لايك وتعليق 💜
الحلقة 17
شوي وطلع الدكتور : انتم هلها
زينه ومروان وعفاف وهلال بي صوت واحد : ايي
الدكتور : الحمد لله مخسرناش الجنين بس واضح انها في مشكله هيا تعرضت الفتره الاخيره الى أي ارهاق او ضغط
زينه : أي دكتور
الدكتور : واضح عشان حملها مش ثابت وفي مشاكل أخرى اني هندير صورة ونشوف في نسبة كبيره انها تخسر الطفل او
عفاف : او شنو
الدكتور : نديروا الصوره ونشوفوا
هلال : نقدروا نشوفوها توا
الدكتور : حاليا معطينها مهدأت وراقده خلوها متريحه الواضح انها تاعبه واجد مع الساعه 4 العشيه يمكن تنوض
عدا الدكتور وقالت زينه : روحوا واني نقعد معاها
عفاف : اني هنديرلها يكال ونجيبلها دبش ( عدوا هلال وعفاف )
مروان : لما تنوض هتقوليلي
زينه كانت تكشخ : لو تبيك هتكلمك
مروان : تمام شكرا
--------------------------------------------------------D033-10
فات وقت وزينه كانت مقعمزه بره شويه وسمعت صوت حور تنادي : ماما زينه في حد
زينه جتها تجري : الحمد لله علي السلامه خوفتينا عليك
حور : الله يسلمك
زينه : كيف حالك توا ان شاء الله بخير💜
حور : الحمدلله ميس وين
زينه : مع ماما اكيد لما تجي هتجيبها (حور وخرت راسها وتنهدت قتلها زينه ) حور حرام يلي اديري فيه في روحك انتي لازم اديري حل لي موضوع هشام
حور فتحت عيونها : وشنو الحل بي رايك
زينه : اطلقي منه غيابي وعيشي حياتك انتي بيه وبلاه عايشه
حور : هنراجي لين نجيب وبعدها ساهل
زينه : مروان يبعتلي في رسائل يسئل عليك
حور : ان شاء الله يكون كلامي جاب معاه نتيجه
زينه : حور من هند (حور برقت فيها ) يعني اني نسأل فضول بس
حور : وحده كان يحبها زمان وبيخطبها لاكن كانوا خوتها مش كويسين يعني متاع شرب وحشيش وهكي المهم صاحب خوها يبيها لما جي مروان خطبها قعد يطلع عليها في كلام مش باهي خوتها سافروا من هنا وعدوا لي منطقه ثانيه وصلنا خبر ان قتلوها بس توا مروان اكتشف ان مماتتش
زينه : اممم ربي يهني معاها
حور : يا هبله هوا مسمعتيش كلامه حامق منها لالا مأضنش يزوجها
أنت تقرأ
كل رحيل 💜
General Fictionالرحيل المتكرر،الانتظار اللي يقتل عالبطيء،المشاعر الفاتره ،الكسره اللي مهما حاولنا نتجاهلوها تجرحنا ،💔 روايات دعاء عبدو🤍
