اليوم كله حماس البيت كلة مخبوص يحضر لباجر خطوبة احمد و نور
كعدتني نور من الصبح
نور... كومي كومي عدنة كومة شغل لازم نشتري ملابس و نرتب الصالة و نجهز نفسنة... يلللللة كومي
جنة... كمت كمت.. اعصابج يمعودة نلحك لتخافين
نور... دكومي لعد اني نازلة اسوي ريوك بين متنزلين
عافتني و نزلت تركض و الله هالبنية مخبلة مو صاحية
كمت غسلت وجهي و اخذت الحجاب لبستة و طلعت بس فتحت الباب لكيت عمر بوجهي هستوة طالع من غرفتة
عمر... صباح الخير
جنة... صباح النور
مشة كدامي و اني نزلت وراه راح كعد بالصالة و اني رحت للمطبخ اشوف نور
نور.... اي همزين جيتي يلة صبي الجاي بين ما اكمل حتة منتأخر
جنة.. منتأخر لتخافين... شبيج متوترة هي خطوبة ترة مو عرس
نور... يمة لتذكريني بالعرس يجوز اهج و اعوفكم
جنة.. ياا.. كولي يا الله يمعودة محد يموت ناقص عمر هههه
نور... يمة يا ستار يعني اخوج يجوز يموتني... لا لا ماريد... بطلت عيني بطلللت
بعدني مرديت فززنة صوت احمد ورانة ثنينة كمزنة بس نور ختلت وراية بلعت السانهة بعد محجت شي
واحمد عاكد حواجبة و يحجي
احمد... منو هاي الي بطلت
جنة... محد... محد بطل هيج دنسولف
احمد... اهاا... يلة تعالو نتريك حتة اخذكم تشترون البدلات.. لتتأخرون
جنة.. صار خوية هسة جايين وراك
نور.. اففففف ليش دائما يجي بالاوقات الحرجة
جنة... حظج و نصيبج يخية شنسوي هههه
نور... لتضحكين علية ترة اروح اكول لختيبي عليج
جنة.. ههههه هستوج تريدين تبطلين هسة صار ختيبي
نور... لا هاي سوالف هيج
جنة... دمشي نروح نتريك يلة
تريكنة و خلصنة و جهزنة نفسنة و نزلنة اني و نور دنروح نشري فساتين للخطوبة فتنة للصالة كاعدين عمر و احمد ثنينهم باوعولنة من فوك ليجوة و ابتسمو شكلهم راضين على اللبس.. نور لابسة جبة ماروني و شال و جنطة و حذاء بيجي و اني هم لابسة جبية زيتوني و شال و جنطة و حذاء بيجي
طلعنة بسيارة عمر هو يسوق و احمد بصفة و اني و نور ليورة... طول الطريق احس نضراتة علية بالمراية كل ما ارفع راسي تجي عيني بعينة حتة نور حست تقربت يم اذني و همست
نور... شبي أخوية وياج
جنة.. هاا.. شبي
نور... لا سلامتج كلشي مابي.. انتضري من نرجع للبيت لازم نفتح تحقيق
ضحكت على سوالفهة اندار علينة احمد كال ضحكونة وياكم طبعا نور خنست صارت حبابة
جنة... لا سلامتك خوية بس نور تكول اذا ملكيت فستان حلو ابطل من الخطبة
نور خزرتني و احمد ابتسم
احمد... والله حتة لو تطلعيلي بالدشداشة هم قابل ماعندي مشكلة
عمر... ها يعني افرهة و ارجع ميحتاج فساتين
نور... لا حباب وين ترجع.. شنو كم مرة انخطب قابل.. شنو بالدشداشة
احمد... لا يابة محلات الفستان كلهة تحت امرج... طلبي وتدللي
هي صارت طماطاية من الخجل و احمد يضحك عليهة فدوة شكد حلوين
وصلنة لمول جبير عمر كال هنا المحل مال صديقي شوفو الي يعجبكم و اذا ملكيتو عندة عود نشوف غير مكان
أنت تقرأ
جنة الشيخ عمر 💕
Romanceتجيني اوقات اكول ليش اني هنا شنو عايشة بالحياة بس حتة اتعذب من كثر الهم نفقد الأمل بس حاشا ربي ينسة عبدة سبحانه الي كال ان بعد العسر يسرا مهما طال التعب لابد يجي اليوم الي نرتاح بي قصة عراقية لبنية تعذبت من طفولتهة و عانت هواية ياترى رح يجي الي اليو...
