كل رحيل 💜
الحلقة 10
مروان كان مش مهني روحه كان خاش لي حوش هند يتلفت يمين يسار برق يمين ملقاش حد رد لليسار زرك : ااااااااااااه بسم الله الرحمن الرحيم ...ه ه هند
هند : توحشتك واجد
مروان : انت عايشه صح
هند : أي صح برق وراك ( مروان من دون راده برق وراه لفت القاها مهناكش مشي يجري دور في كل مكان ملقهاش طلع بره الحوش يجري خش لي حوشهم ولي داره نومه وقعد يعيط بي صوت عالي
مروان : شفتهااااا وحق ربيي شفتهااا ودوووت معااايااا
خيريه جت تجري : خيرك اللطف
مروان : يااامي شفت هند ودويت معاها
خيريه : ردينا يا مروان
مروان قعد يعيط ويدوي بي صوت عالي : بسسسس اني شفتها ياامي دووت معايا ( وقعمز عالسرير وحط يديه علي راسه وهدي وقعد يدوي وهوا يعيط ) شفتها يامي ودوت معايا قتلي توحشتك بعدين قتلي برق وراك برقت قلبت ليقتها مهناكش بس واللهي دويت معاها💔
خيريه حطت ولدها في حضنه وهوا يعيط زي العيل وهيا تقرا عليه لين هدي💜
------------------------------------------------D033-10
جي ثاني يوم الجمعه كانت حور تلبس لانها بتعدي لي قبر ولدها كانت مغمومه واجد وحاسه روحها نفسها يضيق بس قاومت طلعت هيا وميس ووصلوا للمقبره جت للقبر ومقدرتش تمسك روحها وعيطت💔
حور : ولدي تسمع فيا توحشتك وااااااجد بوك سيبني وعده معاش قدر يتحمل بس اني مزلت صابره بس لامتى صبري فقدتك وعديت من يدي وبوك سيبني وقبلكم فقدت بابا وتوا مش عارف من منسجل في ليستت المفقودين بس انت بخير اني عارفه بس اني مش بخير ( وقعدت تبكي بالشهقه ) اني تعبااااانه واااجد نيتي نجيك ونشوفك ب بس في اختك في ميس حرام ندير فيها كيف مادارت فيا الدنيا انت قولي شن انديير اني معااش عرفت رااك تسحابني لما نبي بوك يكمل حياته اني نسيتك ( وزادت ابكي💔 ) ابداااا يااروحي انت في قلبي بس في اختك لما تكبر لازم تلقى اب ليها واني هالكسر يلي في قلبي من موتك عمره ما هينجبر هتقعد تزورني في الحلم اني عارفه اني نستنى فيك ( ومسحت دموعها وقعدت تقراله في قرأن لين فجأه حست روحها معاش تقدر تتحمل سكرت المصحف حطاته في الشنطه وباست علي تراب قبره ) مع السلامه ( وطلعت ركبت للسياره ورن تليفونها )
حور : اهلين عمتي
خيريه : اهلين حور حبيبتي وينكم اليوم
حور : شويه وجايه بس هشام مخبركمش جاه عمل مهم في تركيا ومشي بيطول شويه
خيريه : لامخبرناش معقوله يسافر وميقولش
حور : يمكن تفلوش على كلن شويه وجايه ( حور تسوق بالسيف وحاسه روحها دايخه مش طايقه الدنيا وقلبها مغموم وصلت لي حوش عيالها دقت الباب فتحلها مروان)
أنت تقرأ
كل رحيل 💜
General Fictionالرحيل المتكرر،الانتظار اللي يقتل عالبطيء،المشاعر الفاتره ،الكسره اللي مهما حاولنا نتجاهلوها تجرحنا ،💔 روايات دعاء عبدو🤍
