كل رحيل 💜

الحلقه 14 🌌

كل رحيل💜

الحلقة 14

زينه : للأسف خشت في غيبوبه الدم ميغديش في الدماغ وقلبها تاعب💔

حور تبكي : وضناها مش احداها زيديها لانه من سباب مرضها

زينه : حرام عليهم كلميهم أي شيء

حور تبكي : شن منكلم فيهم وهما كل واحد هارب

زينه انصدمت ومش فاهمه :هارب كيف يعني

حور : زينه بعدين نفهمك توا خلينه في عمتي

زينه : عمتك معندكش حل ليها ادعيلها بس

حور قعمزت وقعدت تبكي وبعتت رساله لي هيام والهام بيش يجن شويه وجت عفاف وهلال عفاف جت لي بنتها

حور تعنفت أمها وقالت عفاف : هدي روحك يا بنتي ان شاء الله ساعات ويكون حالها باهي💜

هلال : مروان وهشام وين

حور : مسافرين كل واحد في جيهه

هلال : كلمتيهم بعتيلهم أي شيء

حور : نكلم فيهم ميردوش

زينه : ميس وين

عفاف : خليتها عند جيرانه خفت علي خيريه واجد جيت نطمن شويه وراده

شويه ويسمعوا صوت وحده تولول وهيا هيام : وووووه يامي وووووه يامي وووه عليا يا حنونه ووه

هلال : سكتيها مستشفى احني

حور مشتلها تجري : هدي روحك ان شاء الله بتكون كويسه

هيام دفت حور : منعديلهااا اني منعديلهاااا

حور : متقدريش يا هيام

هيام : وانتي شن دخلك امي هذيي راهههي وووه يامي

حور : وينك علي امك لما كانت محتاجتكم

هيام : شن قصدك انتي لااا يااا ماما متدويش معايا هكيي

حور : لو سمحتي نقصي صوتك احني في مستشفى

هيام : وكان منقصتاش شن بيصير بتضربيني ولا بتنادي هشام يدافع عليك ولا امي ولا مروان كلهم بححح شوفي كيف بتردي عليا وانتي بلا ظهر

حور : ظهري نفسي ويدي بي كراعي نسندها مش محتاجه لي حد🔥

هيام : لو كنتي فالحه مخليتيش ولدك يضيع وراجلك يهرب (هيام مشت وحور وجعتها الكلمه حست وكأنها خلاص معاش عندها حد جتها زينه )

زينه : حور شن قتلك هذي

حور وخانقتها العبره 💔: ماقالت شيء امي وين

زينه : روحت هيا وهلال

حور : اني منروح شويه ونرد

زينه : متخافيش أي شيء هنطمنك ( حور روحت وطول الطريق تبكي وصلت للحوش خشت للدار كان عند هشام شوية قمصان تبكي واطلع فيهن بي غل وتقص فيهن بالمقص )
حور تبكي وتشهق : كلاااااا منك كلااااا منك عدييييت وخليتهم يطمعوااا فياااااا كلاااا منك ااااااااه يااااربي معاااش نقدر نتحمممل يااااااااربي خوذنيييي وريحنيييي ياااااربي خوووذني💔 ( وعدت لي دولابها فتحاته وطلعت دبش دساته لي عدي وقعدت متعنقته وتبكي عالسرير لين رقدت )