ايام تروح و تجي بهدوء.. صارلي اربع ايام ببيت عمي انزل الصبح اكعد وية بيبي و عمة و اساعدهم بالشغل و من يجون الولد اصعد للغرفة ما اطلع منهة.. عمو يسأل علية يومية و مرات يصعدلي للغرفة يتطمن علية.. بس عمر ابد مشفتة بعد اسمع صوتة بس ابد ما اطلع اتحاشة شوفتة مادري شنو السبب بس ماريد اشوفة
احمد بعدة بالدوام منزل و بعدة ليهسة ميدري بالي صار بية مادري شلون رح يتصرف
نايمة بغرفتي حسيت على لمسات بوجهي فتحت عويني لكيت احمد بعدة بالزي العسكري يتلمس آثار الضربات و يباوعلي بنضرات حزن و حنان
احمد... شمسوي بيج هذا ال..
حضنتة بكل قوتي ضميت راسي بصدرة ماكو صوت غير صوت شهكاتي.. و هو يمسد على شعري
احمد... اششش كافي دموع.. كافي لتشلعين كلبي... اني صوجي خليتج تروحين المفروض تبقين هنا... كافي ياعيني... والله اخذلج حقج.... و روح ابوي و امي و ماعوفة يتهنى بحياتة
جنة... عوفة ماريد شي بس خليك لتعوفني بعد
احمد.. ما اعوفج يروح اخوج... محد يكدر ياخذج منا
مسح دموعي بايدة
احمد... كافي دموع يلة جاي من الدوام ميت من الجوع اريد ريوك من ايدج
جنة... من عيوني
باسني براسي و طلع اجتي نور جتفت ايدهة و وكفت كبالي
نور... بلة مو عيب عليج هيج تحضنين ختيبي.. متكولين خطيبتة واكفة خطية
جنة... هههه شبيج يمعودة ترة أخوية
نور... و اذا يعني هسة تقبلين اروح احضن عموري كدامج
جنة... متروحين شعلية اني... اخ و اختة اني شدخلني
نور... و الله انتي ماعندج أحاسيس
جنة...هههه اي ماعندي داينيني شوية
نور... تدللين حبيبتي شكد تريدين
جنة.... والله انتي خبلة
نور... من زمان حبيبتي قابل جديدة علية
جنة... هههه... دكومي نسوي ريوك لختيبج يلة
نور... لا عيني روحي انتي راد من ايدج انتي اني شعلية
جنة... ماشي عيني رجعي انطمري لعد
نور... اي والله نعسانة غير الليل كلة كاعدة انتضر ختيبي حبيبي
جنة... انطمري حبيبتي يلة
عفتهة و كمت غسلت و جهي و لبست حجابي و طلعت البيت هدوء ساعة بسبعة بعد محد كاعد.. نزلت جوة صبحت على بيبي كاعدة هي و احمد بالصالة... فتت للمطبخ سويت بيض و طلعت اجبان و مربى و و حضرت الكلاصات و وكفت انتضر الجاي يصير.. فزيت على صوت عمر هاي اول مرة اشوفة من يوم الي اجيت هنا دنجت راسي... توترت كلش مادري شبية ليش هيج تخربطت... انتجيت على الكاونتر احاول اسيطر على رجفة جسمي... هو فات اخذ كلاص مي شربة و رجع ديريد يطلع من المطبخ بس رجع وكف كدامي
عمر... شبيج ترجفين.. بعدج تدوخين
جنة... لا.. مابية شي
باوعلي من فوك ليجوة.. كلش واضح علية متوترة بس مادري ليش
عمر... متأكدة مابيج شي... اذا تريدين اخذج لمستشفى
جنة... لا.. لا كلشي مابية.. تسلم
عمر... براحتج
عافني و طلع سحبت نفس عبالك جنت مخنوكة و هسة رجعلي الهوى ضربت خدي و احجي وية نفسي شبيج توترتي شبيج
فزيت على صوت الجاي فار صبيتة و اخذت الصينية للصالة حطيتة يم بيبي و احمد
بيبي صاحت العمر يتريك وياهم مقبل كال ما اشتهي و شكله ضايج و احمد ضايج منة ميحجي وياه... شبيهم يعني مو عوايدهم جانو كلش صداقة
أنت تقرأ
جنة الشيخ عمر 💕
Romanceتجيني اوقات اكول ليش اني هنا شنو عايشة بالحياة بس حتة اتعذب من كثر الهم نفقد الأمل بس حاشا ربي ينسة عبدة سبحانه الي كال ان بعد العسر يسرا مهما طال التعب لابد يجي اليوم الي نرتاح بي قصة عراقية لبنية تعذبت من طفولتهة و عانت هواية ياترى رح يجي الي اليو...
