كل رحيل💜
الحلقة 8
كانت حور طالعه ونصدمت بعد شافت خيال يتحرك في شباك حوش هند
حور : بسم الله الرحمن الرحيم تي الحوش منضره مافيه حد
حور خشت تجري مره ثانيه لي مروان
مروان : خيرك رديتي
حور : ا ا اني الصراحه شفت خيال في حوش هند
مروان : خيال قتلك قتلك اني هيا منعدوا للحوش
حور : نعم شن تفضلت لالا ياح ح حنه اني م مش زايده عليا رويحتي
مروان : حور متكونيش جبانه
حور : ب ب بس شكله مسكوون
مروان : حور هيا ( مروان مشي وحور لحقاته دقوا عالباب محدش يرد يدقوا يدقوا ومحدش يرد
مروان : اني بنخش
حور بي خوف وترعش كلها : ن ن نعم بيتخش خ خش بروحك
مروان : هيااا حور
مروان قفع الباب والدنيا غبار ومسكته ومفيش حد وباين انه مكأناش حد خشله يمشوا بالشويه لين الباب اصرفق من الريح وتصلقها عمتك حور هديك العيطه : اااااااااااااااااااااااه ش ش شنو هذا
مروان : تي اهدي حور الباب اصرفق من الريح
حور ترعش وخايفه : م م مروان خ خ خ خلاص الحوش مفيشي حد هيا خلينا نطلعوا والنبيي
مروان : راجيني هنا منركب فوق
حور : متخلينيش بروووحي
مروان ركب وحور تبرق يمين يسار في كل مكان ويزيدن تخايلاتها لين مروان ناده عليها : حوووووور تعاالي
حور : خ خ خيرك شن تبي
مروان: غير تعاالي شوفي هذاا
حور تركب وخايفه لين وصلت لي مروان لقاته شاد براد شاهي ساخن : برقي هذا ساخن توا مطيبينه
حور مست البراد : ي ي يعني شنوو
مروان : مفيش اثر لي غاز ولا نار ولا ضي في البراد هذا بروحه وساخن
حور ترعش : بسم الله الرحمن الرحيم بسم الله الرحمن الرحيم
مروان حط البراد : اني مش مسيب هالحوش لين نعرف شن فيه
حور : ا ا اني خلاص معاش نقدر ( نزلت حور تجري ونزل مروان روحت حور ورقدت ومزالت متخولطه ومروان بعد روح قعد يفكر )
----------------------------------------------------------------D033-10
كانت زينه طالعه وهلال يسخن في سيارته جاته : صباح الخير💜
هلال : صباح النور
زينه : غاده طالعه للكليه
هلال : أي
أنت تقرأ
كل رحيل 💜
General Fictionالرحيل المتكرر،الانتظار اللي يقتل عالبطيء،المشاعر الفاتره ،الكسره اللي مهما حاولنا نتجاهلوها تجرحنا ،💔 روايات دعاء عبدو🤍
