبت و صافنة بأفكاري فززني صوتة
عمر.. صاير شي
جنة.. هاا
عمر... شبيج ضايجة... صاير شي.. لو ممجاوبة بالامتحان
جنة... لا ماكو شي
عمر.. اكيد
هزيت راسي
عمر... مدام اليوم خلصتي امتحانات شتكولين اعزمج على غدة
جنة...مادري.. بكيفك
عمر... ماشي
أنت تقرأ
جنة الشيخ عمر 💕
Romanceتجيني اوقات اكول ليش اني هنا شنو عايشة بالحياة بس حتة اتعذب من كثر الهم نفقد الأمل بس حاشا ربي ينسة عبدة سبحانه الي كال ان بعد العسر يسرا مهما طال التعب لابد يجي اليوم الي نرتاح بي قصة عراقية لبنية تعذبت من طفولتهة و عانت هواية ياترى رح يجي الي اليو...
