جنة الشيخ عمر 💕

3💜

مرت فترة على دوامي بالمعهد ماشية الايام عادي ماعندي اختلاط بأحد بس بريم و هي هم ماعدهة اختلاط ثنينة علينة حراسات
اني ابن خالي الحقنة و هي ابن عمهة بس الفرق انو ابن عمهة يحبهة و هي هم تحبه و همة اصلا باعتبار مخطوبين بس تتخرج يتزوجون
صارت صداقتنة كلش قوية بس بعدني ماحجيتلهة عن حياتي بينما هي بالعة مسجل من اول يومين عرفت قصة حياتهة من نولدت لحد هاليوم

اليوم عدنة محاظرة وحدة تبدي بثنعش و المحاضرة الأولى انلغت لان الدكتورة مجاية فالصبح كاعدين اني وياهة بالحديقة طبعا باقي الطلاب كلهم الي طلعو و الي راحو مطاعم بس احنة ممنوع نتحرك فكعدنة نسولف بالحديقة
ريم... اكلج صدك شو اني كلشي ماعرف عنج غير اسمج و هذا ابن خالج سنفور غضبان مثل متكولين
جنة... ههه مادري مصار مجال احجيلج
ريم... اوي عشتو شو اني كتيتلج الاكو و الماكو منتضرت يصير مجال... يلة عيني يلة غردي اسمعج
جنة... ماشي شتريدين احجيلج
ريم.. كلشي و مااشي من يوم منولدتي لحد هاللحظة
جنة... اوووو قصة طويييلة
ريم... نسمع شورانة شو كاعدين ننتظر لثنعش كلشي ماعدنة
جنة... اوك..شوفي عيني اني انولدت ببغداد من عائلة لطيفة متكونة من امي و ابوية و أخوية احمد.. بابا جان يشتغل بشركة مال اهلة يعني هو و اخوانة كلهم شركاء بيهة.. هو جانت علاقتة شوية متوترة وية اهلة لان مجانو راضين على زواجة من ماما و حتة اهل ماما قاطعوهة اصلا مجنة نعرف عدهة اهل بس أهل بابا لا يزورونة و يتصلون صح جياتهم قليلة بس اسمهم موجودين و خصوصا عمو عادل جان دائما يجينة هو و ابنة و مرات يجيب بنتة ويا فبوكتهة جانت علاقتة كلش زينة وياهم و اني بالذات جنت كلش احب ابنهم لان كل ميجي يجيبلي حلويات و يطلعني هو أكبر مني بعشر سنين... جانت حياتنة كلش حلوة و هادئة لحد اليوم المشؤوم الكلب حياتنة و فرقنة.... بيوم جان بابا ماخذ اجازة كال بس ترجعون من المدرسة اخذكم للزوراء احنة كيفنة اني و احمد رجعنة من المدرسة متحمسين و نخطط شنسوي بالطلعة بس من وصلنة لفرعنة لكينة الدنية مكلوبة سيارات شرطة و إسعاف و الناس مجتمعة و صلنة لبيتنة نصة متهدم و و البوت الي بصفنة هم متأثرة بس مو نفس بيتنة جان كلش متأذي كالو وكع هاون على بيتنة... بعدنة ممستوعبين الي صار و شفنة سديات ثنين حاطيهن يم باب البيت و ممبين منها بس الدم اجة رجال جيرانة كال الله يصبركم يابة ركض احمد كشف السعدية الأولى عليهة بابا سابح بدمة و جهة كلة جروح كشف الثانية عليه ماما و حالهة مو احسن من حال بابا...

شهكت بالبجي و ريم هم بجت حضنتني
ريم... اسفة اسفة والله مو قصدي اذكرج كافي لتكملين
جنة... لا خليني اكمل.. خلي اطلع الي بكلبي صار سنين ضامته
ريم.. بكيفج حبيبتي اسمعج
مسحت دموعي و كملت

