كل رحيل💜
لايك وتعليق 💜
الحلقة 18
زينه خشت تجري : خيريه
حور وعفاف بي خوف : خيرها
زينه : ناضت من الغيبوبه
حور بي فرح💜 :كذاااابه الحمدلله الحمد لله منعديلها
زينه : خليني نساعدك
ساعدتها زينه ومشت حور خشت القت مروان احداها جتها : الحمد لله علي السلامه يا عمتي هكي اديري فينا
خيريه تدوي بي جهد : الله يسلمك يا بنتي شن بندير الكبر
مروان : اييين كبر مزلتي شبااب يا مزه
حور ضحكت وبرقت في عزوزها وقالت خيريه : انتي خيرك يا بنتي
حور : قصه طويله توا المهم اطمنه عليك
--------------------------------------------------------D033-10
فات وقت روحت خيريه وحور ردت للغرفه وكان وقت يجيبلها الدكتور الصوره كان خاش ومعاه زينه
الدكتور : كيف حالك اليوم
حور : الحمد لله بخير💜
الدكتور : يا بنتي لازم تفتحي معايا دماغك للي بندويه توا
حور برقت في زينه اللي وجهها ميطمنش وقتله : ان شاء الله خير
الدكتور : انت توا في الشهر الثالث اخطر شهر يمكن في الحمل للأسف في الصوره باين ان جهاز المناعه عندك ضعيف وان الطفل ميستقلبش التغذيه زين واميته واجده ممكن تجيبي ميت ( حور مصدومه ) هذينا كلهن احتمالات بس في نفس الوقت خطر عليك لو خليتي يعني توا ولمدة شهر هتكوني في وضع خطير لو تبي انزلوا من توا
حور بي حده : لاا مستحيل انزله
الدكتور : شوفي يا حور الشهر هذا صعب هتكوني في طول الوقت هنا عندنا هنراقبوك بس في حالتين يا تفقدي حياتك وحياته يا تعيشوا الزوز
حور بدن دموعها ينزلوا وقالتلها زينه : حبيبتي متخافيش انتي هتكوني كويسه لو نزلتي توا في وقت
حور شاده بطنها وتدوي بي حده : لااا قلتلكم لااا اني هنعيش معاه هالشهر يا متنا يا عشنا وبس
زينه : حور افهميني لو زادت نسبة ميه اكثر تقتله وتقتلك حبيبتي الدين سامحلك ليش تسكري في راسك
حور تدوي بي صوت عالي وتبكي : قلتلكممم لاااا مش هنزله فاااهمين
الدكتور : خلااص خلاااص اهدي مش باهيه العصبيه يبدأ هتقعدي معانا هالشهر هنا وبعدها نشوفوا
الدكتور طلع وحور قعدت تبكي جتها زينه خدتها في حضنها : خلاص حور هتكونوا بخير صدقيني
حور : حتى الحاجه يلي فرحت وقلت بتعوضني بتعدي ليش هكي ليش هكي يااربي💔
أنت تقرأ
كل رحيل 💜
General Fictionالرحيل المتكرر،الانتظار اللي يقتل عالبطيء،المشاعر الفاتره ،الكسره اللي مهما حاولنا نتجاهلوها تجرحنا ،💔 روايات دعاء عبدو🤍
