من شفتهم فاتو للقاعة اختفت الابتسامة... توترت حسيت رح تصير مصيبة خصوصا نضرة سعاد و خالد مبينة بيهة الحقد مادري على. شنو حاقدين... عمر هم من شافهم عكد حواجبة بس مبين كلش لزم ايدي و همس قريب علية
عمر... معليج بيهم طنشيهم... لتخليهم يحسون انو همة انتصرو و كدرو يخربون فرحتج
هزيت راسي و ابتسمت بس واضح علية التوتر...كعدو خالو و هبة على ميز و اجوي خالد و أمة عود ديباركون... وصلو يمنة تقدمت سعاد شبكتني و تبوس
سعاد... مبروووك حبيبتي... ولو اني كلت ورة المصايب الي سويتيه بعد متحصلين عرس بس همزين طلع رجلج حباب سامحج
اني بس صافنة بوجهة ما ارف شكول
عمر...والله حجية جنة ذهب صفاي متطلع منهة العيبة... و اني متأكد الي سوة بيهة هيج راح ياخذ جزاتة على كلشي بس يحتاجلهة صبر شوية
سعاد... اي يمة شنريد قابل الله يسهل عليكم.. صدك جنة ردت اجي البارحة بالحنة بس كالو العروسة متخربطة... ولج خاف سويتيهة و حبلتي قبل العرس هههه
خالد... اي يمة شمدرينة صارلهم كم شهر ببيت واحد... كلشي يصير
عمر... احترم نفسك لك مو كل العالم ساقطين مثلك.. الزم حدك و اوزن كلامك مو تكول عريس ميسوي شي لا والله امسح بيك القاعة ذهاباً و اياباً... صير عاقل ترة اطلع فضايحك كلهة
سعاد... شبيك يمة دنتشاقة قابل صدك... ديري بالج منة طلع أعصاب خاف يشمرج من السطح اذا ضوجتي ههه
خالد... بلة يمة شكلنة ضوجنة العرسان امشي
عمر... الله وياك
راحو و رجعنة كعدنة على الكوشة بس عمر معصب يهز برجله... لزمت ايدة
جنة... لخاطري لتعصب خلينة فرحانين
رفع ايدي باسهة
عمر... ليش مخبل اعصب بهيج يوم... لج من يوم الي شفتج انتضر هذا اليوم شلون اخربة
ابتسمت و سحبت ايدي استحيت من الموجودين... كملت الحفلة حلوة مصار شي بعد خالو و عائلتة طلعة بسرعة احسن خلصنة منهم
زفونة لفندق وصلنة للغرفة ويانة عمتي و نور ديردون يطلعون لزمت ايد نور قوي
جنة... حبابة لتعوفيني
نور.... ههههههه صدك تحجين.. شبيج بابا شلون يعني
جنة... خايفة والله
نور... عادي حبيبتي عادي تحملي بس هالليلة و راهة تصير زلاطة
جنة... ميصير انهزم وياج
نور... هههههههه ين تهزنمين تريدي يذبحني
انفتح الباب فات عمر و نور سحبت ايدهة و طلعت ركض... اني واكفة بنص الغرفة اجة يتقدم باتجاهي و اني ارجع و نضراتة ابد مو راحة مبتسم بمكر
عمر... وين تريدين تنهزمين
جنة... ها... لااا.. هو... وين انهزم... مو هياتني
عمر... هاا عبالي... ماكو مهرب حبيبتي وين متروحين الحكج
انلزكت بالحايط و هو تقرب سحبني من خصري لزكني بصدرة... قرب راسة لركبتي و همس يم اذني
عمر... شوكت تبطلين هاي الرجفة
دفعتة على كيف اريد انهزم
جنة... اااا.. خلي اروح ابدل
عمر... اني ابدلج
جنة... لااااا.. اني اروح للحمام
وخر و هو حابس الضحكة
عمر... روحي يابة روحي أمري لله
شلت البدلة و مشيت ركضت للحمام قفلت الباب و وكفت كلبي يدك بسرعة مدري شلون حتعدي هاي الليلة... فتحت الحجاب و البركع و نزعت البدلة بقيت بالداخليات اتذكرت مجايبة هدوم...هسة شلون اكلة... ضليت كاعدة بالحمام ماعرف شسوي ورة شوية دك الباب
