كل رحيل 💜

الحلقه 1 🌌

حور : نفس السياره المقلوبه نشوف فيها كل يوم صوت عياط وصوت تخبيط ناس تجري وناس تعزي فيه واني مش فاهمه شيء نعيط بأعلى صوتي ومحدش يسمع فيا الدنيا خايضه وصوت عدي ولدي واني ندور فيه فجأه انوض من الكابوس

                  كل رحيل💜 ...D033-10#

حور ناضت من الكابوس راعشه : بسم الله بسم الله

هشام جي يجري شربها اميه : خيرك اشربي اشربي

حور شربت اميه : متخافش كابوس بس

هشام رد رقدها : ارقدي ارقدي وتعوذي من الشيطان

حور حطت راسها وهشام رد قعمز عالكنبه وبرق في الشباك قالت حور : كالعاده نايض مش هنقولك ارقد لاني تعودت عليك بس ياريت تنوضني الساعه 7 عندي اجتماع

هشام هز برساه رقدت حور( حور وهشام زوز مزوجين زواج عن حب شافها في عرس بنت خالته لانها صحبتها وهيا طالعه طاحت وانكسرت كراعها وقعدت تصيح في الطريق وشهدرت بين الناس عجباته بعد شافها وتواصل معاها عن طريق بنت خالته لين خطبها وازوجها ليهم 8 سنين مزوجين جابو ولد وتوفى من سنتين وتو تعرفوا كيف وعندهم بنت عمرها 3💜)

----------------------------------------------------------------------D033-10

الساعه 7:30 حور في المطبخ تشرب في قهوه خش هشام ( مواصفات هشام طويل ولحيته سوده وعيونه سود وحادات وسمحح ويخدم مهندس وتوا يخدم علي مجموعة عمارات وعنده مكتب)

حور : صباح الخير💜

هشام : صباح النور ( هشام حط الميه في السخان وقاللها ) امتى تروحي اليوم

حور : 2 ولا 2 ونص ليش تسأل

هشام : لا بس عشان ميس  

حور : يعني اني منحطها في الحضانه لو روحت قبلي خودها

هشام نط : لااا( برفض ) ن ن نقصد يعني اني مش فاضي روحي بيها انتي ولا قولي لي خوك ولا اختك اني طالع مع السلامه ( هشام طلع يجري وحور تنهدت ) حور مواصفاتها طويله وشعرها حاير ولونه اسود عيونها خضر وفمها متوسط سمحه وجمالها فريد وتخدم مديرة محاسبات في شركة )

--------------------------------------------------------------# D033-10

كان هشام في المكتب ويخدم خش عليه صاحبه منذر : ياااهلااا تي وين يااراجل نخبط عليك امس متردش

هشام : مش عارف يمكن حاطه صامط

منذر : ساامط ولا مااالح ترن تراارن تن تن

هشام برق فيه وقلع نظارته : تعرف لو دويت حرف ثاني هنرفضك

منذر : تيي باهي وانت مولي زي الرجل الأخضر غير راهو سروالك يتشرك في نساوين في المكتب عييب ( هشام فنص في منذر وهو برم كرسيه وسكت وهشام رد لي شغله )

--------------------------------------------------------------------- D033-10

اما حور كانت طالعه من الاجتماع كلمتها اختها زينه : اهلين حب ( زينه هذي اخت حور مواصفاتها طويله وبيضه ونقشها رقيق وسمح وشعرها قصير واسود وهيا فرفوشه وجوها اطلع طول وصريحه واطلع في حكم مش عاديات💜 )