جنة... طبعا هنا جان عمري ست سنين و احمد عمره ثنعش سنة.. منعرف شنسوي حضنت أخوية و كعدنة ثنينة دموعنة على خدنة شوية و اجوي عمامي اخذونة وياهم و اخذو بابا و ماما حتة يدفنوهم يمهم بالانبار لان همة مناك بس بابا عايش ببغداد قبل منطلع اجوي ناس اول مرة نشوفهم سوو هوسة يريدون ياخذون ماما همة يدفنوهة عرفت بعدين انو ذولة خوالي بالجذب محد سأل عليهة من ماتت صارت عزيزة عليهم... المهم رحنة وية عمامي سوو فاتحة جبيرة اني طول الفاتحة كاعدة بحضن بيبي و تجي خالة امل مرت عمو عادل تجيبلي اكل و تنيمني و ارجع اكعد يم بيبي كلش تعلقت بيهم هالفترة و ابن عمي هم يجيبلي حلويات يريد يغير نفسيتي بس ابد ما اخذهن و و لا حجيت شي حتى كالو صارت خرسة... و احمد جبير يعني شوي اقوة مني كدر يتحمل الصدمة و يعديهة بس تغير تحول من طفل ميفكر غير باللعب و الونسة إلى رجال يحمل مسؤوليته و مسؤلية اخته
عدت اسبوعين احنة ببيت جدي بيوم من اليام اندكت الباب قوي طلعو عمي و دخلو ناس للديوان صارت هوسة ضلو كومة جوة طلع عمي كال ذولة اهل المرحومة يريدون ياخذون جهالهة بيبي مقبلت كالت على كص ركبتي و صارت هوسة و يومية جايبين شيوخ و تصير عركات اخر شي واحد من الشيوخ كايللهم خلو الولد يم عمامة و البنية يم خوالهة طبعا عمي مقبل و جدي هم تعارك وياهم بس الشيوخ الموجودين كلهم موافقين فإذا جدي رفض معناهة يعلن الحرب بين العشيرتين انجبرو يقبلون حددو مصيري اني اعيش يم خوالي و بما انو خالو حسن هو الجبير هو اخذ وصايتي و دخلت حياة جديدة وية ناس جدد جان بيهم بس خالي زين بس مرتة كدمة ملاك و وراه تنكلب حية من اني طفلة تشغلني بالتنضيف من كبرت شوية صار الشغل كلة عليه طبخ و تنضيف و كلشي بالبيت اني اسوي.. و ابنة يكعدني بكتلة و يمسيني بكتلة... وهاي حياتي من بدايتهة لحد هاللحظة

ريم... الله يساعد كلبج... زين و اخوج مشفتي بعد
جنة... ولا اعرف عنة شي من يوم الي طلعت من يمهم لحد هذا اليوم
ريم... اوووف شلون عيشة هاي الله يريح كلبج يارب
مسحت دموعي و ابتسمت الهة
جنة.. هه كلبناهة مناحة كومي خية كومي رح تبدي المحاظرة
ريم... ياا اي صدك رح تبدي.. يكولون اليوم يجي دكتور جديد ياخذنة كومي نشوف منو
جنة... دمشي يلة
ريم... اوكفي اوكفي امشي نعدل شكلنة هسة ورة كمية الدموع الي خسرناهة اكيد صرنة لويصة
جنة..... ههههه مين يحظي شو وجهنة عالبلادي كلشي محاطين... تخيلي لو حاطين كحلة جان صرنة باندا
ريم... اي فديتنة جمال رباني
جنة... دمشي يلة تأخرنة

رحنة للقاعة شوية و بدو يجون الطلاب و اجة الدكتور الجديد شاب يطلع عمرة بثلاثين بس شنو من هيبة لابس بنطروم و قميص رسمي و هو طويل و صدرة عريض يعني مو عضلات اوفر بس هو ضخم و جسمة مرتب البنات كلهن صفنن بي اني هم ما انكر صفنت شوية بس بعدين دنجت راسي
هو دخل و بدة يعرف عن نفسة
عمر... السلام عليكم... شلونكم طلاب ان شاء الله كلكم بخير... اني اسمي عمر رح اخذ مكان دكتور محمد لان مثل متعرفون مع الاسف حالتة الصحية متسمحلة يمكل ويانة... طبعا نتمناله الشفاء العاجل و يرجع لمكانة باقرب وقت.... هسة قبل منبدي المحاظرة ناخذ حضوركم..
بدة يذيع الاسماء و يسجل بالورقة بدون ميرفع راسة ابد بس من وصل لاسمي سكت شوي و رفع راسه يلة كاله مثل الي يدور على صاحب الاسم كلت نعم صفن عليه و عاكد حاجبة مثل المستغرب حتة الطلاب انتبهو كامو يباعون لجهتي وهو انتبه رجع كمل الاسماء هو و مدنج مرفع راسة بعد و ضل المحاظرة كلهة كل شوية يباوع على جهتي مادري شبي
خلص المحاظرة و اني على اعصابي كلش توترت من نضراته بس كال تكدرون تتفضلون شلت غراضي و طلعت ركض حتة منتضرت ريم هي جتي تركض وراية
ريم... جنة... ولج اوكفي شبيج ركبتي جناحات و طرتي
جنة... لا مابية شي بس تأخرت هسة يجي خالد
رجعت امشي سريع لحد موصل للباب وكفت انتضر و اجتي يمي
ريم.... شوفي بعدة مأجة شبيج تركضين... لو توترتي من نضرات الدكتووور
جنة... يا دكتور يمعودة و اني شمعرفني بي
ريم... مشفتي المحاضره كلهة يباوع عليج
جنة.. و اني شمدري يجوز مشبه عليه... هاي اجة خالد يلة باي
ريم.. اي اي انهزمي وين تروحين مني

عفتهة و رحت صعدت بالسيارة و رجعنة للبيت و الطريق كلة افكر بهذا الدكتور عود صدك ليش هيج انصدم من شافني

يتبع