اليوم حنتي.. شكد جنت فرحانة لحد البارحة انتهة كلشي تدمرت فرحتي... الليل كلة كاعدة منمت حتة مفكرت بشي بس صافنة و دموعي تصب مادري شسوي.. فزيت على صوت الباب
نور.... جنة... فتحي الباب شبيج متكليلي... لج كومي اليوم حنتج... شكووو شصاير
تحجي و اني على كعدتي متحركت شوية و سمعت صوت احمد
احمد.. جنة... فتحي حبيبتي شبيج.. ردي خيتي لتخوفيني عليج
كمت ردت افتحلة و اشمر نفسي بحضنة اشتكيلة.. مشيت خطوتين و افترت الدنية بية بعد محسيت بشي
فتحت عيوني اني بالمستشفى و مشكلين كانولة بأيدي.. عمر لازم ايدي وكاعد و نور كاعدة على القنفة بعيدة شوية... بس صحيت شفتة لازم ايدي جريتهة و درت راسي عنة هو هم مكال شي بس تنهد كلي الحمد لله على سلامتج و طلع.. جتي نور يمي
نور... شبيج متكليلي البارحة كلشي مابيج
جنة... شكو شصار
نور... مو احنة الصبح نريد نكعدج متردين احمد تخبل كسر الباب و فتنة لكيناج واكعة بالكاع و متردين رأسا شالج و طلع يركض شافة عمر هم اجة يركض و اجينة للمستشفى
جنة... احس راسي ثكيل
نور... اي حبيبتي مو صاير عندج هبوط بالضغط هسة بس يخلص المغذي ترتاحين
اجة احمد فتح الباب و فات يركض
أحمد...شبيج حبيبتي... وكعتي كلبي... شتحسين
جنة... مابية شي لتخاف
احمد.. الحمدلله.....ديري بالج على نفسج مابية حيل هبطات
جنة... لتخاف والله كلشي مابية... يجوز من التعب
بأس راسي
احمد... يلة اني برة اي شي تحتاج صيحيني.. و هو بس يخلص المغذي نطلع
طلع و بقت بس نور يمي
نور... كليلي شصاير بينكم... ترة ممقتنعة بسالفة التعب... البارحة شفت عمر شلون طلع كالب وجهة وانتي حابسة نفسج بالغرفة.. شصاير
جنة...طلع ميريدني... ميحبني كل هاي ديضحك علية... معتبرني عمل خيري يريد يتزوجني بس حتة يساعدني.. بس هو ميحبني
نور... منو كلج هيج
جنة... اني سمعت... نهى كلتلة ادري بيك تريد تساعدهة.. و انت مجبور تعيش وية وحدة متحبهة
نور... و انتي الثولة صدكتي
جنة... اي لان هو مرد... مكللهة لا
نور... لج غبية لو شايفة لهفتة عليج من شافج واكعة بحضن احمد جان مكلتي هيج.. لج بعد مايعرف شيسوي مية مرة راد يكلبنة يسوق باعلى سرعة و عين على الشارع و عين عليج... يمكن لو شايفني اني بمكانج ميسوي هيج
جنة... اي مو علمود يحبني.. انقهر علية.. و اني ماريد احد يشفق علية ما احتاجة بعد عندي اخ يكدر يحميني... خلي يروح يشوف حياتة وية نهى او غيرهة مايهمني بعد
نور... والله انتي ثولة.. يعني نهى صارلهة سنين كدامة لو رايدهة جان اخذهة من زمان منو يمنعة
جنة... مادري بعد مادري.. تعبت من التفكير
نور... زين عوفج منة كليلي انتي شتحسين.. تحبي
جنة... هو شمدمرني غير حبة... خلاني اتعلق بي و احبة و طلع هو بس ديسايرني لا يحبني ولا ابد.. لج اموت عليه بس هو طلع يباوعلي بنضرة عطف و شفقة مو حب
انفتح الباب و فات هو مادري سمعني لو لا بعد مايهمني ماريد شي بس يعوفني ارتاح
طلعت نور هو اجة كعد يمي لزم ايدي جريتهة و درت وجهي
عمر... ليش دتسوين هيج... مو من حقي احجي و تسمعيني قبل متحكمين... اذيتي نفسج و اذيتيني و انتي مفتهمة كلشي غلط
جنة.... اطلع الله يخليك... ماريد اسمع شي
عمر... ماشي براحتج... ارتاحي هسة وبالبيت نحجي
طلع شوية و اجوي كلهم خلص المغذي و طلعنة.. هو يسوق و اني بالكرسي الورة ساندة راسي على الجامة و عيني على الشارع ... الطريق كلة هدوء محد حجة
