كل رحيل 💜
الحلقة 13
حور كانت طالعه وفجأه لقت باب حوش هل هند مفتوح مشت تبرق ومركزه لين فجأه حد مسها من ورا وتطلقها هديك العيطه : اااااااااااااااه ( ولفتت لقتها جارت عيالها )
جارتهم : خيرك بسم اللهي يا بنتي
حور : خ خ خالتي فاطمه ا ا اني اسفه بس كنت نبرق في الحوش وانتي عارفتي مسكون يقولوا فرعشت
جارتهم : اه اني شفتك قلت نسأل علي عزوزك قالو تعبانه
حور : أي والله لايام هذي تعبانه واجد نايض عليها قلبها مدايره دعامتين ومزالت
جارتهم : باهي ربي يشفيها مع السلامه 💜( مشت الجاره )
حور : اووف رعشتني رعش حشاها ( حور ردت برقت في الحوش ومشت للسياره )
-------------------------------------------------------D033-10
جت الساعه 5 وغسلوا ام منذر وحطوها وكان منذر يبكي في الممر جاته زينه
زينه : منذر لازم تاخد امك عشان تدفنوها
منذر : نبي نشوفها
زينه : تفضل ( خشت منذر وزينه معاه من ورا )
منذر برق في امه ونزلن دموعه وباس علي راسها : مع السلامه وهالمره معاش بتردي بعدها كسرتيني يامي ( ومشي أحدا كرعيها وباسهن ) الجنه هذي بتعدي من هنا الكرعين يلي بنغسلهن بعد اليوم ( زينه تبكي ) واااعره يامي وااعره هدتني موتك بس انتي ربيتيني راجل متخافيش هنحافظ علي خواتي ونكبرهن ونزوجهن ب بس انت ارضي عليا بس نسمع صوتك لاخر مره لمستك الحنونه تمسني لاخر مره بس💔 ( مشي أحدا راسها وسكر عيونها وغطاها )
-------------------------------------------------------D033-10
فات الوقت وجي الليل كانت زينه خاشه للحوش كئيبه مش زي قبل خشت طول لي دارها جتها عفاف
عفاف : تبي عشي
زينه هزت بي راسها : لا منبيش منرقد بس
عفاف : خيرك شن صاير
زينه : ام منذر صاحب هشام توفت
عفاف : ان لله وان اليه راجعون
زينه : كان تشوفي ولدها ياماما يفوتن عليا ناس واجد بس هذا حسيتها معاه وجعني وااجد💔
عفاف : ربي يصبره اكيد حور متعلمش
زينه : منعلمش المهم الدفينه غدوا لازم نعدوا
طلعت عفاف وزينه مزالت واجعها منذر
-------------------------------------------------------D033-10
كانت حور تكلم في مروان وفجأه رن فرحت ورد عليها
حور : مروان انت وين
مروان : اني في .......
حور : من جدك ماشي غادي ميته هند ميته خلاص
أنت تقرأ
كل رحيل 💜
General Fictionالرحيل المتكرر،الانتظار اللي يقتل عالبطيء،المشاعر الفاتره ،الكسره اللي مهما حاولنا نتجاهلوها تجرحنا ،💔 روايات دعاء عبدو🤍
