كل رحيل💜
الحلقة 3
كان هشام طالع ركب سيارته جي بيمشي وفجأه دق عليه الشباك منذر : بسم الله الرحمن الرحيم
منذر يأشرله بي معنى نزل الشباك نزل هشام الشباك وقاله : شن جيبك انت
منذر : جاي نسألك دويت لي حور
هشام : علي شنو
منذر : علي موضوع زينه
هشام : خيرها زينه
منذر :ووووووووه وووووه مش قتلك نبي نخطبها
هشام : ااااااه اذكرت لا مدويتلهاش
منذر : ولييييش
هشام : نسيت
منذر : منخش اني ندويلها
هشام : هووي انت مرتي رااهي قتلك تو ندويلها وتوا انتلف بيقيموا الصلاة
منذر : منمشي معاك
هشام : وين
منذر : للجامع
هشام : انت مرفوع عليك القلم ( وسكر الشباك وشرين وعدا )
-----------------------------------------------------------------------------D033-10
زينه تحط في الليكال عالطاوله
هلال : تهيااا وانتي تجيبي بالقطاره
زينه : نوض لحلح روحك وجيب
هلال : هذا يلي ناقص
زينه :نوض راهو بعد تزوجك غاده قصدي بعد تزوج غاده بتقعد شغلتك
هلال : بتسكري فمك ولا نعوجه
زينه قعمزت : الجمعه الجايه منخلي مرتك اديرالغدي خليها توري فلاحتها من الصبحيه شن رايك
هلال : امييي هيا الغدي
جت خيريه : كنت نكلم في خالتك بتجي غدوا من الخمس بيش تحضر العرس
زينه : ييييه عليا راني اني اهم حاجه عندي شغلي كل مره ناخد اجازه عشان اختك وبناتها الفشاكات
عفاف : انتلفي تو نجيب حور تقعد معانا وتاخد اجازه بالمره تتريح
هلال ساكت قتله زينه : تفكر كيف بتشوف سناء
هلال : بنشوفها بي عيوني
زينه : مسمطك نقصد يعني بعد خطوبة ثلاث سنين فسخت اكيد مزلت مضايق قولي اني اختك ليش فسختوا
هلال خبط الكرسي وصبه قتلها عفاف : لازم متتريحيش لين تنوضيه
زينه : اني نبي نعرف بس ليش فسخت
اما هلال طلع بره ولع دخانه شويه وجاته زينه : اني اسفه ياودي البلي لاحرف متعودتش علي بصارتي مكانش قصدي بعدين انت توا خاطب غاده وتحبها واسبوع بس وتزوجوا ليش مزلت تفكر في سناء
أنت تقرأ
كل رحيل 💜
Beletrieالرحيل المتكرر،الانتظار اللي يقتل عالبطيء،المشاعر الفاتره ،الكسره اللي مهما حاولنا نتجاهلوها تجرحنا ،💔 روايات دعاء عبدو🤍