وصلنة للبيت نزلت من السيارة رأسا مد ايدة راد يسندني وخرت ايدة و لزمت نور و اجة احمد من الجهة الثانية سندني و هو مشة ورانة.. كلهم طلعو مفزوعين عمي و عمتي و حتة بيبي طلعت تمشي بالكوة على العوجية و خالتهم و بناتهة سمر و نهى تباوعلي بنضرة مدري شلونهة... كلهم يسألون على صحتي و يتحدون لسلامتي عمر كللهم تعبانة خل تفوت ترتاح... فتت للصالة كعدت يم بيبي خطية حضنتني و تبجي و اني اكوللهة مابية شي...خابرو على المعازيم كالولهم انلغت الحنة لان العروسة متخربطة.. ههه هاي اول مرة اسمع بهيج شي بس كلشي بحياتي عادي كمت ما انصدم... طبعا محد يدري باي شي لا اني حجيت و لا هو حجة فقررو انو ارتاح منا لباجر و يصير عرس رأسا بدون حنة و طبعا محد سألني و كلي شنو رأيج كاعدة بينهم و همة يتفقون
صعدت لغرفتي الي ببيت عمي بين ميسوون الغدة لان راسي يأذيني... صعدت وياية نور وصلتني تمددت بالسر و طفت الضوة و طلعت... شوية و انفتح الباب فتحت عيوني لكيت نهى واكفة شغلت الضوة و جتي كعدت يمي اتي عدلت كعدتي
نهى.... اسفة اجيت هيج بس ردت احجي وياج
باوعت عليهة عاكدة حواجبي محجيت شي
نهى... شوفي هو حقج تضوجين بس اذا سمعيني رح تعذريني... ترة اني الي من حقي اكرهج مو انتي... لتباوعيلي هيج يعني طول عمري اني معجبة بعمر و احبة و هو هم مبين من أسلوبة عندة مشاعر اتجاهي... اجيتي انتي بيوم وليلة اخذتي مني... بالبداية من سمعت بقصتج حتة اني انقهرت عليج و عرفت بي يريد يساعدج باي طريقة بس مو معناهة يتزوجج ترة هو ميحبج رح تتعبون بحياتكم لان كلبة مو وياج...
جنة... اخذي حبيبتي بالعافية عليج اني هم ما...
عمر... ولج انتي صدك وحدة متستحين... كلت بنت خالتي و محسوبة علية ما اريد أئذيج بس الظاهر انتي متجين بالعينين و اغاتي
نهى... عمر.. والله علمودك.. ليش تخرب حياتك وية وحدة متحبهة ولا هي تحبك..
عمر... و اني مشتكيلج.. معينج منقذ لحياتي مثلا... منو كلج ما احبهة لا اني اعشقهة مو بس احبهة... شوفي هاي اخر تحذير الج قسماً بالله اذا حاولتي تخربين حياتي لو تحشرين خشمج بشي يخصني اكول لزوج خالتي و شوفي شيسوي بيج
نهى... لا عمر دخيلك يذبحني والله
عمر...يلة طلعي ماريد اشوف وجهج
طول المعركة اني اتابع كلامهم بدون اهتمام من طلعت باوعت عليه
جنة... اذا خلصتو عركتكم ياريت تطفي الضوة اريد انام
عمر... مرح تسمعين
مرديت تمددت و غطيت راسي هو تنهد كال براحتج و طفة الضوة و طلع
نمت لان من صدك احس راسي ثكيل و تعبانة محد كعدني بعد... كعدت بالليل ماكو صوت شلت الموبايل الساعة بالوحدة و اكو رسالة من أحمد كاتب شفتج نايمة منطاني كلبي اكعدج خليج مرتاحة هنا عود من الصبح اجيج ،ديري بالج على نفسج...
الرسالة دازهة من العشرة... صارلي ثنعش ساعة نايمة معقولة محسيت عليهم.. كمت غسلت وجهي فتحت الباب البيت هدووء ماكو اي صوت نزلت للمطبخ شربت مي و سويت لفة جبن ميتة جوع كلشي مماكلة.. اخذت اللفة وردت اطلع جان اندعم بعمر ديفوت للمطبخ
عمر... شلون صرتي
مرديت عبرتة و صعدت للغرفة كعدت على السرير لزمت الموبايل اكلب بي بعندي هستوني عضيت عضة من اللفة انفتح الباب فات عمر و رجع سدة اني صفنت عليه و اللكمة بحلكي حتة ما أكدر احجي... كمت وكفت بلعت اللكمة و تخصرت عود امثل القوة بس جذب اصلا من اول مفات لزمتني الرجفة و كلبي صار طبل
جنة... شلون تفوت هيج
عمر... جاي اشوف مرتي.. عندج مانع
جنة.. اي....
بعدني مكملت مادري شلون وصل يمي و شوكت هجم على شفايفي
يتبع
أنت تقرأ
جنة الشيخ عمر 💕
Romanceتجيني اوقات اكول ليش اني هنا شنو عايشة بالحياة بس حتة اتعذب من كثر الهم نفقد الأمل بس حاشا ربي ينسة عبدة سبحانه الي كال ان بعد العسر يسرا مهما طال التعب لابد يجي اليوم الي نرتاح بي قصة عراقية لبنية تعذبت من طفولتهة و عانت هواية ياترى رح يجي الي اليو...