عمر... جنة... شو تأخرتي.. بيج شي
جنة... لا... بس... نسيت اجيب هدوم
عمر... ههه ماشي هسة اجيبلج
ورة شوية رجع دكت الباب فتحتهة شوية بس على كعد ايدي مديتهة اخذتهن و سديتهة بسرعة... اباوع عليه سيت نوم ابيض بس شنو فضيحة صح طويل بس كلة دانتيل شفاف و مجايب ويا الروب... ضليت افر بي شلون ينلبس هذا.. رجع دك الباب
عمر... يلة حبيبتي وصل العشة
جنة... ااا.. اي.. هسة اجي
امري لله شسوي لبستة و طلعت اجرجر بي احاول اضم جسمي بس ماكو فايدة هو فضيحة... طلعت ملكيتة بالغرفة كلت اي همزين خل اخذ غير شي البسة بس مشيت خطوتين سمعت خطواتة وراية طلع واكف يم باب الحمام... اجة تقدم علية حاوط خصري و دفن راسة بركبتي... همست بصوت يرجف
جنة... ع عمر
عمر... هممم
جنة.. مو.. مو كلت نتعشة
عمر... بعدين
يحجي بصوت خدران و يمشي شفافة على ركبتي يوزع بوسات خفيفة و شوي شوي يصعد لحد موصل لشفايفي أخذهم بين شفايفة... مادري شلون و صلنة للسرير و اني بس بالداخليات و هو فوكاية لابس بس شورت تجرأ بلمساتة و رحنة بعالم ثاني
صحيت بالليل نايمة علة صدرة و هو لاف ايدة على خصري تحركت ردت اكم ضغط ايدة منعني
عمر... وين رايحة... خليج
جنة... مو..
عمر....اششش ضلي هيج لتكومين
رجعت نمت للصبح كعدت نايمة صفح على ايدة و هو لازك بظهري و يلعب بشعري... انداريت عليه كرص خدي
عمر... صباح الورد والياسمين على عيونك يا كمر
جنة... هههه صباح النور
عمر... يلة كومي حتة نتريك و نرجع للبيت
جنة... اي كوم انت و اني اجي وراك
عمر....ليش عود.. كومي وياية
جنة.. لا حباب كوم انت اول
عمر... عود تستحين يعني... ترة شفت كلشي
جنة... اي ميخالف يلة روح
احجي و ادفع بي جان يلزم ايدي و انكلب صار فوكاية.. هجم على شفايفي شوية و وخر
عمر... لوما الناس منتضرينة جان تريكت بيج... بس سهلة ننتظر لليل
جنة... ايي دكوم عاد يلة تأخرنة
عمر... ماشي تأمرين
كام و شالني ويا و اني اصيح وصلني للحمام و فتح المي فوكانة...
سبحنة و طلعنة تريكنة و رجعنة للبيت
تلكانة عمو ذبح جوة رجلنة ذبيحة و عمة و بيبي يهلهن و احمد و نور و محمد باركولنة و دخلنة للصالة و محمد يغني زوجنا و خلصنة و باجر عدنة الأصغر منة و عمو يكلة لو بيك خير اطلع من الثالث اول.. و نور تصنف و بيبي و جفصاتهة متخلص و الشقة بين احمد و عمر كأنهم توأم...
صورة للعائلة الي طول عمري اتمناهة مليانة حب و سعادة.. طبعا الحياة متخلة من المشاكل و العقبات بس الي علينة نصبر و نتحمل لان مهما تكون الدنيا صعبة يجي يوم و تضحك بوجهنة و تعوضنة عن الفات..
لهنا و خلصت قصتنة و ودعنة ابطالهة نكوللهم مع السلامة ونتمناهلم حياة سعيدة
أنت تقرأ
جنة الشيخ عمر 💕
Romanceتجيني اوقات اكول ليش اني هنا شنو عايشة بالحياة بس حتة اتعذب من كثر الهم نفقد الأمل بس حاشا ربي ينسة عبدة سبحانه الي كال ان بعد العسر يسرا مهما طال التعب لابد يجي اليوم الي نرتاح بي قصة عراقية لبنية تعذبت من طفولتهة و عانت هواية ياترى رح يجي الي اليو...
