صدمة على خوف على حب على حماس على توتر على كومة مشاعر انجمعت سوة... جنت منفعلة و احجي و دموعي على خدي بثانية راح كلشي رحت بعالم ثاني... مادري شلون وشوكت و ليش
بلحضة حسيت شفايفي بين شفايفة معافهة إلة دفعتة.. اريد تفسير شديصير وياية دكات كلبي صارت مثل الطبل و جسمي كلة يرجف يمكن لو يهدني اوكع بالكاع
بعدة محاوط خصري و ايدي على صدرة.. عينة بعيني وانفاسة تداخلت وية انفاسي... همست بصوت بالكوة ينسمع
جنة... شدتسوي
عمر... اسجل اسمي على املاكي
جنة... هاا.. شنو شلون يعني
عمر... هيج
رجع باسني من جديد بس هالمرة دفعتة بكل قوتي و رحت ركض لغرفتي افتر منا و منا اريد اهدة ماكو... كلبي يدك بكل قوتة و الحرارة تطلع من راسي... فتت للحمام فتحت المي و طبيت جوة المي البارد بهدومي... شصار هسة يعني مو على اساس اتفاق بس على ورق ليش هيج سوة...
صحيت من تفكيري على دكة الباب و صوت نور تصيحني اتغدة
جنة... حبابة انطيني هدوم من يمج نسيت اخذ
جابتلي هدوم بدلت و طلعت لكيتهة كاعدة على القريولة تنتضرني
نور... شبيج اليوم مو طبيعية
جنة... مابية شي بس تعبانة شوية
نور... ماشي حبيبتي تعالي تغدي و ارتاحي
جنة... لا عفية خليني انام بعدين اكل
نور... بكيفج ارتاحي.. اني نازلة لعد
نزلت و اني تمددت بس وين يجي النوم... افكار مخربطة و مشاعر مخربطة مادري شديصير ولا ادري شريد
ضليت بالفراش لليل كل ماتجي نور اسوي روحي نايمة و هي تعوفني و تروح
انفتح الباب غمضت عيوني عبالي نور بس طلعت مو هية... كعد كبالي يمسد على شعري
عمر... جنة.. ادري بيج منايمة... كومي احجي وياج
مفتحت ولا تحركت من مكاني... ماريد اشوفة مادري خجل لو خوف لو زعل لو شنو بالضبط بس ماريد اشوفة
عمر... بكيفج يابة... بس عود اكلي شي لتضلين بلة اكل
طلع و سد الباب وراه.. ضليت بمكاني ورة شوية هم انفتحت الباب بس هالمرة احمد اجة خايف علية و يا عمي و عمتي
احمد... جنتي.. شبيج حبيبتي.. اوديج لمستشفى
جنة... لا كلشي مابية... بس تعبانة منايمة زين البارحة
عادل... خوفتينة عليج يابة
جنة... لتخاف عمو والله مبية شي
امل... كومي اكليلج لكة يمة مماكلو شي من الصبح لتروحين توكعين... اذا تعبانة اجيبلج هنا تاكلين
جنة... لا لا هسة اجي لتعبين نفسج
نزلو و اني هم كمت شلت شعري و نزلت شنو ذنبهم همة اقلقهم علية... لكيت عمتي صابتلي صينية و جايبتهة للصالة رحت كعدت يم بيبي
أمينة... وينج يمة خوفتينة عليج
جنة...هياتني بيبي كلشي مابية
شاورتني بصوت ناصي
أمينة... كيلي خاف عويمر مزعلج حتة اكسر العوجية على راسة
جنة... ههه لا بيبي محد مزعلني.. بس تعبانة من الدراسة
أمينة... خوش يمة... الله ينطيج على كد تعبج
اكلت شوية و شلت الصينية غسلت المواعين و صعدت... طلعت ملازمي وكعدت اقرة بالغرفة مطلعت للصالة خاف يجي و اشوفة... التهيت بالقراية لحد متعبت و نمت... ثاني يوم عطلة ماعندي امتحان ضليت بالغرفة اقرة لحد وكت الغدة صاحوني استحيت مانزل عيب منهم... نزلت و همزين طلع مموجود مادري وين رايح... اكلت شوية جان يجي... صاحو يتغدة ويانة اجة كعد بصفي اني دنجت راسي مباوعتلة شوية و كمت كتلهم شبعت رجعت لغرفتي ضليت اقرة
أنت تقرأ
جنة الشيخ عمر 💕
Romanceتجيني اوقات اكول ليش اني هنا شنو عايشة بالحياة بس حتة اتعذب من كثر الهم نفقد الأمل بس حاشا ربي ينسة عبدة سبحانه الي كال ان بعد العسر يسرا مهما طال التعب لابد يجي اليوم الي نرتاح بي قصة عراقية لبنية تعذبت من طفولتهة و عانت هواية ياترى رح يجي الي اليو...
