جنة الشيخ عمر 💕

2🤎

جنت كاعدة افتح الغراض و اتفتح الباب دخل خالد همزين جنت لابسة حجابي ملحكت انزعه
كمت وكفت متفاجئة
جنة... ش شلون تفوت هيج.. غير تدك الباب

تقدم عليه و ابتسم باستهزاء
خالد... ليش عيني خاف حضرة جنابج عندج أسرار تخافين لتنكشف
جنة... لا بس يعني يجوز دا ابدل.. يجوز ملابسة حجاب
تقرب اكثر راد يجر الحجاب
خالد.. اي شكو بيهة ابن خالج اني مو غريب

طفرت من يمة و لزمت حجابي حيل
جنة... حتة لو ميصير... اطلع حباب ميصير تدخل غرفتي هيج
خالد... ههه غرفتج... ديلة عيني ام غرفة.. الي يسمعج يكول صدك يمعودة مزين ملفيج ببيتنا... هم حاسبة نفسج من اهل البيت لا و تتعززين علينة... لج بابا انتي هنا حتة تخدمينة و تنفذين اوامرنة و بس

نزلت دموعي شريد احجي هاي اذا ابن خالي الي بحساب أخوية هيج يحجي لعد لو غريب شلون

عافني وطلع ركع الباب وراه اني كعدت بمكاني ضميت رجلي لصدري اشهك من البجي احس دموعي نار و تحرك خدي
مين اجيب اهلي هسة كلش محتاجتهم كلللش
وين رحتوو و عفتوني طلعو دلالكم من يعيوني
دتشوفون الي صار بية وراكم
هم تشوفون حمودي أخوية هم متعذب مثلي لو مرتاح يم عمامي
ربي ريح كلبه و اسعده بحياتي و ابعد عنه التعب
على الاقل خلي هو يرتاح مو ثنينة نتعذب

نمت و دموعي على خدي بمكانة فزيت الصبح كالعادة على صياح العريف سعاد كمت بدلت هدومي و لميت الغراض الي مطشرة من البارحة و طلعت
كاعدين خالد و امه صبحت عليهم و طبعا محد رد رحت لشغلي

للعصر اجة خالي كال باجر اخذكم تسجلون بالكلية نط خالد كال اني اخذ جنة و انت اخذ هبه متلحك توصلهم ثنينهم خالو هم مكال لا و مشة اليوم عادي مصار شي

ثاني يوم كعدتني عريف سعاد من الصبح سويتلهم ريوك و حضرت للغدة و نضفت شوية و اجة خالد كال يلة حضري نفسج بسرعة لتتأخرين
رحت لبس وحدة من الجبب الي جابه لونة جوزي و شال و جنطة و حذاء بيجي باوعت بالمراية اوك حلوة مرتبة طبعا محطيت مكياج ممنوووع مابية حيل عركة من الصبح بعدين سنفور غضبان يبطل ميوديني و هو اني اصلا اخبل اذا احط مكياج اوكف سوك البنات هههه شسوي اقنع نفسي بالموجود

طلعت لكيت هبه هم متحضرة لابسة بنطلون و سترة و حاطة قراصة جبيرة جوة الشال طالعلهة راس ثاني و حاطة كيلوين مكياج مادري ليش خالد ميحجي وياهة مو اختة هي شو بس عليه مطلع مراجله

اجة العينتين باوعلي من فوك ليجوة
خالد... مو جبتج كصيفة شوية.. ماعندج غيرهة
جنة... مو انتة اختاريتهة و بعدين كلهن نفس القياس
خالد... ديلة امشي أمري لله

استغفر الله ولا يعجبة شي لازم يطلع عيب شكد مكروووه

وصلنة للمعهد حلو بي حدايق حلوة الطلاب يفترون شايلين ملازم اكو الي كاعدين يقرون و اكو الي سولفون
حسيت على كرصة بخاصرتي بس شنو شاغت روحي باوعت على خالد خازرني يا شبي هذا
خالد... عينج نزليهن لا افكسهن