كل رحيل💜
الحلقة 6
كانت زينه تبخر في الخيمه وفجأة تسمع سناء وهيا تكلم
سناء : كيف يعني امك تبيك تفسخ اسمعني زين راني منيش لعبه بتزوجني يعني بتزوجني اني ضيعت اللي نحبه عشانك واني توا في عرسه كنت خبرني بدري كنت عرفت كيف نحلها معاه لاكن توا مفيش غيرك قدامي
زينه ضحكت عالسكيتي وقالت في خاطرها : اول مره نشوف وحده بتتزوج واحد غصبن عنه من سناء يأتي الجديد لاكن راهي ادير حاجه تخرب علي هلال
زينه حطت البخاره وطلعت تجري لامها : وين ولدك مكبوب السعد
عفاف : في حوشه
زينه مشت تجري وخشت هاده : هلاااال هلاااال ( جت في الصاله وتنصدم تلقا منذر وهلال وهشام يركبوا في لامبات وهيا لابسة حمالات حمر قصيرات وطالعه تهبل زينه مشت تجري )
هلال : اكيد متعلمش ( مشي هلال يجري )
منذر : اخخخخخ يا قلبي متبينيش يا هشام
هشام يضحك : عادي عادي الدنيا نصيبات
منذر دروحه يعيط علي كتف هشام : اخخخ بتجيني حالة اكتئاب اني كرهت الدنيا
هشام : متخافش تو تلقى وحده اسمح منها
اما هلال فيجري ورا زينه وهيا صبت في الصور :حلفتك براس غاده ماتضرب
هلال : خلاص تعالي مش ضارب
زينه جت : اسفه واللهي ماانعلم انهم قاعدين معاك بعدين حور مزال مجتش توقعتها مع هشام
هلال : ماهو تشغلي هذا شويه مش انتي كلمتي حور قلتيلها امشي للسوق جيبي الزينه
زينه خبطت علي راسها : اييي حقه
هلال : قولي توا شن تبي
زينه : نسيت ( هلال جي بيمشي شداته ) اصبر اصبر اذكرت هاذي الفرخه سناء خطيبها يبي يفسخ
هلال بي انتباه : ايييي
زينه : وهيا متبيش خايفه علي روحها ياحنه
هلال : اييييي
زينه : رد بالك راهي اديرلك شيء هكي ولا هكي
هلال : اييييي
زينه : شنو انت تنهق زي البقره اييي ايييي افهم معايا افتح عيونك راهي اديرلك حاجه فهمت
هلال : أي أي فهمت
زينه : عيني عليك مافاهم حاجه المهم اني نبهتك سلام
مشت زينه وهلال يفكر
-------------------------------------------------------------------D033-10
فات اليوم علي خير وجي يوم الزفه كانت حور عند الكوفيرا هيا وزينه وسناء وزهره
حور كانت تمكيج : قتلك حجز في فندق منقدرش نكمل السهريه معاكن
أنت تقرأ
كل رحيل 💜
General Fictionالرحيل المتكرر،الانتظار اللي يقتل عالبطيء،المشاعر الفاتره ،الكسره اللي مهما حاولنا نتجاهلوها تجرحنا ،💔 روايات دعاء عبدو🤍
