كل رحيل 💜

الحلقه 12🌌

كل رحيل 💜

الحلقة 12

كانت حور راقده وناضت علي عزوزها تكلم

حور : اهلين عمتي

عمتي : حوور مروان مش قاعد في الدار وواخد شويه من دبشه

حور انصدمت : شنو خيره ( ناضت حور لبست وحطت بنتها عند أمها ومشت لي عزوزها وطول الطريق تكلم في مروان وهوا مقفل تليفونه وصلت غادي ونزلت تجري ليهم )

حور : شن صاير

خيريه : تليفونه مقفل وواخد من دبشه مش عارف وين ماشي

حور : ان شاء الله خير متخافيش ( حور في خاطرها : متهربش زي خوك قلب هالام معاش يتحمل💔 )

---------------------------------------------------------------D033-10

زينه كانت فايته لقت منذر مصبي

زينه : اهلين منذر نساعدك في شيء

منذر بي نفسيه : اهلين جايب امي بس ادير في تحاليل

زينه : قولي عليهن واني اول مايطلعن نقلهن للدكتوره من دون ماتجو

منذر : لا شكرا مش محتاجين

زينه : اه تمام

مشت زينه ومنذر قال : دروحها توا بتساعد خيرك ما سعدتي قلبي وخديتني

---------------------------------------------------------------D033-10

حور تكلم فيه وخيريه تحوص

خيريه : اكيد سافر

حور : وين بيمشي

خيريه : مش عارف وين هوا هشام في طرابلس

حور : اه هشام لا في استراليا ماهو قتلك شغل

خيريه : هوا الثاني لا يكلم لا يسأل وديما مسكر نته اني مش عاارف منين منلقاها هوا يكلم فيك

حور : اه أي مره مره يكلم فيه شغلهم وااجد وميفضوش

خيريه : حور انتي متكذبيش عليا صح

حور : لا فيش بنكذب عليك هشام مسافر وهيرجع ان شاء الله بس بيطول

خيريه قعدت تبرق في حور وهيا توترت وردت تكلم في مروان

---------------------------------------------------------------D033-10

كان هلال خاش لي حوشه فتح الباب وقلبه مغموم خش لي دار النوم القي عطور ومكياج غاده وشوي من دبشها مش واخدته كلم سيارة نقل وطلع فيها الصالون يلي جايبته حجات اماعين هيا جايبتهن وكل شيء ليها وعطاه العنوان

هلال بعد كمل كل شيء خش رقد عالسرير بي تعب : اخخخخ ماسد طلقتها ماسد ناقللها دبشها الحب بهدله والخطوبه بهدله والزواج بهدله أي حاجه تمس النساوين بهدله

-------------------------------------------------------D033-10

اما عند غاده فكانت مقعمزه في دارها خش بوها